ଭୁବନେଶ୍ବର: ପ୍ରଚଣ୍ଡ ରୌଦ୍ର ତାପରେ ଜଳୁଛି ଓଡିଶା । ଅସ୍ତବ୍ୟସ୍ତ ଜନଜୀବନ । ଆକାଶରୁ ହେଉଛି ଅଗ୍ନିଵର୍ଷା । ଖରାର ପ୍ରକୋପକୁ ନେଇ ଓଡ଼ିଶାର କିଛି ଜିଲ୍ଲାରେ ଅସହ୍ୟ ଗ୍ରୀଷ୍ମ ପ୍ରବାହ ଦେଖିବାକୁ ମିଳିଛି । ଆଜି ଦିନ ୧୧ଟା ରାଜ୍ୟର ସୁଦ୍ଧା ୧୮ଟି ସହରରେ ୪୦ ଉପରେ ରେକର୍ଡ ହୋଇଛି ତାପମାତ୍ରା । ରାଜ୍ୟରେ ଆଗାମୀ ୫ ଦିନ ପର୍ଯ୍ୟନ୍ତ ତାପମାତ୍ରାରେ କୌଣସି ପରିବର୍ତ୍ତନ ହେବାକୁ ନଥିବା ବେଳେ ଅଧିକାଂଶ ସହରରେ ୪୨ ଡିଗ୍ରୀ ଉପରେ ତାପମାତ୍ରା ପାର କରିବା ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।
ଅଧିକ ପଢନ୍ତୁ: White House: ବାଇଡେନଙ୍କୁ ହତ୍ୟା ଯୋଜନା ! ହ୍ବାଇଟ ହାଉସ ପାଚେରୀକୁ ଟ୍ରକରେ ଧକ୍କା ଦେଲେ ଭାରତୀୟ
ଏହାସହ ଆଗାମୀ ୩ ଦିନ ପର୍ଯ୍ୟନ୍ତ ପଶ୍ଚିମ ଓଡ଼ିଶାରେ ଗ୍ରୀଷ୍ମ ପ୍ରବାହ ଲାଗି ରହିବ ବୋଲି ଆକଳନ କରିଛି ବିଭାଗ । ଏହାସହ ଓଡ଼ିଶାର କେତେକ ସ୍ଥାନରେ ବିଜୁଳି ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି । ଏହାକୁ ନେଇ ଆସନ୍ତାକାଲି(ଗୁରୁବାର) ୧୯ ଜିଲ୍ଲା ଯେପରିକି ନବରଙ୍ଗପୁର, ନୂଆପଡା, କୋରାପୁଟ, କଳାହାଣ୍ଡି, କନ୍ଧମାଳ, ରାୟଗଡା, ଗଜପତି, ଗଞ୍ଜାମ, ନୟାଗଡ, ଖୋର୍ଦ୍ଧା, ବୌଦ୍ଧ, କଟକ, ଅନୁଗୁଳ, ଢେଙ୍କାନାଳ, ଯାଜପୁର, ଭଦ୍ରକ, ଵାଲେଶ୍ବର, କେନ୍ଦୁଝର, ମୟୁରଭଞ୍ଜକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
ଅଧିକ ପଢନ୍ତୁ: ନୂଆ ସଂସଦ ଭବନରେ ସ୍ଥାପିତ ହେବାକୁ ଥିବା ସୁନା ରାଜଦଣ୍ଡ ‘ସେଙ୍ଗୋଲ’ କଣ ? ଜାଣନ୍ତୁ ଏହି ଭିଡିଓରୁ
ସେହିପରି ୨୭ତାରିଖରେ ରାଜ୍ୟର କିଛି ଅଞ୍ଚଳରେ ବିଜୁଳି ଘଡ଼ଘଡ଼ି ସହ ବର୍ଷା ବଢିବାର ସମ୍ଭାବନା ଥିବାବେଳେ ୧୧ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ସେପଟେ ଗତ ୨୪ ଘଣ୍ଟା ତାପମାତ୍ରା ବୃଦ୍ଧିକୁ ନେଇ ବଲାଙ୍ଗୀରରେ ସର୍ବାଧିକ ୪୩.୩ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଭୁବନେଶ୍ବରରେ ୪୨.୬ ଓ କଟକରେ ୪୧ .୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା । ଆଜିବି ଭୁବନେଶ୍ବରରେ ତାପମାତ୍ରା ୪୦ ଛୁଇଁବା ତାପମାତ୍ରା ବୋଲି ପୂର୍ବାନୁମାନ କରିଛି ବିଭାଗ । ସେହିପରି ରାଜ୍ୟର କିଛି ଅଞ୍ଚଳରେ ବର୍ଷ ହୋଇଥିବା ବେଳେ ସମ୍ବଲପୁର କୁଚିଣ୍ଡାରେ ୧୨.୦ ମିମି ବର୍ଷ ରେକର୍ଡ କରାଯାଇଛି ବୋଲି ସୂଚନା ଦେଇଛି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର । ତେବେ ବର୍ଷା ପ୍ରଭାବରେ ମଧ୍ୟ ଗୁଳୁଗୁଳି ବଢିଛି । ଆସନ୍ତା ୫ ଦିନ ପର୍ଯ୍ୟନ୍ତ ତାପମାତ୍ରରେ କୌଣସି ପରିବର୍ତ୍ତନ ହେବ ନାହିଁ ବୋଲି ପାଣିପାଗ ବିଭାଗ ସୂଚନା ଦେଇଛି ।
ଇଟିଭି ଭାରତ, ଭୁବନେଶ୍ବର
