ଭୁବନେଶ୍ବର: ଫିଫା ବିଶ୍ୱକପ କ୍ୱାଲିଫାଏର ପୂର୍ବରୁ FIFA-AIFF ଓ ଓଡ଼ିଶା ସରକାରଙ୍କ ମଧ୍ୟରେ (AIFF) ମଧ୍ୟରେ ଚୁକ୍ତିନାମା ସ୍ବାକ୍ଷରିତ ହୋଇଛି । ତୃଣମୂଳ ସ୍ତରରେ ଫୁଟବଲ୍ ଖେଳାଳି ଚୟନ କରି ସେମାନଙ୍କୁ ଏକାଡେମୀରେ ଦିଆଯିବ ସ୍ବତନ୍ତ୍ର ପ୍ରଶିକ୍ଷଣ । ରାଜ୍ୟରେ ଥିବା ଜୁନିୟର ସ୍ତରର ଖେଳାଳିମାନଙ୍କୁ AIFF- FIFA ଟ୍ୟାଲେଣ୍ଟ ଏକାଡେମୀରେ କୋଚିଂ ପ୍ରଦାନ ସହ ପାଠ ପଢ଼ିବାକୁ ମିଳିବ ସୁଯୋଗ ।

ଏହା ମଧ୍ଯ ପଢ଼ନ୍ତୁ:ଭୁବନେଶ୍ବରରେ ହେବ FIFA ବିଶ୍ବକପ୍‌; ଭାରତ-କତାର କ୍ବାଲିଫାୟର୍ସ ଦେଖିବେ ପ୍ରଶଂସକ

ଏହା ମଧ୍ଯ ପଢ଼ନ୍ତୁ: ଫିଫା ବିଶ୍ବକପ୍‌ କ୍ବାଲିଫାୟର: ପ୍ରସ୍ତୁତ କଳିଙ୍ଗ ମୈଦାନ, ମଙ୍ଗଳବାର କତାରକୁ ଭେଟିବ ଟିମ୍‌ ଇଣ୍ଡିଆ

ଭୁବନେଶ୍ବରରେ ଆଜି(ମଙ୍ଗଳବାର) ସ୍ବାକ୍ଷରିତ ହୋଇଛି ଏହି MOU । ଏହି ଅବସରରେ ଉପସ୍ଥିତ ଥିଲେ ଫିଫା ଫୁଟବଲ ଡେଭେଲପମେଣ୍ଟ ଅପରସେନ ଏଆଇଏଫଏଫର ସଭାପତି କଲ୍ୟାଣ ଚୋବେ । ରାଜ୍ୟ କ୍ରୀଡ଼ା ମନ୍ତ୍ରୀ ତୁଷାରକାନ୍ତି ବେହେରା ଏବଂ କ୍ରୀଡ଼ା ସଚିବ ଆର୍. ଭିନିଲ କ୍ରିଷ୍ଣାଙ୍କ ଉପସ୍ଥିତରେ ଏମଓୟୁ ସ୍ବାକ୍ଷରିତ ହୋଇଛି। ଏହାର ମୁଖ୍ୟ ଲକ୍ଷ୍ୟ ହେଉଛି, ରାଜ୍ୟରେ ଥିବା ଜୁନିୟର ସ୍ତରର ଖେଳାଳିମାନଙ୍କୁ AIFF-FIFA ଟ୍ୟାଲେଣ୍ଟ ଏକାଡେମୀରେ ରଖାଯାଇ କୋଚିଂ ପ୍ରଦାନ କରିବା । ଖେଳ ସହ ସେମାନଙ୍କୁ ପାଠ ପଢ଼ିବାର ସୁଯୋଗ ଦିଆଯିବା ।

ଫିଫା ମୁଖ୍ୟଙ୍କ ଅନୁଯାୟୀ ସବୁଠାରୁ ଗୁରୁତ୍ବପୁର୍ଣ୍ଣ କଥା ହେଉଛି, "ଭାରତୀୟ ଖେଳାଳିଙ୍କ ପାଖରେ ଟ୍ୟାଲେଣ୍ଟ ଭରି ରହିଛି । ହେଲେ ସେମାନେ କେବେ ବିଶ୍ବକପ ଫୁଟବଲ ଖେଳି ପାରିବେ ସେକଥା ମୁଁ କହିପାରିବି ନାହିଁ । ମାତ୍ର ଏହି ଏକାଡେମୀ ଆଗାମୀ ତିନିବର୍ଷ ମଧ୍ୟରେ ଅନେକ ଫୁଟବଲ ଖେଳାଳିଙ୍କୁ ଭାରତୀୟ ଟିମ୍‌ରେ ସାମିଲ କରାଇ ପାରିବ । ସେହି ପ୍ରତିିଶ୍ରୁତି ମୁଁ ଦେଉଛି ।"

ଭାରତୀୟ ଫୁଟବଲ ସଂଘ ଭୁବନେଶ୍ବରରେ ଏକାଡେମୀ କରିବା ପାଇଁ ଆଗ୍ରହ ପ୍ରକାଶ କରିବାର ମୁଖ୍ୟ କାରଣ ଭୁବନେଶ୍ୱରରେ ଯେଉଁଭଳି କ୍ରୀଡ଼ା ଭିତ୍ତିଭୂମି ରହିଛି, ଏହାଠାରୁ ଅଧିକ ସୁବିଧା ଆଉ କେଉଁ ରାଜ୍ୟରେ ନାହିଁ । ତେଣୁ ଓଡ଼ିଶା ହେଉଛି କ୍ରୀଡ଼ାର ପ୍ରଥମ ପସନ୍ଦ । ଏବେ ଫୁଟବଲ୍‌କୁ ଅଧିକ ପ୍ରଚାର ପ୍ରସାର କରିବା ପାଇଁ ରାଜ୍ୟ ସରକାର ତିନି ତିନିଟି ଫୁଟବଲ ଅଭ୍ୟାସ ଗ୍ରାଉଣ୍ଡ୍‌ କରିଛନ୍ତି । AIFF-FIFA ଟ୍ୟାଲେଣ୍ଟେ ଏକାଡେମୀ ଭୁବନେଶ୍ବରରେ ଥିବା ୭ମ ବାଟାଲିଆନରେ ରହିଛି । ବର୍ତ୍ତମାନ ଏହି ଏକାଡେମୀରେ ୧୩ ବର୍ଷରୁ ଅଧିକ ଏବଂ ୧୭ ବର୍ଷରୁ କମ୍‌ ବୟସ ବର୍ଗ ମଧ୍ୟରେ ଖେଳାଳି ଚୟନ କରାଯିବ । ଭାରତୀୟ ଫୁଟବଲ ଖେଳାଳି କାହିଁକି ବିଶ୍ବକପ ଫୁଟବଲ ଖେଳି ପାରୁନାହାନ୍ତି, ଏହା ସମସ୍ତଙ୍କ ପାଇଁ ବଡ଼ ପ୍ରଶ୍ନ । କିନ୍ତୁ ବର୍ତ୍ତମାନ ଭାରତୀୟ ଖେଳାଳିଙ୍କୁ ସୁବିଧା ସୁଯୋଗ ମିଳୁଛି । ଆଗାମୀ ଦିନରେ ଭାରତୀୟ ଫୁଟବଲ ୧୦୨ ରାଙ୍କ୍‌ରୁ ଅଧିକ ଉପରକୁ ଉଠି ନିଜର ପ୍ରତିଭାକୁ ପ୍ରମାଣିତ କରିପାରିବେ ।

ଇଟିଭି ଭାରତ, ଭୁବନେଶ୍ବର