ବରଗଡ: ସହରରେ ଥିବା ହରି ଜୁଏଲାରୀରେ GST ଏନଫୋର୍ସମେଣ୍ଟର ଚଢାଉ । ଆଜି GST ବିଭାଗର 5 ଜଣିଆ ଟିମ ଦୋକାନରେ ରେଡ଼ କରି ଯାଞ୍ଚ ପ୍ରକ୍ରିୟା ଆରମ୍ଭ କରିଥିଲେ । ଦୀର୍ଘ 5 ଘଣ୍ଟାର ଯାଞ୍ଚ ପ୍ରକ୍ରିୟା ପରେ ଦୋକାନରେ ସମୁଦାୟ 8 କିଲୋ 700 ଗ୍ରାମର ଅଳଙ୍କାର ଜବତ କରାଯାଇଥିବା ସୂଚନା ମିଳିଛି । ତେବେ ସମ୍ପୃକ୍ତ ଦୋକାନୀଙ୍କୁ ଷ୍ଟକ ରେଜିଷ୍ଟର ସବିଶେଷ ତଥ୍ୟ ଦେଖାଇବା ପାଇଁ ସମୟ ଦିଆଯାଇଥିବାବେଳେ ଦୋକାନକୁ ସିଲ କରାଯାଇଛି।
ଦୋକାନ ସମେତ ମାଲିକଙ୍କ ଘରେ ଯାଞ୍ଚ ପ୍ରକ୍ରିୟା ପରେ ସମୁଦାୟ ମାତ୍ର 8 କିଲୋ 700 ଗ୍ରାମର ଅଳଙ୍କାର ଜବତ କରାଯାଇଛି। ତେବେ ସମୁଦାୟ 7 କିଲୋଗ୍ରାମ ଓଜନର ଷ୍ଟକ ରେଜିଷ୍ଟର ମାଲିକ ଦେଖାଇଥିବାବେଳେ ଅବଶିଷ୍ଟ ଅଳଙ୍କାର ଷ୍ଟକ ରେଜିଷ୍ଟରର କାଗଜପତ୍ର ଦେଖାଇ ପାରି ନଥିବା ସୂଚନା ରହିଛି । ଆସନ୍ତାକାଲି ପର୍ଯ୍ୟନ୍ତ ସମସ୍ତ କାଗଜପତ୍ର ଅଫିସ କାର୍ଯ୍ୟାଳୟରେ ଦାଖଲ କରିବାକୁ ବିଭାଗୀୟ ଅଧିକାରୀ ଦୋକାନ ମାଲିକଙ୍କୁ ସମୟ ଦେବା ସହ ଦୋକାନକୁ ସିଲ କରିଛନ୍ତି । ଏନେଇ ସେଲଟ୍ୟାକ୍ସ ଡେପୁଟି କମିସନର ରଜନୀକାନ୍ତ ସେଠ ସୂଚନା ଦେଇଛନ୍ତି।
ବରଗଡରୁ ରାଜେଶ ସରାପ, ଇଟିଭି ଭାରତ
