କେନ୍ଦ୍ରାପଡା: ଜିଲ୍ଲାରେ ବଳରାମ ଯୋଜନା ମାଧ୍ୟମରେ କୃଷି ସହାୟତା ରାଶି ବଣ୍ଟନ କରାଯାଇଛି । ରାଜନଗର ପଞ୍ଚାୟତ ସମିତି ସଭାଗୃହରେ ରାଜ୍ୟ ସରକାରଙ୍କ ବଳରାମ ଯୋଜନା ଅନ୍ତର୍ଗତ ମିଳିତ ଦେୟ ଗୋଷ୍ଠୀ(JLG)ମାନଙ୍କୁ ଆର୍ଥିକ ସହାୟତା ରାଶି ବଣ୍ଟନ ମେଳାରେ ଅନୁଷ୍ଠିତ ହୋଇଯାଇଛି ।
କେନ୍ଦ୍ରାପଡାରେ ବଳରାମ ଯୋଜନା ଆରମ୍ଭ, ବଣ୍ଟନ ହେଲା ୩ କୋଟିରୁ ଊର୍ଦ୍ଧ୍ବ
ଏହି ସହାୟତା ରାଶି ବଣ୍ଟନ କାର୍ଯ୍ୟକ୍ରମରେ ରାଜନଗର ବିଧାୟକ ଧ୍ରୁବ ସାହୁ, ରାଜନଗର ବିଡ଼ିଓ, ତହସିଲଦାର ଓ କୃଷି ଅଧିକାରୀ ଉପସ୍ଥିତ ଥିଲେ । ପ୍ରଥମ ପର୍ଯ୍ୟାୟରେ ରାଜନଗର ବ୍ଲକରେ ୨୯୫ ଟି ଜେଏଲଜିକୁ ୩ କୋଟି ୫୦ ଲକ୍ଷରୁ ଅଧିକ ଟଙ୍କା ବଣ୍ଟନ କରାଯାଇଛି । କୃଷକମାନେ ଚାଷ କ୍ଷେତ୍ରରେ କିଭଳି ଭାବରେ ଉନ୍ନତି କରିବା ସହ ଏହି ରାଶିକୁ ସଠିକ ବିନିଯୋଗ କରିବେ ସେନେଇ ଆଲୋଚନା ହୋଇଥିଲା । ରାଜ୍ୟ ସରକାରଙ୍କ ବଳରାମ ଯୋଜନା କିପରି ସାଧାରଣ ଲୋକଙ୍କ ନିକଟରେ ପହଞ୍ଚିବ ସେଥିରୁ ରାଜନଗରର ପ୍ରତ୍ୟେକ ଜନ ସାଧାରଣ ବଞ୍ଚିତ ନହେବେ ସେନେଇ ଯୋଜନା ହୋଇଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
