ଢେଙ୍କାନାଳ: ସାମୁଦ୍ରିକ ଝଡ଼ବାତ୍ୟା ଗୁଲାବର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇଛି । ସାମୁଦ୍ରିକ ଝଡ଼ ପ୍ରଭାବରେ ଢେଙ୍କାନାଳ ଜିଲ୍ଲାରେ ଦିନ ତମାମ କୋହଳା ପାଗ ସାଙ୍ଗକୁ ଝିପିଝିପି ବର୍ଷା ଲାଗି ରହିଛି । ପବନର ବେଗ ସ୍ଥିର ରହିଥିବା ବେଳେ ବର୍ଷା ଜାରି ରହିଛି । ତେବେ ଏହି ସାମୁଦ୍ରିକ ଝଡ ଗୁଲାବର ପ୍ରଭାବ ଢେଙ୍କାନାଳ ଜିଲ୍ଲାରେ ସେତେଟା ପଡିବ ନାହିଁ । ଏନେଇ ପାଣିପାଗ ବିଭାଗ ସୂଚନା ଦେଇଛି ।
ସାମୁଦ୍ରିକ ବାତ୍ୟା ପ୍ରଭାବରେ ସାରା ରାଜ୍ୟରେ ଦୁଇଦିନ ବର୍ଷା ଲାଗିରହିବ । ସେପଟେ କଳିଙ୍ଗପାଟନମରୁ ଗୋପାଳପୁର ମଧ୍ୟରେ ସାମୁଦ୍ରିକ ଝଡ଼ବାତ୍ୟା ଗୁଲାବର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ ହୋଇଛି । ତେବେ ଏହି ବାତ୍ୟା ରାଜ୍ୟରେ ବିଶେଷ ପ୍ରଭାବ ପଡ଼ିବ ନାହିଁ ବୋଲି ସ୍ବତନ୍ତ୍ର ରିଲିଫ୍ କମିଶନର ସୂଚନା ଦେଇଛନ୍ତି । ଦକ୍ଷିଣ ଓଡ଼ିଶାର କେତେକ ସ୍ଥାନରେ ବର୍ଷା ଲାଗି ରହିଛି । ବର୍ଷା ପରିମାଣ କେଉଁ ସମୟରେ ମଧ୍ୟ ବଢ଼ିପାରେ ବୋଲି କହିଛନ୍ତି ସ୍ବତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
