ମୁମ୍ବାଇ: ଘରେ ଘରେ ପରିଚିତ ସିରିଏଲ ଅଭିନେତା କରନବୀର ବୋହରାଙ୍କ ବିରୋଧରେ ମାମଲା ରୁଜୁ । ଜଣେ ମହିଳାଙ୍କ ଠାରୁ ୧.୯୯ କୋଟି ଠକାମି ଅଭିଯୋଗରେ ବୋହରାଙ୍କ ବିରୋଧରେ ମାମଲା ରୁଜୁ ହୋଇଛି । ତେବେ ଏହି ମାମଲାରେ କରଣବୀରଙ୍କ ସମେତ ଅନ୍ୟ ୫ ଜଣଙ୍କ ନାମ ମଧ୍ୟ ସାମିଲ ରହିଛି ।
ସୂଚନା ଅନୁଯାୟୀ, ମୁମ୍ବାଇ ଓସିୱର ପୋଲିସ ଷ୍ଟେସନରେ ଠକାମି ନେଇ କରନବୀରଙ୍କ ନାମରେ ମାମଲା ରୁଜୁ ହୋଇଛି । ମହିଳା ଜଣକ ଅଭିଯୋଗ କରିଛନ୍ତି ଯେ, କରନବୀର ତାଙ୍କ ଠାରୁ ଟଙ୍କା ନେଇ ୨.୫ ପ୍ରତିଶତ ସୁଧ ସହ ଫେରାଇ ଦେବାକୁ ପ୍ରତିଶ୍ରୁତି ଦେଇଥିଲେ । ମାତ୍ର କେବଳ ମୂଳଧନ ଫେରାଇ ସୁଧ ଫେରାଇ ନଥିବା ଅଭିଯୋଗ କରିଛନ୍ତି । ଏଥିସହ କରନବୀର ଏବଂ ତାଙ୍କ ପତ୍ନୀ ଧମକ ଦେଉଥିବା ୪୦ ବର୍ଷୀୟ ମହିଳା ଅଭିଯୋଗ କରିଛନ୍ତି ।
