ନ୍ୟୁୟର୍କରେ ମୋଦି, ଜାତିସଂଘର ୭୬ତମ ସଭାକୁ କରିବେ ସମ୍ବୋଧନ

author img

By

Published : Sep 25, 2021, 10:01 AM IST

pm-modi-in-new-york-to-address-at-the-76th-session-of-unga

ମିଳିତ ଜାତିସଂଘର ସାଧାରଣ ସଭା UNGAକୁ ଆଜି(ଶନିବାର) ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅଧିକ ପଢନ୍ତୁ...

ନ୍ୟୁୟର୍କ: ଆଜି(ଶନିବାର) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାର ନ୍ୟୁୟର୍କରେ ଅନୁଷ୍ଠିତ ମିଳିତ ଜାତିସଂଘର ସାଧାରଣ ସଭା UNGAକୁ ସମ୍ବୋଧିତ କରିବେ । ଏଥିପାଇଁ ନ୍ୟୁୟର୍କରେ ପହଞ୍ଚିଛନ୍ତି ମୋଦି । କାର୍ଯ୍ୟକ୍ରମରେ କୋରୋନା, ଆତଙ୍କବାଦ ସମେତ ବିଭିନ୍ନ ମୁଦ୍ଦା ପ୍ରଧାନମନ୍ତ୍ରୀଙ୍କ ମୁଖ୍ୟ ପ୍ରସଙ୍ଗ ରହିବ ।

  • Voicing the sentiments of the 1.3 billion people of India! PM Narendra Modi arrives in New York to address the 76th UNGA tomorrow. India’s current membership of the UN Security Council lends even greater significance: MEA spokesperson Arindam Bagchi pic.twitter.com/dzkMNhFvcB

    — ANI (@ANI) September 25, 2021 " class="align-text-top noRightClick twitterSection" data=" ">

ମିଳିତ ଜାତିସଂଘ ସାଧାରଣ ସଭାର ଏହା ହେଉଛି 76ତମ ଅଧିବେଶନ । ପ୍ରଧାନମନ୍ତ୍ରୀ ମୋଦିଙ୍କ ଭାଷଣରେ ବିଶ୍ୱର ପରିବର୍ତ୍ତିତ ସୁରକ୍ଷା ପରିସ୍ଥିତି ଏବଂ ବିଶ୍ୱ ଅନୁଷ୍ଠାନଗୁଡ଼ିକରେ ଆବଶ୍ୟକୀୟ ସଂସ୍କାର ଭଳି ପ୍ରସଙ୍ଗଗୁଡ଼ିକ ମୁଖ୍ୟ ରହିବ । ଏହା ସହ ଆଫଗାନିସ୍ତାନରେ ବର୍ତ୍ତମାନର ଅସ୍ଥିରତାକୁ ଦୃଷ୍ଟିରେ ରଖି ଆତଙ୍କବାଦର ବ୍ୟାପକ ଚ୍ୟାଲେଞ୍ଜର ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କ ବାର୍ତ୍ତା ଏକ ପ୍ରଭାବଶାଳୀ ରଣନୀତି ଉପରେ ମଧ୍ୟ ଗୁରୁତ୍ୱ ଦେବ । ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚିଙ୍କ ସୂଚନା ଅନୁଯାୟୀ, ଜାତିସଂଘରେ ପ୍ରଧାନମନ୍ତ୍ରୀ ମୋଦିଙ୍କ ଭାଷଣ ପ୍ରାୟ 20 ମିନିଟ୍ ହୋଇପାରେ।

ପ୍ରଧାନମନ୍ତ୍ରୀ ମୋଦିଙ୍କ ଭାଷଣ ଭାରତୀୟ ସମୟ ଅନୁସାରେ ସନ୍ଧ୍ୟା 6.30ରେ ଆରମ୍ଭ ହେବ । ଏହାପରେ ପ୍ରଧାନମନ୍ତ୍ରୀ ହୋଟେଲକୁ ଫେରିବେ ଏବଂ ତା’ପରେ ରାତି 9.15ରେ ଭାରତ ପ୍ରତ୍ୟାବର୍ତ୍ତନ କରିବେ । ତେବେ ଗତକାଲି(ଶୁକ୍ରବାର) ପ୍ରଧାନମନ୍ତ୍ରୀ କ୍ବାଡ ସମ୍ମିଳନୀରେ ଯୋଗଦେବା ସହ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସହ ଦ୍ବିପାକ୍ଷୀକ ଆଲୋଚନା କରିଥିଲେ ।

ଅନ୍ୟପଟେ ମିଳିତ ଜାତିସଂଘକୁ ଏହା ହେବ ପ୍ରଧାନମନ୍ତ୍ରୀ ମୋଦୀଙ୍କ ଚତୁର୍ଥ ସମ୍ବୋଧନ । ଏହାପୂର୍ବରୁ 2014 ମସିହାରେ ପ୍ରଧାନମନ୍ତ୍ରୀ ମୋଦି ପ୍ରଥମ ଥର ପାଇଁ ଜାତିସଂଘକୁ ସମ୍ବୋଧିତ କରିଥିଲେ । 2019ରେ ମଧ୍ୟ ପ୍ରଧାନମନ୍ତ୍ରୀ ଜାତିସଂଘକୁ ସମ୍ବୋଧିତ କରିଛନ୍ତି । ଗତ ବର୍ଷ ଯଥା 2020ରେ, କୋଭିଡ କାରଣରୁ ଭର୍ଚୁଆଲ ମାଧ୍ୟମରେ ସମ୍ବୋଧିତ କରିଥିଲେ ।

ଜାତିସଂଘର 41ଟି ଦେଶ ମଧ୍ୟରୁ ଗୋଟିଏ ହେଉଛି ଭାରତ । ବର୍ତ୍ତମାନ ଭାରତ ମିଳିତ ଜାତିସଂଘ ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ, ଅଗଷ୍ଟରେ UNSCର ସଭାପତି ମଧ୍ୟ ରହିଆସିଛି, ମିଳିତ ଜାତିସଂଘର ପ୍ରାୟ ସମସ୍ତ ସଂସ୍ଥାର ଭାରତ ଅଧ୍ୟକ୍ଷତା କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.