ହାଇଦ୍ରାବାଦ: ଇତିହାସ ରଚିଲା ଏସ୍.ଏସ୍ ରାଜାମୌଲିଙ୍କ ଫିଲ୍ମ 'RRR'(Rajamouli's blockbuster movie RRR) । ଏହି ଫିଲ୍ମର ନାଟୁ ନାଟୁ(Naatu Naatu) ଗୀତକୁ ମିଳିଲା ଗୋଲ୍ଡେନ ଗ୍ଲୋବ୍ସ୍-୨୦୨୩ ଆୱାର୍ଡ(Golden Globe Awards 2023) । ବେଷ୍ଟ ଅରିଜିନାଲ ସଙ୍ଗ୍ ପାଇଁ ମିଳିଲା ଏହି ଗୋଲ୍ଡେନ ଗ୍ଲୋବ୍ସ୍-୨୦୨୩ ଆୱାର୍ଡ(RRR's Naatu Naatu bags Best Original Song at Golden Globes) । ଆଉ ଏକ ପୁରସ୍କାର ହାତେଇଲା RRR ଫିଲ୍ମ । ଫିଲ୍ମ ଇଣ୍ଡଷ୍ଟ୍ରିରେ ଗୋଲଡେନ୍ ଗ୍ଲୋବ ପୁରସ୍କାର ଏକ ଉଚ୍ଚ ସମ୍ମାନଦାୟକ ଆଓ୍ବାର୍ଡ ହୋଇଥିବା ବେଳେ ଏହି ଆଓ୍ବାର୍ଡ ହାତେଇଛି RRR ଫିଲ୍ମର ନାଟୁନାଟୁ ଗୀତ ।
ଆଜି(ବୁଧବାର) କାର୍ଲିଫର୍ଣ୍ଣିଆର ଭିଭର୍ଲି ହିଲଟନ ହଲରେ ଏହି ଆଓ୍ବାର୍ଡ ସେରିମନି ଆୟୋଜିତ ହୋଇଥିଲା । RRR ଫିଲ୍ମର ନିର୍ଦ୍ଦେଶକ ଏସ୍. ଏସ୍ ରାଜାମୌଲି, ଅଭିନେତା ରାମ ଚରଣ, ଜୁନିଅର ଏନଟିଆର, ମ୍ୟୁଜିକ ଡାଇରେକ୍ଟର ଏମଏମ କିରାବାନିଙ୍କ ସମେତ ଫିଲ୍ମର ସମସ୍ତ ସଦସ୍ୟ ଉପସ୍ଥିତ ରହି ଏହି ଆଓ୍ବାର୍ଡ ଗ୍ରହଣ କରିଛନ୍ତି । ନାଟୁନାଟୁ ଗୀତକୁ ଗୋଲ୍ଡେନ୍ ଗ୍ଲୋବ୍ସ୍ ଆଓ୍ବାର୍ଡ ପାଇଁ ଘୋଷଣା କରିବା ପରେ ଏସ୍. ଏସ୍ ରାଜାମୌଲି, ତରକ ଏବଂ ଚରଣ ଖୁସିରେ ବିଭୋର ହୋଇ ତାଳି ବଜାଇଥିଲେ । ଏହାପରେ RRRଫିଲ୍ମର ସଙ୍ଗୀତକାର ତଥା ଏ ଆର୍ ରେହମାନ ଟ୍ବିଟକରି RRR ଟିମକୁ ଶୁଭେଚ୍ଛା ଜଣାଇଛନ୍ତି । ଏହାସହ ଏସ୍. ଏସ୍ ରାଜାମୌଲି ମଧ୍ୟ Golden Globeର ଜୁରିଙ୍କି ଧନ୍ୟବାଦ ଦେବା ସହ ଟିମକୁ ଟ୍ବିଟକରି ଶୁଭେଚ୍ଛା ଜଣାଇଛନ୍ତି । ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସଫଳତା ପାଇଁ ସମଗ୍ର ଟିମକୁ ଶୁଭେଚ୍ଛା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ପଞ୍ଜାବରେ ପହଞ୍ଚିଲା ଭାରତ ଯୋଡ ଯାତ୍ରା, ସ୍ବର୍ଣ୍ଣ ମନ୍ଦିର ପରିଦର୍ଶନ କଲେ ରାହୁଲ
ଏହି ଚଳଚ୍ଚିତ୍ରରେ ଜୁନିଅର ଏନଟିଆର ବ୍ୟତୀତ ରାମ ଚରଣ ଏବଂ ଆଲିଆ ଭଟ୍ଟ, ଶ୍ରୀୟା ସରନ, ଅଜୟ ଦେବଗନ ମଧ୍ୟ ପ୍ରମୁଖ ଭୂମିକାରେ ନଜର ଆସିଥିଲେ । ତେବେ RRR ହେଉଛି ଏକମାତ୍ର ଭାରତୀୟ ଚଳଚ୍ଚିତ୍ର, ଯାହା ଅନ୍ତର୍ଜାତୀୟ ପୁରସ୍କାର ବର୍ଗରେ ସ୍ଥାନ ପାଇଛି । RRRର ରୋଜଗାର ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ର ସାରା ବିଶ୍ୱରେ 1200 କୋଟିରୁ ଅଧିକ ରୋଜଗାର କରିଥିଲା ।
ପ୍ରକାଶ ଥାଉକି, ସାଉଥ ସୁପରଷ୍ଟାର ରାମ ଚରଣ ଏବଂ Jr NTRଙ୍କ ଚଳଚ୍ଚିତ୍ର ଏହି ସମ୍ମାନସ୍ପଦ ପୁରସ୍କାର ପାଇଁ ଦୁଇଟି ଶ୍ରେଣୀରେ ନାମାଙ୍କନ ଗ୍ରହଣ କରିଥିଲା । ଏହି ଚଳଚ୍ଚିତ୍ରଟି ଶ୍ରେଷ୍ଠ ଅଣ-ଇଂରାଜୀ ଭାଷା ଚଳଚ୍ଚିତ୍ର ଏବଂ ଶ୍ରେଷ୍ଠ ମୂଳ ଗୀତ ପାଇଁ ଚଳଚ୍ଚିତ୍ରର ଗୀତ 'ନାଟୁ-ନାଟୁ' ପାଇଁ ମନୋନୀତ ହୋଇଥିଲା । ଦୁଇ ବ୍ରିଟିଶ ଶାସନ ବିରୁଦ୍ଧରେ ଦୁଇ ବିପ୍ଳବୀଙ୍କ ଜୀବନୀ ଉପରେ ଆଧାରିତ ଏହି ଚଳଚ୍ଚିତ୍ରଟି ସାରା ବିଶ୍ୱରେ ଏହାର ସଫଳତା ଖେଳୁଥିଲା, ଏହାକୁ ଦୃଷ୍ଟିରେ ରଖି ଏହି ଚଳଚ୍ଚିତ୍ରକୁ ଓସ୍କାରକୁ ପଠାଇବାକୁ ଦାବି ହୋଇଥିଲା । ଗୋଲଡେନ୍ ଗ୍ଲୋବ ପୁରସ୍କାର 2023 ପୂର୍ବରୁ ନିର୍ଦ୍ଦେଶକ ଏସ୍ ରାଜାମୌଲି ମଧ୍ୟ ଏହି ଚଳଚ୍ଚିତ୍ର ପାଇଁ ନ୍ୟୁୟର୍କ ଚଳଚ୍ଚିତ୍ର ସମାଲୋଚକ ସର୍କଲ ଶ୍ରେଷ୍ଠ ନିର୍ଦ୍ଦେଶକ ପୁରସ୍କାର ଗ୍ରହଣ କରିଥିଲେ । ଏହା ପୂର୍ବରୁ ବିଦେଶୀ ଭାଷା ଶ୍ରେଣୀରେ 1988ରେ ସଲାମ ବମ୍ବେ ଏବଂ ସେହିପରି ୨୦୦୧ର ଫିଲ୍ମ ମନସୁନ ବୋଡିଂ ଗୋଲ୍ଡେନ୍ ଗ୍ଲୋବ ଆଓ୍ବାର୍ଡ ପାଇଁ ମନୋନିତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
