ବରଗଡ: ରାଜ୍ୟରେ ବିଷାକ୍ତ କୀଟ ଆତଙ୍କ । ବରଗଡରେ ବିଷାକ୍ତ କୀଟ କମୁଡାରେ ଏକଧିକ ଲୋକଙ୍କ ଗଲାଣି ଜୀବନ । ଏହାକୁ ନେଇ ଆଜି ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ନିର୍ଦ୍ଦେଶକ୍ରମେ ବରଗଡକୁ ପହଞ୍ଚିଲେ ବୁର୍ଲା ଭୀମସାରର ତିନି ଜଣିଆ ଡାକ୍ତରୀ ଟିମ । ସ୍କ୍ରବ ଟାଇଫସ ରୋଗକୁ ନେଇ ବରଗଡର ସ୍ଥିତି ଅନୁଧ୍ୟାନ କରିବା ସହ ମୃତ୍ୟୁର ପ୍ରକୃତ କାରଣ ଖୋଜିବ ଟିମ୍ । ସ୍କ୍ରବ ଟାଇଫସ ଦ୍ବାରା 5 ଜଣଙ୍କର ମୃତ୍ୟୁ ହୋଇଛି ନାଁ ତାହାର ଅନ୍ୟ କିଛି କାରଣ ରହିଛି ତାହା ତଦନ୍ତ କରିବ ଡାକ୍ତରୀ ଦଳ । ଡାକ୍ତରୀ ଦଳ ଏହାର ଅନୁଧ୍ୟାନ କରିବା ପରେ ବରଗଡ CDMOଙ୍କ ଜରିଆରେ ରାଜ୍ୟ ସରକାରଙ୍କୁ ରିପୋର୍ଟ ପଠାଯିବ ।

ଏହି ବିଷାକ୍ତ କୀଟ କାମୁଡିବା ଦ୍ଵାରା ସଂକ୍ରାମକ ରୋଗ ହେଉଛି ନାଁ ନାହିଁ । ରୋଗରୁ ନିରାକରଣ ପାଇଁ କେଉଁ ଚିକିତ୍ସା କରାଯାଉଛି । ରୋଗ ଚିହ୍ନଟ ପାଇଁ ପରୀକ୍ଷା କେନ୍ଦ୍ରର ବ୍ୟବସ୍ଥା ସହ ପାରିପାର୍ଶ୍ବିକ ସ୍ଥିତିର ଅନୁଧ୍ୟାନ କରିବେ ଡାକ୍ତରୀ ଦଳ । ସ୍କ୍ରବ ଟାଇଫସ ରୋକିବାକୁ କିପରି ଜନସଚେତନତା କରାଯିବ କିମ୍ବା କିପରି ଅନ୍ୟାନ୍ୟ ପଦକ୍ଷେପ ନିଆଯାଇ ପାରିବ ସେନେଇ ଆଲୋଚନା କରାଯାଇଥିଲା । ତେବେ ବୁର୍ଲା ଭୀମସାରର ବଡ ମେଡିକାଲରୁ ଡ଼ା. ଉଦେନ ନାୟକ, ଡା.ସତ୍ୟବ୍ରତ ଠାକୁର ଓ ଡ଼ା. ଶଙ୍କର ରାମ ଚନ୍ଦାନୀ ବରଗଡ ଆସି ସିଡିଏମଓ ଜେତେନ୍ଦ୍ର ମୋହନ ଦେଵାର୍ତ୍ତାଙ୍କ ସହିତ ଆଲୋଚନା କରିଥିଲେ ।

ବରଗଡ ସିଡିଏମଓ ଜେତେନ୍ଦ୍ର ମୋହନ ଦେଵାର୍ତ୍ତା କହିଛନ୍ତି, ‘‘ସ୍କ୍ରବ ଟାଇଫସର ସ୍ଥିତିର ଅନୁଧ୍ୟାନ କରିବା ସାଙ୍ଗକୁ ଜନ ସଚେତନାତା ପାଇଁ ବିଭିନ୍ନ ପଦକ୍ଷପ ଉପରେ ଆଲୋଚନା କରାଯାଇଥିଲା । ବରଗଡ ସ୍ୱାସ୍ଥ୍ୟ ବିଭାଗ ପକ୍ଷରୁ 376 ଜଣଙ୍କର ପରୀକ୍ଷା କରାଯାଇଥିବାବେଳେ ସେମାନଙ୍କ ମଧ୍ୟରୁ 11 ଜଣଙ୍କର ନମୁନା ପଜିଟିଭ ଆସିଥିଛି । ବର୍ତ୍ତମାନ ସୁଦ୍ଧା ସମସ୍ତ ପଜିଟିଭ ରୋଗୀ ସୁସ୍ଥ ଅଛନ୍ତି । ଆଗାମୀ ଦିନରେ ସ୍କ୍ରର୍ବ ଟାଇଫସ ପ୍ରତି ଲୋକଙ୍କୁ କିପରି ଅଧିକରୁ ଅଧିକ ସଚେତନ କରାଯାଇ ପାରିବ ଏବଂ ପରୀକ୍ଷଣକୁ ବୃଦ୍ଧି କରାଯିବ ସେନେଇ ଆଜିର ଆଲୋଚନାର ନିଷ୍କର୍ଷ ବାହାରିଥିଲା ।’’

ଏହା ମଧ୍ୟ ପଢନ୍ତୁ..ବରଗଡରେ 5 ଜୀବନ ନେଲାଣି ସ୍କ୍ରବ ଟାଇଫସ, ଭୟଭୀତ ନହେବାକୁ ଜିଲ୍ଲା ପ୍ରଶାସନର ପରାମର୍ଶ

ଡା. ଶଙ୍କର ରାମଚନ୍ଦାନୀ କହିଛନ୍ତି, ‘‘ ବରଗଡ ଜିଲ୍ଲା କୃଷି ଅଞ୍ଚଳ ହୋଇଥିବା ବେଳେ ଏହି କୀଟକୁ ନେଇ ଚାଷୀଙ୍କ ମଧ୍ୟରେ ଭୟର ଆତଙ୍କ ଖେଳିଯାଇଛି । କିନ୍ତୁ କେହି ଭୟଭୀତ ହେବାର କୌଣିସି କାରଣ ନାହିଁ । ସମନ୍ୟ ଆସୁସ୍ଥାତା ଅନୁଭବ କଲେ ଡାକ୍ତର ପରାମର୍ଶ ନିଆନ୍ତୁ । ରୋଗର ଶୀଘ୍ର ଚିହ୍ନଟ ହେଲେ ଏହାର ସରଳ ଓ ସହଜ ଚିକିତ୍ସା ପଦ୍ଧତି ରହିଛି ।’’

ଇଟିଭି ଭାରତ, ବରଗଡ