କେନ୍ଦ୍ରାପଡା: ଦୀର୍ଘ ୭ ବର୍ଷ ପରେ ଦୋଷୀକୁ ମିଳିଲା ଦଣ୍ଡ । କେନ୍ଦ୍ରାପଡା ଜିଲ୍ଲା ସଦର ଥାନା ଅନ୍ତର୍ଗତ କସୋଟି ଗାଁର ଜଣେ ନାବାଳିକାକୁ ଅପହରଣଘଟଣାରେ ଦୋଷୀକୁ ଆଜୀବନ କାରାଦଣ୍ଡ ହୋଇଛି । ଦଣ୍ଡାଦେଶ ଶୁଣାଇଛନ୍ତି ଜିଲ୍ଲା ଫାଷ୍ଟଟ୍ରାକ ପୋକ୍ସ କୋର୍ଟ ।
ସୂଚନାଅନୁସାରେ ୨୦୧୪ ମେ ମାସ ୨୯ ତାରିଖରେ ଟ୍ୟୁସନ ଯାଉଥିବା ସମୟରେ ଅଭିଯୁକ୍ତ ଜଣଙ୍କ ନାବାଳିକାକୁ ଅପହରଣ କରି ନେଇଥିଲା । ଏହାପରେ ପରିବାରକୁ ପାଞ୍ଚ ଲକ୍ଷ ଟଙ୍କା ଦେଲେ ଝିଅକୁ ଛାଡିବ ବୋଲି କହିଥିଲା ଅଭିଯୁକ୍ତ । ପରିବାର ପକ୍ଷରୁ ଅଭିଯୋଗ କ୍ରମେ ଗିରଫ ହୋଇ ବିଚାରଧୀନ କଏଦୀ ଭାବରେ ଜେଲରେ ଥିଲା ଅଭିଯୁକ୍ତ । ଅଗଷ୍ଟ ୧୭ ୨୦୧୪ରେ ପିପିଲିରୁ ଧରା ପଡିଥିଲା ଅଭିଯୁକ୍ତ ।
ଜିଲ୍ଲା ଫାଷ୍ଟଟ୍ରାକ ପୋକ୍ସ କୋର୍ଟ 364A,365 ଦଫାରେ ଦୋଷୀକୁ ଆଜୀବନ କାରାଦଣ୍ଡ (life time imprisonment) ଓ ପାଞ୍ଚ ହଜାର ଟଙ୍କା ଜୋରିମାନା ଦଣ୍ଡ ଶୁଣାଇଛନ୍ତି । ଜୋରିମାନା ଅନାଦେୟ ୬ମାସ ଅତିରିକ୍ତ ଜେଲ ରାୟ ଶୁଣାଇଛନ୍ତି । ଅପହରଣକାରୀ ଅଭିଯୁକ୍ତ ପ୍ରଦୀପ ଓଝା ଘର ଜଗତସିଂହପୁର ଢ଼ିଙ୍କିଆ ଗ୍ରାମରେ ବୋଲି ଜଣାପଡିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
