ଭଦ୍ରକ: ହସ୍ପିଟାଲରେ ରୋଗୀ ସହ ସାପ । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ସତ । ତେବେ ମାମୁଁ ଘରକୁ ଯାଇଥିବାବେଳେ ଜଣେ ୫ ବର୍ଷର ଶିଶୁକୁ ତମ୍ପ ସାପ କାମୁଡ଼ି ଦେବାରୁ ଶିଶୁଟିର ଅଜା ସାପକୁ ଏକ ବୋତଲରେ ଭର୍ତ୍ତି କରି ହସ୍ପିଟାଲ ନେଇଯାଇଥିଲେ । ଏମିତି ଏକ ଘଟଣା ଘଟିଛି ଭଦ୍ରକ ଜିଲ୍ଲା ବରାଳ ପୋଖରୀ ଗାଁରେ ।
ସେହି ଗାଁର ଭରତ ଧଡାଙ୍କ 5 ବର୍ଷିୟ ପୁଅ ବିଶ୍ବଜିତ ଧଡା କାନପୁରସ୍ଥିତ ମାମୁଁ ଘରକୁ ଯାଇଥିଲେ । ଖେଳିବାବେଳେ ଘର ଭିତରେ ତମ୍ପ ସାପ କାମୁଡ଼ି ଦେଇଥିଲା । ଅଜା ଏହା ଦେଖିବା ପରେ ସାପକୁ ବୋତଲରେ ଭର୍ତ୍ତି କରି ନାତି ସହ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାକୁ ଆଣିଥିଲେ । ଚିକିତ୍ସାରେ ସୁବିଧା ପାଇଁ ଡାକ୍ତରଙ୍କୁ ସାପଟିକୁ ଦେଖାଇଥିଲେ । ଯାହାକୁ ଦେଖି ଡାକ୍ତର ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ