ସମୁଦ୍ରରେ ଭାସିଗଲେ 3 ସାଙ୍ଗ: 2 ଉଦ୍ଧାର, ଜଣେ ମୃତ

author img

By

Published : Sep 17, 2021, 10:58 PM IST

ସମୁଦ୍ରରେ ଗାଧଉଥିବା ସମୟରେ ଭାସିଗଲେ 3 ସାଙ୍ଗ: 2 ଉଦ୍ଧାର, ଜଣେ ମୃତ

ବିଶ୍ଵକର୍ମା ପୂଜା ଛୁଟିର ମଜା ନେବାକୁ ଆସି ସମୁଦ୍ରରେ ଗାଧୋଉଥିବା ବେଳେ ଭାସିଯାଇ ଜଣେ ଯୁବକଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ...

ଜଗତସିଂହପୁର: ବିଶ୍ଵକର୍ମା ପୂଜା ଛୁଟିର ମଜା ନେବାକୁ ଆସି ସମୁଦ୍ରରେ ଗାଧୋଉଥିବା ବେଳେ ଭାସିଯାଇ ଜଣେ ଯୁବକଙ୍କ ମୃତ୍ୟୁ ହୋଇଛି । ଆଇଓସିଏଲରେ ଶ୍ରମିକ ଭାବେ କାର୍ଯ୍ୟ କରୁଥିବା ବିହାର ମୁଜାଫରପୁରର ବିବେକ କୁମାର ସିଂ ଓ ତାଙ୍କର ଅନ୍ୟ ତିନିଜଣ ସାଙ୍ଗ ମିଶି ବୁଲିବାକୁ ଆସିଥିଲେ। ସେମାନେ ୪ ଜଣ ସାଙ୍ଗ ପାରାଦ୍ଵୀପ କଳିଙ୍ଗ ବାଲିଯାତ୍ରା ପଡ଼ିଆ ନିକଟ ସମୁଦ୍ର ଢେ଼ଉରେ ଗାଧୋଉଥିବା ବେଳେ ୩ ଜଣ ଢେଉ ମାଡ଼ରେ ସମୁଦ୍ର ଭିତରକୁ ଖସିଯାଇଥିଲେ ।

ସମୁଦ୍ରରେ ଗାଧଉଥିବା ସମୟରେ ଭାସିଗଲେ 3 ସାଙ୍ଗ: 2 ଉଦ୍ଧାର, ଜଣେ ମୃତ

ସେଠାରେ ମାଛ ଧରୁଥିବା ମତ୍ସ୍ୟଜୀବୀ ମାନେ ତିନିଜଣଙ୍କୁ ଉଦ୍ଧାର କରିଥିଲେ ମଧ୍ୟ ବିବେକ ସିଂ ଗୁରୁତର ଅସୁସ୍ଥ ହୋଇପଡିଥିଲେ। ସେଠାରେ ପାଟ୍ରୋଲିଂ କରୁଥିବା ଜଟାଧାର ମୁହାଣ ସାମୁଦ୍ରିକ ଥାନା ଅଧିକାରୀ ମାନେ ତାଙ୍କୁ ସଙ୍ଗେ ସଙ୍ଗେ ବନ୍ଦର ଚିକିତ୍ସାଳୟରେ ଭର୍ତ୍ତି କରିଥିଲେ। ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ପକ୍ଷରୁ ମୃତଦେହ ଜବତ କରାଯାଇ ସଂରକ୍ଷିତ ରଖାଯିବା ସହିତ ତାଙ୍କ ପରିବାର ସହିତ ଯୋଗାଯୋଗ କରାଯାଉଛି। ଅନ୍ୟ ଦୁଇଜଣ ଯୁବକ ସୁସ୍ଥ ରହିଥିବା ପୋଲିସ ପ୍ରକାଶ କରିଛି।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.