କେନ୍ଦୁଝର: ଦୀର୍ଘ ସାତ ବର୍ଷ ପରେ ପୋଲିସ କବଳରେ ମାଓ ସହଯୋଗୀ । କେନ୍ଦୁଝର ଜିଲ୍ଲା କାଳିଆହତା ପଞ୍ଚାୟତ ଅନ୍ତର୍ଗତ ଖଣ୍ଡବନ୍ଧରୁ ମାଓବାଦୀ ସହଯୋଗୀକୁ ଗିରଫ କରିଛି ପୋଲିସ । ଅଭିଯୁକ୍ତ ଜଣକ ହେଲେ ଶେଖର ଓରଫ ଦିବା ମୁଣ୍ଡା ।
୨୦୧୩ ରେ ଦୈତାରି-ବାଂଶପାଣି ରେଲୱେ ଲାଇନ ଉଡାଇବାରେ ସଂପୃକ୍ତ ଥିଲା ଦିବା । ଏ ନେଇ ଦୈତାରି ଥାନା କେସ ନଂ ୩୦/୨୦୧୩ ନେଇ ଏକ ମାମଲା ରୁଜ୍ଜୁ ହୋଇଥିଲା । ସେବେଠୁ ପୋଲିସ ଦିବାକୁ ଖୋଜୁଥିଲା । କଳେବଳେ କୌଶଳେ ତାକୁ ଗିରଫ କରିବାରୁ ଉଦ୍ୟମ ଆରମ୍ଭ କରିଥିଲା ତେଲକୋଇ ପୋଲିସ । ଦୀର୍ଘ ସାତ ବର୍ଷର କସରତ ପରେ ଦିବାକୁ କାବୁ କରିଛି ପୋଲିସ । ଦିବା କଳିଙ୍ଗନଗର ମାଓ ଡିଭିଜନର ଏରିଆ କମାଣ୍ଡର ସୁନୀଲର ସହଯୋଗୀ ଥିଲା ବୋଲି ପୋଲିସ ପ୍ରକାଶ କରିଛି । ଗିରଫ ମାଓବାଦୀ ଦିବାକୁ କୋର୍ଟ ଚାଲାଣ କରିଛି ତେଲକୋଇ ପୋଲିସ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ
