ମୁମ୍ବାଇ: ଟ୍ବିଟରରେ ଏକ ବିବାଦୀୟ ପୋଷ୍ଟ ପାଇଁ ପୁଣିଥରେ ବଲଉଡ କଣ୍ଟ୍ରୋଭର୍ସି କୁଇନ କଙ୍ଗନା ରଣାୱତଙ୍କ ଟ୍ବିଟର ଆକାଉଣ୍ଟ ରଦ୍ଦ କରିଛି ଟ୍ବିଟର ଇଣ୍ଡିଆ ।
ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଫଳାଫଳ ଘୋଷଣା ହେବା ପରଠୁ କିଛି ଦିନରୁ କଙ୍ଗନା ବିବଦୀୟ ଟ୍ବିଟ କରୁଆସୁଛନ୍ତି । ରାଜ୍ୟରେ ସମ୍ପ୍ରତି ନିର୍ବାଚନରେ ବିଜେପିକୁ ପରାସ୍ତ କରି ମମତା ବାନାର୍ଜୀଙ୍କ ନେତୃତ୍ବଧୀନ ଟିଏମସି ଜିତିବା ପରେ ଅଭିନେତା ପଶ୍ଚିମବଙ୍ଗରେ ରାଷ୍ଟ୍ରପତି ଶାସନ କରିବାକୁ ଦାବି କରିଥିଲେ।
ଏହାବ୍ୟତୀତ ସେ ଟ୍ବିଟରେ ଲେଖିଥିଲେ, ‘ଆସାମ ଏବଂ ପୁଣ୍ଡୁଚେରୀରେ ବିଜେପି ଜିତିଲା, କିନ୍ତୁ ସେଠାରୁ କୌଣସି ହିଂସା ଖବର ଆସିନାହିଁ। ବଙ୍ଗଳା ନିର୍ବାଚନରେ ଟିଏମସି ଜିତିଥିଲା ଏବଂ ସେଠାରେ ଶହ ଶହ ଲୋକଙ୍କ ମୃତ୍ୟୁ ଖବର ଆସୁଛି, କିନ୍ତୁ ଲୋକେ କହିବେ ଯେ ନରେନ୍ଦ୍ର ମୋଦି ଜଣେ ଶାସକ ଏବଂ ମମତା ବାନାର୍ଜୀ ଧର୍ମନିରପେକ୍ଷ।’
ବ୍ୟୁରୋ ରିପୋର୍ଟ, ଇଟିଭି ଭାରତ
