ଭବାନୀପାଟଣା : ଧାନ ମଣ୍ଡି ସମସ୍ୟା ନେଇ ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଚାଷୀ (Farmers meet district collector)। ଏଭଳି ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାରେ । ଏହି ଜିଲ୍ଲାରେ ନଭେମ୍ବର ୨୫ ତାରିଖରୁ ଚଳିତ ଖରିଫ ଋତୁର ଧାନ କିଣା ଆରମ୍ଭ ହୋଇଛି । ଚଳିତ ଖରିଫରେ ୧୮୬୭୩୪ ହେକ୍ଟର ଧାନ ହୋଇଥିବା ଜମିରୁ ୮,୫୮,୯୭୬ ମେଟ୍ରିକ ଟନ୍ ଧାନ ଉତ୍ପାଦନ ଲକ୍ଷ୍ୟ ରଖାଯାଇଛି । ଖରିଫ ୨୦୨୨-୨୩ରେ ଜିଲ୍ଲାରେ ୭୪ଟି ପ୍ୟାକ୍ସ, ୧୭୫ଟି ଧାନ ସଂଗ୍ରହ କେନ୍ଦ୍ର, ୩୩ଟି ମହିଳା ସ୍ଵଂୟ ସହାୟିକା ଗୋଷ୍ଠୀ ଦ୍ଵାରା ଧାନ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି ।
ହେଲେ ଆରମ୍ଭରୁ ଅନେକ ମଣ୍ଡିରେ ସମସ୍ୟା ଦେଖା ଦେଇଛି । ଏହାକୁ ନେଇ ଆଜି ଚାଷୀ ନେତା ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି (Farmers meet district collector due to paddy procurement problem) । ଅଭିଯୋଗ ଅନୁଯାୟୀ ମଣ୍ଡି ଆରମ୍ଭରୁ ହିଁ କ୍ୱିଣ୍ଟାଲ ପିଛା 5ରୁ ୭କେଜି କଟନୀ, ବସ୍ତା ସମସ୍ୟା, ଧାନ ଉଠାଣରେ ବିଳମ୍ବ, ମଣ୍ଡିମାନଙ୍କରେ ଆନୁଷଙ୍ଗିକ ବ୍ୟବସ୍ଥା ନଥିବା ଯୋଗୁଁ ଚାଷୀ ସମସ୍ୟାର ସମ୍ମୁଖୀନ ହେଉଛନ୍ତି ।
ଏହା ମଧ୍ୟ ପଢନ୍ତୁ: Archana Nag Case: ମଉଳିଲା ଜେଲରୁ ମୁକୁଳିବା ଆଶା, ଅର୍ଚ୍ଚନାଙ୍କ ଜାମିନ ଆବେଦନ ଖାରଜ
ଏନେଇ ପଛୁଆ ଅଞ୍ଚଳ ବିକାଶ ସଂଗ୍ରାମ ସମିତି ପକ୍ଷରୁ କେସିଙ୍ଗା ଓ ଭବାନୀପାଟଣା ବ୍ଲକର ଚାଷୀ ଅଭିଯୋଗ କରିବା ସହ ଧାନମଣ୍ଡି ସମସ୍ୟା ନେଇ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଛନ୍ତି (paddy procurement problem in Kalahandi) । ସେଠାରେ ଜିଲ୍ଲାପାଳଙ୍କ ଜରିଆରେ ରାଜ୍ୟସରକାରଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ।
ଏ ସମ୍ପର୍କରେ କଳାହାଣ୍ଡି ପଛୁଆ ଅଞ୍ଚଳ ବିକାଶ ସଂଗ୍ରାମ ସମିତି ସଭାପତି ସାମନ୍ତ ଖମାରୀ କହିଛନ୍ତି ''ଜିଲ୍ଲାରେ ନଭେମ୍ବର ୨୫ତାରିଖରୁ ଚଳିତ ଖରିଫ ଋତୁର ଧାନ କିଣା ଆରମ୍ଭ ହୋଇଛି । ହେଲେ ଆରମ୍ଭରୁ ଚାଷୀ ଏଠାରେ ଅସୁବିଧା ଭୋଗୁଛି । ଚାଷୀ ସେମାନଙ୍କ ଧାନ ଆଣି ମଣ୍ଡିରେ ରଖିଥିଲେ ମଧ୍ୟ ଚାଷୀଙ୍କୁ ବସ୍ତା ଦିଆଯାଉନି । ସେହିପରି ପେମେଣ୍ଟର ସମସ୍ୟା ମଧ୍ୟ ଲାଗି ରହିଛି ।
ଏଠାରେ ଚାଷୀଙ୍କୁ କୁହାଯାଉଛି କି 72 ଘଣ୍ଟା ଭିତରେ ଆକାଉଣ୍ଟକୁ ପଇସା ପଠାଇ ଦିଆଯିବ । ହେଲେ ପଇସା ପଠାଇଲା ବେଳେ ଧାର୍ଯ୍ୟ ଦର ଠାରୁ କମ ମୂଲ୍ୟ ଆସୁଛି । ଏହାର କାରଣ ଚାଷୀ ଯେଉଁ ଧାନ ମଣ୍ଡିକୁ ନେଉଛି ତାହା ସଫା ସୁତୁରା ରହୁନାହିଁ । ଚାଷୀ ସଫା ଧାନ ଆଣିଲେ ଆଉ କଟନୀ ହେବନାହିଁ । ତେଣୁ ପ୍ରତ୍ୟେକ ଚାଷୀ ସଫା ଧାନ ଆଣନ୍ତୁ । ଅନ୍ୟପକ୍ଷରେ ଜିଲ୍ଲାପାଳ ବି କହିଛନ୍ତି ମଣ୍ଡିରେ ଲାଗିଥିବା ସମସ୍ୟା ସମ୍ପର୍କରେ ମୁଁ ଦୃଷ୍ଟି ଦେବି ।
ଇଟିଭି ଭାରତ, କଳାହାଣ୍ଡି
