ବୌଦ୍ଧ: ନିଆରା ଢଙ୍ଗରେ ବୌଦ୍ଧର ବୁଟୁପାଲିରେ ପାଳିତ ହୋଇଛି ନୂଆଁଖାଇ ପର୍ବ । ପଶ୍ଚିମ ଓଡ଼ିଶାରେ ଏହି କୃଷି ଭିତ୍ତିକ ଗଣପର୍ବର ବିଭିନ୍ନ ଅଞ୍ଚଳ ଅନୁଯାୟୀ ଭିନ୍ନ ଭିନ୍ନ ପରମ୍ପରା ରହିଛି । ଏହି କ୍ରମରେ ବୁଟୁପାଲି ଗ୍ରାମ ସ୍ବଭାବ କବି ଗଙ୍ଗାଧର ମେହେରଙ୍କୁ ଇଷ୍ଟ ଭାବରେ ପୂଜାର୍ଚ୍ଚନା କରାଯାଇଛି ।
ଗାଁରେ ନିଜ ଘର ସାମ୍ନାରେ ୧୨ଟି ପରିବାରର ପ୍ରାୟ ଏକ ହଜାର ଲୋକ ଗ୍ରାମଦେବତୀଙ୍କ ଉଦ୍ଦେଶ୍ୟରେ ନବାନ୍ନ ଅର୍ପଣ କରିଥିଲେ । ଏହାପରେ ନିଜ ଇଷ୍ଟ ଭାବରେ ସ୍ବଭାବ କବି ଗଙ୍ଗାଧର ମେହେରଙ୍କୁ ନବାନ୍ନ ଅର୍ପଣ କରିଛନ୍ତି ।
ଏହି କୃଷି ଭିତ୍ତିକ ଗଣପର୍ବ ଏହି ଗୋଟିଏ ଦିନ ଧନୀ ଗରିବ ଉଭୟଙ୍କୁ ଏକାଠି କରିଥାଏ ବୋଲି ଲୋକକଥା ରହିଛି । ନୂଆଁଖାଇକୁ ନେଇ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଏଭଳି କିଛି ସ୍ବତନ୍ତ୍ରତା ଦେଖିବାକୁ ମିଳେ । ସଦର ମହକୁମାର ବୁଟୁପାଲିରେ ଏହି ଗଣପର୍ବରେ ସ୍ବଭାବ କବିଙ୍କୁ ଇଷ୍ଟ ଭାବରେ ନବାନ୍ନ ଅର୍ପଣ କରାଯାଇଛି ।
ଚଳିତ ବର୍ଷ ନୂଆଁଖାଇ ବୁଟୁପାଲିର ଗ୍ରାମଦେବତୀଙ୍କ ପୀଠରେ କିଛି ସମସ୍ୟା ନବାନ୍ନ ଅର୍ପଣ କରାଯାଇ ପାରିନଥିଲା । ଏଠାରେ ୧୦୦ରୁ ଅଧିକ ବର୍ଷ ହେବ ୧୨ଟି ମେହେର ପରିବାର ନିଆରା ଢଙ୍ଗରେ ଏହି ପାରମ୍ପରିକ ଉତ୍ସବକୁ ପାଳନ କରିଆସୁଛନ୍ତି । ଏହି ୧୨ଟି ପରିବାରରେ ବର୍ତ୍ତମାନ ୧ ହଜାରରୁ ଅଧିକ ଲୋକ ନିଜ ଘର ସାମ୍ନାରେ ନବାନ୍ନ ଅର୍ପଣ କରି ନୂଆଁ ଖାଇଛନ୍ତି । ବର୍ଷବର୍ଷ ଧରି ଏଠାକାର ଲୋକେ ସ୍ବଭାବ କବିଙ୍କ ଉଦ୍ଦେଶ୍ୟରେ ନବାନ୍ନ ଅର୍ପଣ କରିଛନ୍ତି ।
ବୌଦ୍ଧରୁ ସତ୍ୟ ରଞ୍ଜନ ପାଣି, ଇଟିଭି ଭାରତ
