ଜଗତସିଂହପୁର: ରାଜ୍ୟସ୍ତରୀୟ କଞ୍ଚାନ ସ୍ମାରକୀ ମହିଳା ହ୍ୟାଣ୍ଡବଲ ପ୍ରତିଯୋଗିତା ଉଦଯାପିତ । ଜଗତସିଂହପୁର ସ୍ଥିତ ନବକୃଷ୍ଣ ଚୌଧୁରୀ ଷ୍ଟାଡିୟମରେ ୩୬ ତମ ମହିଳା ହ୍ୟାଣ୍ଡବଲ ପ୍ରତିଯୋଗିତା ଗତ ଶନିବାର ଠାରୁ ଆରମ୍ଭ ହୋଇ ଗତକାଲି(ରବିବାର) ଉଦଯାପିତ ହୋଇଛି । ଏହି ପ୍ରତିଯୋଗୀତାରେ ଓଡ଼ିଶାର ବିଭିନ୍ନ ଜିଲ୍ଲାରୁ ୧୨ଟି ଦଳ ଅଂଶ ଗ୍ରହଣ କରିଥିଲେ । ତେବେ ରାଜ୍ୟ ହ୍ୟାଣ୍ଡବଲ ଆସୋସିଏସନର ସଭାପତି ବିପ୍ଳବ ଚୌଧୁରୀଙ୍କ ସଭାପତିତ୍ୱ ଏହି ପ୍ରତିଯୋଗୀତା ଅନୁଷ୍ଠିତ ହୋଇଥିଲା ।

ଦିବାରାତ୍ର ଏହି ମ୍ୟାଚରେ ରବିବାର ଦିନ ୧୨ଟି ଦଳ ମଧ୍ୟରୁ ଯାଜପୁର ମହିଳା ଦଳ ଗଞ୍ଜାମ ମହିଳା ଦଳକୁ ଭେଟିଥିଲା । ରାତ୍ରିକାଳୀନ ଏହି ମ୍ୟାଚରେ ଯାଜପୁର ମହିଳା ଦଳ ଗଞ୍ଜାମ ମହିଳା ଦଳକୁ ୧୩ ୮ ଗୋଲରେ ପରାସ୍ତ କରି ଚମ୍ପିୟାନ ଟ୍ରଫି ହାସଲ କରିଥିଲା । ବର୍ଷା ସତ୍ତ୍ବେ ଏହି ମ୍ୟାଚ ଦେଖିବା ପାଇଁ ଷ୍ଟାଡିୟମରେ ଖଚାଖଚ ଭଡି ଦେଖିବାକୁ ମିଳିଥିଲା । ରାଜ୍ୟ ସ୍ତରୀୟ ମହିଳା ହ୍ୟାଣ୍ଡ ବଲ ପ୍ରତିଯୋଗିତା ଜଗତସିଂହପୁରରେ ଆୟୋଜନ କରାଯାଇ ଥିବାରୁ ଜିଲ୍ଲାର କ୍ରୀଡାବିତ ମାନଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି । ଯଦି ଏହିଭଳି ଜଗତସିଂହପୁର ଜିଲ୍ଲାରେ ବିଭିନ୍ନ କ୍ରୀଡା ପ୍ରତିଯୋଗିତାର ଆୟୋଜନ କରାଯିବ ତେବେ କ୍ରୀଡାବିତ ମାନଙ୍କ ମଧ୍ୟରେ କ୍ରୀଡ଼ା ପ୍ରତି ଉତ୍ସାହ ବଢିବ ବୋଲି ମତବ୍ୟକ୍ତ କରିଛନ୍ତି ।

ତେବେ ଏହି କାର୍ଯ୍ୟକ୍ରମରେ ଜଗତସିଂହପୁର ଜିଲ୍ଲାପାଳ ପାରୂଲ ପଟୱାରୀ, ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଚିନ୍ମୟୀ ବିଶ୍ୱାଳ, ଜିଲ୍ଲା କ୍ରୀଡା ଅଧିକାରୀ ବିଶ୍ବବିଜୟିନୀ ପଟ୍ଟନାୟକ, ରାଜ୍ୟ ଆସୋସିଏସନ ର ସମ୍ପାଦକ ମାନସ ସିଂ ପ୍ରମୁଖ ଯୋଗ ଦେଇଥିଲେ । ସେହିପରି ମହିଳା ଖେଳାଳିଙ୍କ ଦ୍ଵାରା ହ୍ୟାଣ୍ଡବଲ ପ୍ରତିଯୋଗିତା ର ଆୟୋଜନ କରାଯିବା ଏକ ସ୍ୱାଗତ ଯୋଗ୍ୟ ପଦକ୍ଷେପ ବୋଲି ମତବ୍ୟକ୍ତ କରିଥିଲେ । ଏହିଭଳି ପ୍ରତିଯୋଗିତା ହେଲେ ମହିଳା ଖେଳାଳି ମାନେ ଉତ୍ସାହିତ ହେବା ସହିତ ସଫଳତାର ଶୀର୍ଷକୁ ଯାଇ ପାରିବେ ବୋଲି ଜିଲ୍ଲାପାଳ କହିଥିଲେ।

ଏହା ମଧ୍ୟ ପଢନ୍ତୁ- ରାଜ୍ୟସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗିତା ଆରମ୍ଭ, ଲୁକାୟିତ ପ୍ରତିଭା ଅନ୍ୱେଷଣ ଲକ୍ଷ୍ୟ

ରାଜ୍ୟ ହ୍ୟାଣ୍ଡବଲ ଆସୋସିଏସନର ସଭାପତି ବିପ୍ଳବ ଚୌଧୁରୀ କହିଛନ୍ତି ଯେ," ରାଜ୍ୟ ସ୍ତରୀୟ କଞ୍ଚାନ ସ୍ମାରକୀ ମହିଳା ହ୍ୟାଣ୍ଡବଲ ପ୍ରତିଯୋଗିତା ଜଗତସିଂହପୁର ଆନୁକୂଲ୍ୟରେ ଅନୁଷ୍ଠିତ ହୋଇଥିଲା । ଯାହାର ଗତକାଲି ଉଦଯାପିତ ହୋଇଯାଇଛି । ଜଗତସିଂହପୁର ଜିଲ୍ଲାପାଳ ଟୁର୍ଣ୍ଣାମେଣ୍ଟକୁ ଉଦ୍ଘାଟନ କରିଥିବା ବେଳେ ବିଶିଷ୍ଟ ସମାଜସେବୀ ପ୍ରଦୀପ ଶତପଥୀ ଏହାକୁ ଉଦଯାପିତ କରିଛନ୍ତି । ଏହି ମ୍ୟାଚରେ ଯାଜପୁର ମହିଳା ଦଳ ଗଞ୍ଜାମକୁ ୧୩ ୮ ଗୋଲରେ ପରାସ୍ତ କରି ଜିତିଛି । ଏହି ପ୍ରତିଯୋଗୀତାରେ ବିଭିନ୍ନ ଜିଲ୍ଲାରୁ ୧୨ ଦଳ ଅଂଶଗ୍ରହଣ କରିଥିଲେ । "

ଇଟିଭି ଭାରତ, ଜଗତସିଂହପୁର