ହାଇଦ୍ରାବାଦ: ସାଉଥ ଫିଲ୍ମ ଇଣ୍ଡଷ୍ଟ୍ରି ସୁପରଷ୍ଟାର ରାମ ଚରଣଙ୍କ ସଫଳତା ଆଜିକାଲି ବୃଦ୍ଧି ପାଇବାରେ ଲାଗିଛି। ଅଭିନେତାଙ୍କ ଶେଷ ରିଲିଜ୍ ଫିଲ୍ମ RRR ର ଓସ୍କାର ଜିତି ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ତେବେ ଏହି ଐତିହାସିକ ସଫଳତା ପରେ ରାମ ଚରଣ ଦେଶ ତଥା ବିଦେଶରେ ବେଶ ଲୋକପ୍ରିୟତା ତାରକା ହୋଇପାରିଛନ୍ତି। ଏହାରି ମଧ୍ୟରେ ଅଭିନେତାଙ୍କ ବିଷୟରେ ଏକ ଖବର ସାମ୍ନାକୁ ଆସିଛି। ହଲିଉଡରେ ଡେବ୍ୟୁ କରିବାକୁ ଯାଉଛନ୍ତି ରାମ ଚରଣ। ଜି -20 ଶିଖର ସମ୍ମିଳନୀରେ ରାମ ଚରଣ ଯୋଗ ଦେବା ସମୟରେ ଅଭିନେତା ଫ୍ୟାନ୍ସଙ୍କୁ ଏହି ବଡ ସୂଚନା ଦେଇଛନ୍ତି। ଏହି ଖବର ଶୁଣି ଫ୍ୟାନ୍ସଙ୍କ ମଧ୍ୟରେ ଖୁସିର ସହରୀ ଖେଳିଯାଇଛି।

ଶ୍ରୀନଗରରେ ଅନୁଷ୍ଠିତ ଜି -20 ଶିଖର ସମ୍ମିଳନୀରେ ରାମ ଚରଣ ପ୍ରଥମ ଭାରତୀୟ ଭାବେ ଯୋଗ ଦେଇଛନ୍ତି। ଏବଂ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିକୁ ପ୍ରତିନିଧିତ୍ୱ କରିଛନ୍ତି। ଏଥିସହିତ, ଏହି ସମୟରେ ଅଭିନେତା ନିଜେ ପ୍ରଶଂସକମାନଙ୍କୁ ଓଲିଉଡରୁ ଅଫର ପାଇବା ବିଷୟରେ ଏକ ବଡ଼ ସୂଚନା ଦେଇଛନ୍ତି। ଅଭିନେତା କହିଛନ୍ତି, ମୁଁ ମୋର ଦେଶ ଭାରତକୁ ସାରା ବିଶ୍ୱରେ ପ୍ରସିଦ୍ଧ କରିବାକୁ ଚାହୁଁଛି, ଏହା କେବଳ ହଲିଉଡ ନିର୍ମାତା ଏବଂ ନିର୍ଦ୍ଦେଶକଙ୍କ ସାହାଯ୍ୟରେ ସମ୍ଭବ ହେବ, ମୁଁ ମୋର ସଂସ୍କୃତି ଛାଡିବାକୁ ଚାହେଁ ନାହିଁ, ଆମ ସଂସ୍କୃତି ଏବଂ ଭାରତୀୟ ଭାବନା ଅତ୍ୟନ୍ତ ଶକ୍ତିଶାଳୀ, ଆମର କାହାଣୀକୁ ସେଠାରେ ସମ୍ମାନ ମିଳୁଛି, ଏହା କେବଳ ସାଉଥ ସିନେମା ନୁହେଁ, ବରଂ ସମଗ୍ର ଫିଲ୍ମ ଇଣ୍ଡଷ୍ଟ୍ରିର।

ସୂଚନା ଥାଉ କି, ଚଳିତ ବର୍ଷ 75ତମ ଓସ୍କାର ପୁରସ୍କାରରେ ଏସ୍.ଏସ୍‌ ରାଜାମୌଲିଙ୍କ ଫିଲ୍ମ RRR ଇତିହାସ ରଚିଥିଲା। ଫିଲ୍ମର ଶ୍ରେଷ୍ଠ ଅରିଜିନାଲ ଗୀତ ପାଇଁ ନାଟୁ ନାଟୁକୁ ମିଳିଥିଲା ଓସ୍କାର ଆଓ୍ବାର୍ଡ । ଏହାପୂର୍ବରୁ ଫିଲ୍ମଟି 7ଟି ଆନ୍ତଃଜାତୀୟ ପୁରସ୍କାର ମଧ୍ୟ ହାତେଇଛି। ଏଥିସହ ଏହି ଫିଲ୍ମ ବିଶ୍ବର ବକ୍ସ ଅଫିସରେ 1200 କୋଟିରୁ ଅଧିକ ବ୍ୟବସାୟ କରି ଇତିହାସ ରଚିଛି।

ରାମଚରଣଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, RRR ଐତିହାସିକ ସଫଳତା ପରେ ବର୍ତ୍ତମାନ ରାମ ଚରଣ ତାଙ୍କର ଆଗାମୀ ଫିଲ୍ମ ଗେମ୍ ଚେଞ୍ଜରରେ ନଜର ଆସିବେ। ଅଭିନେତାଙ୍କ ପ୍ରଥମ ଲୁକ୍ ମଧ୍ୟ ଫିଲ୍ମରୁ ରିଲିଜ ହୋଇଛି। ଏହି ଫିଲ୍ମଟି ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଭେଟେରାନ୍ ନିର୍ଦ୍ଦେଶକ ଏସ୍ ଶଙ୍କରଙ୍କ ଦ୍ୱାରା ନିର୍ମିତ ହୋଇଛି। ଏହି ଫିଲ୍ମରେ ବଲିଉଡ ଅଭିନେତ୍ରୀ କିଆରା ଆଡଭାନୀ ରାମ ଚରଣଙ୍କ ବିପକ୍ଷରେ ନଜର ଆସିବେ । ଏହା ମକର ସଂକ୍ରାନ୍ତି 2024 ଅବସରରେ ରିଲିଜ ହେବ ।