ବୌଦ୍ଧ: ଅସହାୟଙ୍କ ପାଇଁ ସରକାରଙ୍କ ମାଳମାଳ ଯୋଜନା । ହେଲେ ସମସ୍ତ ସରକାରୀ ଯୋଜନା ଯେମତି ସାତ ସପନ ପାଲଟିଛି ବୌଦ୍ଧ ଜିଲ୍ଲା ମହାଲିକପଡା ପଞ୍ଚାୟତ ଗେରେଡିସାହିର ରହୁଥିବା ବିଭୂତିଙ୍କ ପରିବାର ପାଇଁ । ମୁଣ୍ଡ ଉପରେ ଏବେ ଛାତ ନଥିବା ବେଳେ ସ୍ତ୍ରୀ ଦେବକୀ ଓ କୁନି ପୁଅକୁ ନେଇ ଏକ ଛେଳି ଗୁହାଳରେ ରହୁଛନ୍ତି ବିଭୂତି । ସରକାରଙ୍କ ଆବାସ ଯୋଜନାରୁ ବଞ୍ଚିତ ହୋଇଥିବା ବେଳେ ଘଞ୍ଚ ଜଙ୍ଗଲ ମଧ୍ୟରେ ରହୁଥିବାରୁ ସରକାରଙ୍କ NREGA ଯୋଜନା ଅଧିନରେ କାମ ମଧ୍ୟ କରିପାରୁନାହାନ୍ତି । ଫଳରେ ଦୁର୍ଦ୍ଦିନରେ କାଳାତିପାତ କରୁଛି ଏହି ଗରିବ ପରିବାର ।
ଖାଲି ଏତିକିରେ ଦୁଃଖ ସରିନି ବିଭୂତିଙ୍କ ପରିବାରର । ସବୁଠାରୁ ଆଶ୍ଚର୍ଯ୍ୟର କଥା ଏହି ଗରିବ ପରିବାର ଖାଦ୍ୟ ସୁରକ୍ଷା ଯୋଜନାରୁ ମଧ୍ୟ ବାଦ ପଡିଛନ୍ତି। ଏହି ପରିବାରର ଦୁଃଖ ଜାଣିବାପରେ ତାଙ୍କ ନିକଟରେ ପହଞ୍ଚିଥିଲା ଆମ ଈଟିଭି ଭାରତ ଟିମ । ଏହା ପରେ କ୍ୟାମେରା ସମ୍ମୁଖରେ ଦୁଃଖ ବଖାଣି ସମସ୍ତ ସରକାରୀ ଯୋଜନା ଯୋଗାଇ ଦେବାକୁ ଜିଲ୍ଲା ପ୍ରଶାସନଙ୍କୁ ଗୁହାରୀ କରିଥିଲେ ବିଭୂତି ଓ ପରିବାର ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
