ଅନୁଗୋଳ: ସ୍କୁଲ ହଷ୍ଟେଲରେ ଅନ୍ତେବାସୀ କୋଭିଡ ପଜିଟିଭ ଚିହ୍ନଟ । SC ST ହଷ୍ଟେଲରେ 10 ଜଣ ଅନ୍ତେବାସୀ କୋଭିଡ ପଜିଟିଭ ଚିହ୍ନଟ ହେବା ପରେ ଏହାକୁ ନେଇ ଚିନ୍ତା ବଢିଯାଇଛି ।
ଅନୁଗୋଳ ଜିଲ୍ଲା ଛେଣ୍ଡିପଦା ବ୍ଲକରେ ଥିବା ବାଲିପଟା ଆଦିବାସୀ ବାଳିକା ହଷ୍ଟେଲରେ ୧୦ ଅନ୍ତେବାସୀ କୋରୋନା ସଂକ୍ରମିତ ଚିହ୍ନଟ । ଆଜି ଅନ୍ତେବାସୀଙ୍କ ନିୟମିତ ସ୍ବାସ୍ଥ୍ୟ ପରୀକ୍ଷା ବେଳେ ଏହା ଜଣା ପଡିଥିଲା। ଫଳରେ ହଷ୍ଟେଲରେ ରହୁଥିବା ପ୍ରାୟ ୬୫ ଜଣଙ୍କ RTPCR Test ପାଇଁ ନମୁନା ପଠାଯାଇଛି । ପ୍ରଥମେ ଆଣ୍ଟିଜେନ ଟେଷ୍ଟ ପରେ ୧୦ ଜଣ ସଂକ୍ରମିତ ଥିବା ଜଣାପଡିବା ପରେ ଅନ୍ୟ ସମସ୍ତଙ୍କର ଆରଟିପିସିଆର ଟେଷ୍ଟ ପାଇଁ ନମୁନା ପଠାଯାଇଛି । ସଂକ୍ରମିତଙ୍କୁ ସଂଗରୋଧରେ ରଖାଯାଇଛି ।
ଏହା ମଧ୍ୟ ପଢନ୍ତୁ: କସ୍ତୁରବା ବାଳିକା ଉଚ୍ଚ ବିଦ୍ୟାଳୟର 9 ଛାତ୍ରୀ କୋରୋନା ପଜିଟିଭ୍
ଆସନ୍ତାକାଲି ରିପୋର୍ଟ ଆସିବା ପରେ ଆଗାମୀ ପଦକ୍ଷେପ ନିଆଯିବ। ଆସନ୍ତାକାଲି ଠାରୁ ମିଶନ ମୋଡ଼ରେ ଜିଲ୍ଲାରେ ଥିବା ସମସ୍ତ ଆବାସିକ ସ୍କୁଲ ଓ ହଷ୍ଟେଲମାନଙ୍କରେ ଯାଞ୍ଚ କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ତେବେ ଅନୁଗୋଳ ଜିଲ୍ଲାରେ କୋରୋନା ସ୍ଥିତି ସମ୍ପୂର୍ଣ୍ଣ ଆୟତାଧିନ ଥିଲା। ଆଜି ହଠାତ ଏସଟି ହଷ୍ଟେଲରେ ଏତେ ସଂଖ୍ୟାରେ ପଜିଟିଭ ଚିହ୍ନଟ ହେବା ପରେ ପ୍ରଶାସନର ଚିନ୍ତା ବଢି ଯାଇଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
