ହାଇଦ୍ରାବାଦ: ଚାକିରି ଖୋଜୁଥିବା ବ୍ୟକ୍ତିଙ୍କ ପାଇଁ ଖୁସି ଖବର । ଲାଇଭ ହେଲା ଆଉ ଏକ ପ୍ଲାଟଫର୍ମ । ଚାକିରି ଖୋଜୁଥିବା ବ୍ୟକ୍ତିଙ୍କ ପାଇଁ ଲିଙ୍କଡଇନ ବ୍ୟତୀତ ଆଉ ଏକ ପ୍ଲାଟଫର୍ମ ଲାଇଭ ହୋଇଯାଇଛି । ବିଲେନିୟର ଏଲନ ମସ୍କ ନିଜ ପ୍ଲାଟଫର୍ମ ଏକ୍ସରେ ଜବ୍ ସର୍ଚ୍ଚ ଫିଚର ରୋଲଆଉଟ କରିଛନ୍ତି । ଏନେଇ ଟ୍ବିଟ କରି ସୂଚନା ଦିଆଯାଇଛି । ଯେଉଁମାନେ ଚାକିରି ଖୋଜୁଛନ୍ତି ସେମାନଙ୍କ ପାଇଁ ଏକ୍ସର ଏହି ଟୁଲ ଅତ୍ୟନ୍ତ ଉପଯୋଗୀ ହେବ ।

ଲିଙ୍କଡଇନ ସହ ହୋଇପାରେ ଟକ୍କର: ବର୍ତ୍ତମାନର ସମୟରେ ଚାକିରି ଖୋଜିବା ପାଇଁ ସମସ୍ତେ ଲିଙ୍କଡଇନ ଉପରେ ନିର୍ଭରଶୀଳ । ସାଧାରଣତଃ ଯଦି ଦେଖିବା ଚାକିରି ଖୋଜିବା ପାଇଁ ଲିଙ୍କଡଇନ କୌଣସି ପୋଷ୍ଟ ବା ଆଡ ଦେବା ପାଇଁ ବ୍ୟବହୃତ ହୋଇଥାଏ । ଏହି କ୍ରମରେ ଦେଖିବାକୁ ଗଲେ ଏକ୍ସର ଏହି ଫିଚର ଲିଙ୍କଡଇନକୁ ଟକ୍କର ଦେଇପାରେ ବୋଲି ଚର୍ଚ୍ଚା ହେଉଛି । ପ୍ରକାଶ ଥାଉକି, ଚଳିତ ବର୍ଷ ଅଗଷ୍ଟ ମାସରେ ବିଟା ୟୁଜର୍ସଙ୍କ ପାଇଁ ଏହି ଫିଚରକୁ ରୋଲଆଉଟ କରାଯାଇଥିଲା । ତେବେ ଟେଷ୍ଟିଂ ଶେଷ ହେବା ପରେ ଏହା ସମସ୍ତ ୟୁଜର୍ସଙ୍କ ପାଇଁ ରୋଲଆଉଟ କରାଯାଇଛି ।

ଏହା ମଧ୍ୟ ପଢନ୍ତୁ: ଏଣିକି ଏକ୍ସରେ କରି ହେବ ଡେଟିଂ ! ଡେଟିଂ ଫିଚର ନେଇ ସୂଚନା ଦେଲେ ମସ୍କ

କେମେତି ବ୍ୟବହାର କରିହେବ ଏକ୍ସର ଜବ ସର୍ଚ୍ଚ ଫିଚର: ଓ୍ବେବ ଭର୍ସନରେ ଏକ୍ସର ଜବ ସର୍ଚ୍ଚ ଫିଚର ଖୋଲିବା ପରେ ପ୍ରଥମେ ଦୁଇ ଟେକ୍ସ ଫିଲ୍ଡର ଅପ୍ସନ ମିଳିବ । ଯେଉଁଥିରେ ଜବ ଟାଇଟଲ ଏବଂ ଲୋକେସନ ଦେବାକୁ ହେବ । ଏହାପରେ ସର୍ଚ୍ଚ ଅପ୍ସନକୁ କ୍ଲିକ କରିପାରିବେ । ଯଦି ଟାଇଟସ ସହ ଜଡିତ କୌଣସି ପୋଷ୍ଟ କରାଯାଇଥାଏ ତେବେ ସମ୍ପୁର୍ଣ୍ଣ ଡିଟେଲ ଦେଖାଯିବ ।

କେଉଁ କମ୍ପାନୀ ଜବ ପୋଷ୍ଟ କରିପାରିବେ: ସୂଚନା ଅନୁସାରେ, ଏକ୍ସରେ ସମସ୍ତ କମ୍ପାନୀ ଜବ୍ ବା ଚାକିରି ନେଇ ପୋଷ୍ଟ କରିପାରିବେ ନାହିଁ । ଚାକିରି ସମ୍ବନ୍ଧୀୟ ପୋଷ୍ଟ କରିବାକୁ ହେଲେ Verified for Organisations ମେମ୍ବରସିପ ରହିଥିବା ଆବଶ୍ୟକ। ଏହା ପାଇଁ କମ୍ପାନୀମାନଙ୍କୁ ପ୍ରତି ମାସରେ ଏକ୍ସକୁ 82,300 ଟଙ୍କା ଦେବାକୁ ହେବ।

ଏହା ମଧ୍ୟ ପଢନ୍ତୁ: Name change Offer: ୱିକିପିଡିଆ ପରେ ଫେସବୁକକୁ ଅଫର ଦେଲେ ମସ୍କ

କହିରଖୁଛୁ କି, ଏହାରି ଭିତରେ ମସ୍କ ଆପକୁ ସୋସିଆଲ ମିଡିଆ ପ୍ଲାଟଫର୍ମରୁ ଡେଟିଂ ଆପକୁ ଟକ୍କର ଦେବା ପାଇଁ ପ୍ରୟାସ ଜାରି ରଖିଛନ୍ତି । ଏକ ସମୟରେ ଟ୍ବିଟରକୁ ମାଇକ୍ରୋବ୍ଲଗିଂ ସାଇଟ କୁହାଯାଉଥିବା ବେଳେ ବର୍ତ୍ତମାନ ନାମ ସହିତ ଅନେକ ପରିବର୍ତ୍ତନ ଆସିଛି । ଏକ ବୈଠକରେ ଏଲନ ମସ୍କ କହିଥିଲେ, "ଏକ୍ସରେ ଶୀଘ୍ର ଡେଟିଂ ସମ୍ଭବ ହୋଇପାରିବ । ଏଥିପାଇଁ ପ୍ରସ୍ତୁତି ଜାରି ରହିଛି । ଏକ୍ସ ଖୁବଶୀଘ୍ର ଲିଙ୍କଡଇନ, ୟୁଟ୍ୟୁବ, ଫେସ ଟାଇମ ଏବଂ ଡେଟିଂ ଆପର ମୁକାବିଲା କରିବ ।"