ବରଗଡ଼: ଟାଉନ ଥାନା ହାଜତରେ 25 ବର୍ଷୀୟ ଯୁବକଙ୍କ ମୃତ୍ୟୁ ଘଟଣାର ତଦନ୍ତ ପାଇଁ ବରଗଡ଼ରେ ପହଞ୍ଚିଛନ୍ତି HRPC ଟିମ । ତଦନ୍ତର ଦ୍ବିତୀୟ ଦିନରେ ତଦନ୍ତକାରୀ ଟିମ୍ ମୃତ ଗୋବିନ୍ଦ କୁମ୍ଭାରଙ୍କ ପରିବାର ଲୋକଙ୍କୁ ଭେଟି ପଚରାଉଚରା କରିଛନ୍ତି ।
ସୂଚନା ଅନୁଯାୟୀ ଶୁକ୍ରବାର HRPC ର ଟିମ୍ ଜିଲ୍ଲାରେ ପହଞ୍ଚି ପ୍ରଥମେ ବରଗଡ଼ ଏସପିଙ୍କ ସହ ଆଲୋଚନା କରିଥିଲେ ଏବଂ ପରେ ଟାଉନ ଥାନା ଓ ହସ୍ପିଟାଲକୁ ଯାଇ ତଥ୍ୟ ସଂଗ୍ରହ କରିଥିଲେ । ତଦନ୍ତର ଦ୍ଵିତୀୟ ଦିନ ଶନିବାର ଏହି ଟିମ ତୋରା ଗ୍ରାମକୁ ଯାଇ ମୃତକଙ୍କ ପରିବାରକୁ ଭେଟିଛନ୍ତି । ପରିବାର ଲୋକଙ୍କ ଠାରୁ ଅନେକ ତଥ୍ୟ ସଂଗ୍ରହ କରିବା ସହ ପାଖ ପଡ଼ୋଶୀଙ୍କୁ ମଧ୍ୟ ପଚରାଉଚରା କରିଛନ୍ତି ।
HRPC ର ଏହି ଦୁଇ ଜଣିଆ ଟିମରେ ଅତିରିକ୍ତ ଏସପି ଇତିକାନ୍ତ ମହାପାତ୍ର ଏବଂ ଡିଏସପି ବିଦ୍ୟୁତ ପଣ୍ଡା ରହିଥିବା ବେଳେ ଘଟଣା ଦିନରେ ଟାଉନ ଥାନାରେ ଉପସ୍ଥିତ ଥିବା ସମସ୍ତ କର୍ମଚାରୀଙ୍କର ବୟାନ ସଂଗ୍ରହ କରିଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
