ମୁମ୍ବାଇ: ଭାରତୀୟ ମହିଳା ହକି ଦଳର ପୂର୍ବତନ ଗୋଲ କିପର ନୀନା ଆଶାଇକର ରାଣେଙ୍କ ଦେହାନ୍ତ । ମୁମ୍ବାଇ ହସ୍ପିଟାଲରେ ଗତକାଲି ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ସ୍ବାସ୍ଥ୍ୟଗତ ସମସ୍ୟା ହେତୁ ୭୩ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି । ହସ୍ପିଟାଲରେ ଚିକିତ୍ସା ଜାରି ରହିଥିବା ବେଳେ ଗତକାଲି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

୧୯୭୪ ମସିହାରେ ସେ ପ୍ୟାରିସ ଏବଂ ଇଡେନବର୍ଗରେ ଦୁଇଟି ହକି ବିଶ୍ବକପ ଟୁର୍ଣ୍ଣାମେଣ୍ଟ ଖେଳିଥିଲେ । ପ୍ୟାରିସରେ ଭାରତ କେବଳ ସେମିରେ ପ୍ରବେଶ କରିପାରିଥିଲା । ଏହାପରେ ୧୯୭୫ ମସିହାରେ ଭାରତ ମାଡ୍ରାସରେ ଷଷ୍ଠ ଦେଶ ଟୁର୍ଣ୍ଣାମେଣ୍ଟ ଜିତିଥିବା ବେଳେ ନୀନା ସେତେବେଳେ ଭାରତୀୟ ଦଳର ଜଣେ ସଦସ୍ୟ ଥିଲେ । ସେ ମହାରାଷ୍ଟ୍ରରେ ଶ୍ରୀ ଶିବ ଛତ୍ରପତି ପୁରସ୍କାର ପାଇଥିଲେ । ନିଜ କ୍ୟାରିଅରରେ ବାଦ ସେ ସଞ୍ଜନ ହୋମ ନାମକ ଏକ ଭିନ୍ନକ୍ଷମଙ୍କ ଅନୁଷ୍ଠାନ ସହିତ ଜଡିତ ଥିଲେ । ଭାରତୀୟ ମହିଳା ହକି ଟିମରେ ଗୋଲ କିପର ଭାବେର ତାଙ୍କର ପ୍ରଦର୍ଶନ ପ୍ରଶଂସନୀୟ ଥିଲା ।

ଏହା ମଧ୍ୟ ପଢନ୍ତୁ-Wrestlers vs WFI : WFI ଅଧ୍ୟକ୍ଷଙ୍କ ବିରୋଧରେ ଅଭିଯୋଗ, ମେରୀକମଙ୍କ ନେତୃତ୍ବାଧୀନ କମିଟି କରିବ ତଦନ୍ତ

ନୀନା ଆଶାଇକରଙ୍କ ମୃତ୍ୟୁ ପରେ ପରିବାରରେ ଶୋକରେ ଛାୟା ଖେଳିଯାଇଛି । ତାଙ୍କ ସ୍ବାମୀ , ଝିଅ ଓ ପୁଅ ଦୁଃଖରେ ଭାଙ୍ଗି ପଡିଛନ୍ତି । ଦିର୍ଘଦିନ ଧରି ସ୍ବାସ୍ଥ୍ୟ ସମସ୍ତ୍ୟା ଯୋଗୁଁ ମୁମ୍ବାଇର ଏକ ହସ୍ପିଟାଲରେ ତାଙ୍କର ଚିକିତ୍ସା ଜାରି ରହିଥିଲା । କିନ୍ତୁ ସ୍ବାସ୍ଥ୍ୟବସ୍ଥା ଗତକାଲି ଗୁରୁତର ହେବାରୁ ତାଙ୍କର ମୃତ୍ୟୁ ହୋଇଥିଲା । ଆଜି(ମଙ୍ଗଳବାର) ସକାଳ ୧୦ଟା ସମୟରେ ଭିଲେ ପାର୍ଲେ ହିନ୍ଦୁ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯିବ ବୋଲି ପରିବାର ତରଫରୁ ସୂଚନା ପ୍ରଦାନ କରାଯାଇଛି । ଭାରତୀୟ ମହିଳା ହକି ଦଳ ପ୍ରତି ତାଙ୍କର ଅବଦାନ ସ୍ମରଣୀୟ ରହିବ । ମୃତ୍ୟୁ ସମୟରେ ତାଙ୍କ ସ୍ବାମୀ, ପୁଅ ଓ ଝିଅ ହସ୍ପିଟାଲରେ ଉପସ୍ଥିତ ଥିଲେ । ନୀନା ଆଶାଇକରଙ୍କ ମୃତ୍ୟୁ ପରେ ବହୁ ହକି ତାରକା ଶୋକ ବ୍ୟକ୍ତ କରିଛନ୍ତି ।