ବଲାଙ୍ଗୀର: ମଦ୍ୟପ ଯୁବକଙ୍କ ଉନ୍ମତ୍ତକାଣ୍ତ । ଯୁବକଙ୍କ ମଳଦ୍ବାରରେ ଭର୍ତ୍ତି କରିଦେଲେ ଷ୍ଟିଲ ଗ୍ଲାସ । ଏଭଳି ଅମାନୁଷିକ ଘଟଣା ଦେଖିବାକୁ ମିଳିଛି ବଲାଙ୍ଗୀର ରାମଚନ୍ଦ୍ରପୁର ଗାଁରେ । ଆହତ ହୋଇଥିବା ଯୁବକଙ୍କୁ ପ୍ରଥମେ ବଲାଙ୍ଗୀର ଓ ପରେ ବୁର୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ରାମଚନ୍ଦ୍ରପୁର ଗାଁର ୧୯ ବର୍ଷୀୟ କରୁଣା ଭୋଇ ଶୌଚ ପାଇଁ ନିଟକ ଏକ ସ୍ଥାନକୁ ଯାଇଥିଲେ । ଏହି ସମୟରେ ତିନି ଜଣ ମଦ୍ୟପ ଯୁବକ କରୁଣାଙ୍କ ମଳଦ୍ବାରରେ ଷ୍ଟିଲ ଗ୍ଲାସ ଭର୍ତ୍ତି କରି ଦେଇଥିଲେ । ପରେ ଏ ଘଟଣା ନେଇ ପରିବାରକୁ ଜଣାଇଥିଲେ କରୁଣା ।
ଫଳରେ ପରିବାର ଲୋକେ ତାଙ୍କୁ ସଙ୍ଗେ ସଙ୍ଗେ ଗୁରୁତର ଅବସ୍ଥାରେ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରିଥିଲେ । ଅପରେସନ କରି ଗ୍ଲାସ ବାହାର କରିବାକୁ ଡାକ୍ତର ପରାମର୍ଶ ଦେଇଥିଲେ । ପରେ ତାଙ୍କୁ ବୁର୍ଲାକୁ ସ୍ଥାନାନ୍ତର କରାଯାଇଛି । ସେପଟେ ଏ ଘଟଣା ନେଇ ପୋଲିସ ପାଖରେ କୌଣସି ଅଭିଯୋଗ ହୋଇ ନ ଥିବାର ଜଣା ପଡ଼ିଛି ।
ବଲାଙ୍ଗୀରରୁ ଶେଖ ମହମ୍ମହ ଓ୍ବାହିଦ, ଇଟିଭି ଭାରତ
