କନ୍ଧମାଳ: ଜିଲ୍ଲା ପୂର୍ବତନ ସାଂସଦ ତଥା ବିଜେଡି ନେତା ସୁଗ୍ରୀବ ସିଂଙ୍କ ଦେହାନ୍ତ । ଗତକାଲି ଅସୁସ୍ଥତା କାରଣରୁ ଭୁବନେଶ୍ବର କିମସ ମେଡିକାଲରେ ଚିକିତ୍ସିତ ହେଉଥିଲେ ପୂର୍ବତନ ସାଂସଦ ସୁଗ୍ରୀବ ସିଂ ।
ସୂଚନାଅନୁସାରେ, ଗତକାଲି ସେ ଅସୁସ୍ଥ ଅନୁଭବ କରିବାରୁ ତାଙ୍କୁ କିମ୍ସରେ ଭର୍ତ୍ତି କରାଯାଇଥିଲା । ମେଡିକାଲରେ ଭର୍ତ୍ତି ହେବାର କିଛି ଘଣ୍ଟା ପରେ ତାଙ୍କର ମୃତ୍ୟୁ ହୋଇଥିବା ପରିବାର ପକ୍ଷରୁ ସୂଚନା ମିଳିଛି । ତାଙ୍କଠାରେ କୋରୋନା ଲକ୍ଷଣ ଥିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।
ସେ 2004ରୁ 2009 ପର୍ଯ୍ୟନ୍ତ ସାଂସଦ ଭାବରେ କାର୍ଯ୍ୟ ତୁଲାଇଥିଲେ । ପରେ ସେ ବିଜେଡି ଦଳରେ କାମ କରୁଥିଲେ ହେଁ ଟିକେଟ ପାଇ ନଥିଲେ । ସେ ପ୍ରାୟତଃ ଭୁବନେଶ୍ବରରେ ରହି ଆସୁଥିଲେ । ବିଜେଡି କର୍ମୀ ଭାବରେ ସେ ଦଳରେ ସକ୍ରିୟ ରହିଥିଲେ । ତାଙ୍କ ଅକାଳ ବିୟୋଗରେ ଜିଲ୍ଲା ତଥା ଦଳର ଅନେକ ନେତା ଗଭୀର ଶୋକ ପ୍ରକାଶ କରିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
