ଢେଙ୍କାନାଳ: ଐତିହାସିକ ଗଜଲଷ୍ମୀପୂଜା ପାଇଁ ଢେଙ୍କାନାଳ ଜିଲ୍ଲା ବେସ ପ୍ରସିଦ୍ଧ । ଏନେଇ ଏବେ ଚଳଚଞ୍ଚଳ ହୋଇ ଉଠିଲାଣୀ ଢେଙ୍କାନାଳ ସହର । ଗଜଳଷ୍ମୀ ପୂଜା ପାଇଁ ସହରରେ ପ୍ରାରମ୍ଭିକ ପ୍ରସ୍ତୁତି ଆରମ୍ଭ ହୋଇଯାଇଛି ।
ଏନେଇ ଶୁଭମାଟି ଅନୁକୂଳ ହୋଇଯାଇଛି । ପରମ୍ପରା ମୁତାବକ ପବିତ୍ର ସୁନିଆଁ ଅବସରରେ ସମସ୍ତ ପୂଜା ପ୍ରତିଷ୍ଠାନ ଏହି ଶୁଭମାଟି ଅନୁକୂଳ କରିଥିବାବେଳେ କୋଭିଡ କଟକଣା ସତ୍ତ୍ୱେ ଉତ୍ସବର ମହୋଲ ସୃଷ୍ଟି ହୋଇଛି ।
ଲଷ୍ମୀପୂଜା ମହୋତ୍ସବର ପରମ୍ପରା ମୁତାବକ ଏହି ଉତ୍ସବ ୧୨ଦିନ ଧରି ବେଶ ଧୁମ ଧାମରେ ପାଳିବେ ଢେଙ୍କାନାଳବାସୀ । ମାତ୍ର ଚଳିତ ବର୍ଷ ମହାମାରୀ କରୋନାର କଟକଣା ସତ୍ବେ ପୂଜାର ପରମ୍ପରା ପାଳିବାକୁ ପାଇଁ ବେଶ ତତ୍ପର ହୋଇପଡିଛନ୍ତି ପୂଜା ପ୍ରତିଷ୍ଠାନଗୁଡିକ । ଫଳରେ ପୂଜାର ପହିଲି ପର୍ବ ଏହି ଶୁଭମାଟି ଅନୁକୂଳ ଉତ୍ସବରେ ପୁଣ୍ୟତ୍ରୟା ବ୍ରାହ୍ମଣୀ ନଦୀକୂଳରେ ସାମିଲ ହୋଇଥିଲେ ପ୍ରତେକ ପୂଜା ପ୍ରତିଷ୍ଠାନ ।
ବିଭିନ୍ନ ପୂଜା ମଣ୍ଡପ ମାନଙ୍କ ପକ୍ଷରୁ ପରମ୍ପରା ଓ ନୀତିକାନ୍ତିର ସହ ପୂଜା ଅର୍ଚ୍ଚନା କରିଥିଲେ । ଲାଷ୍ମୀପୂଜାର ପରମ୍ପରା ମୁତାବକ ନଦୀ କୂଳରେ ଶୁଭମାଟିକୁ ପୂଜା ଅର୍ଚ୍ଚନା ପରେ ନିଜ ନିଜ ମଣ୍ଡପର କର୍ତ୍ତା ଗର୍ଭଗୃହରେ ମା’ଙ୍କ ମୂର୍ତ୍ତି ନିର୍ମାଣର ପ୍ରତିଷ୍ଠା କରିଥିବା ପ୍ରକାଶ କରିଛନ୍ତି ପୂଜକ । ତେବେ ଚଳିତ ବର୍ଷ ମଧ୍ୟ କୋରୋନା କଟକଣା ମଧ୍ୟରେ ହେବ ଲକ୍ଷ୍ମୀପୂଜା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
