ମୁମ୍ବାଇ: ବଲିଉଡ୍‌ ଅଭିନେତା ରଣବୀର କପୁର ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଆନିମଲ' ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି । ନିକଟରେ ଫିଲ୍ମର ପ୍ରଥମ ଗୀତ ରିଲିଜ ହୋଇଥିବା ବେଳେ ପ୍ରଶଂସକଙ୍କ ଉତ୍ସାହ ବଢ଼ାଇବାକୁ ନିର୍ମାତାମାନେ ଫିଲ୍ମ ଆନିମଲର ଲାଟେଷ୍ଟ ଗୀତ 'ଅର୍ଜନ ବେଲି' ରିଲିଜ କରିଛନ୍ତି । ଭୁପିନ୍ଦର ବବ୍ବଲଙ୍କ ଦ୍ୱାରା କଣ୍ଠଦାନ ହୋଇଥିବା ଏହି ଗୀତ ହେଉଛି ଏକ ପଞ୍ଜାବୀ ଗ୍ୟାଙ୍ଗଷ୍ଟାର-ପପ୍ ଟ୍ରାକ୍ । ଏହି ଗୀତ ଅଭିନେତାଙ୍କ ପ୍ରକୃତ ଚରିତ୍ରକୁ ଦର୍ଶାଇଛି । ଗୀତଟି ଅତ୍ୟନ୍ତ ଚିତ୍ତାକର୍ଷକ ହୋଇଛି । ଏଥିରେ ହିପ୍-ହପ୍ ରୁ ପ୍ରେରିତ ଗ୍ରୀଭ୍ ଏବଂ ରିଦମ ରହିଛି ଯାହାକି ମେଲୋଡି ପଞ୍ଜାବୀ ପପରେ ପରିପୂର୍ଣ୍ଣ । ତେବେ ଗୀତରେ ସ୍ବାଗ୍‌ ମଧ୍ୟ ରହିଛି ।

ସୂଚନା ଥାଉକି, ମନନ୍ ଭରଦ୍ବାଜ ଏହି ଗୀତର ରଚନା କରିଛନ୍ତି । ମ୍ୟୁଜିକରେ ଦେଖିବାକୁ ମିଳିଛି ଯେ ଅଭିନେତାଙ୍କ ଚରିତ୍ର ପ୍ରକୃତରେ କେତେ ହିଂସ୍ର ଏବଂ ବିପଜ୍ଜନକ । ଏହି ଗୀତର ଭିଡିଓରେ ରଣବୀର କପୁର ତାଙ୍କ ଗ୍ୟାଙ୍ଗଷ୍ଟର ବ୍ୟକ୍ତିତ୍ବରେ ବୁଡ଼ି ରହିଛନ୍ତି ଆଉ ଏହାକୁ ସମ୍ପୂର୍ଣ୍ଣ ରୂପେ ଗ୍ରହଣ କରି ହିଂସାତ୍ମକ ହୋଇଥିବାର ଦେଖାଯାଇଛି । ଏଥିରେ ଅତ୍ୟନ୍ତ ନିର୍ଦ୍ଦୟ ତଥା ହିଂସାତ୍ମକ ହତ୍ୟାକାଣ୍ଡର ଚିତ୍ରଣ ମଧ୍ୟ ଦେଖିବାକୁ ମିଳିଛି । ଯାହା ସମ୍ପୂର୍ଣ୍ଣ ଆନିମଲ ରୂପରେ ବୁଡ଼ି ରହିଥିବା ପରିବର୍ତ୍ତନକୁ ଚମତ୍କାର ଭାବରେ ପ୍ରଦର୍ଶନ କରାଯାଇଛି । ଷ୍ଟାଇଲ୍‌, ସ୍ବାଗ୍‌, ଗ୍ରୀଭ୍, ମେଲୋଡି ଆଦିରେ ଭରପୁର 'ଅର୍ଜନ୍ ଭ୍ୟାଲି' ଗୀତ ।

ଏହା ମଧ୍ୟ ପଢନ୍ତୁ- Hua Main song out: ଆନିମଲର ପ୍ରଥମ ଗୀତ ରିଲିଜ୍‌, ରଣବୀର-ରଶ୍ମିକାଙ୍କ ସିଜିଲିଂ କେମେଷ୍ଟ୍ରି ଲଗାଇଲା ନିଆଁ

ସୂଚନାଯୋଗ୍ୟ ଯେ, ରଣବୀର ଏବଂ ରଶ୍ମିକା ଏହି ଫିଲ୍ମ ମାଧ୍ୟମରେ ପ୍ରଥମ ଥର ପାଇଁ ବଡ଼ ପରଦାରେ ଏକାଠି ନଜର ଆସିବେ । ଅନୀଲ କପୁର ଏବଂ ରଣବୀର କପୁର ପିତା ଏବଂ ପୁଅଙ୍କ ଚରିତ୍ରରେ ନଜର ଆସିଛନ୍ତି । ଯେଉଁଠାରେ ଅନୀଲ ତାଙ୍କ ପୁଅକୁ ନେଇ ବହୁତ ନିରାଶ ମନେ ହେଉଛନ୍ତି । କାହାଣୀଟି ପିତା-ପୁତ୍ର ସମ୍ପର୍କ ଏବଂ ପ୍ରତିଶୋଧ ଉପରେ ଆଧାରିତ । ତେବେ ଏହି କାହାଣୀରେ ଏକ ମୋଡ଼ ଆସିବ ବୋଲି ଦର୍ଶକଙ୍କ ଆଶା ଅଛି । ଏହି ଫିଲ୍ମରେ ରଶ୍ମିକା ଅଭିନେତା ରଣବୀର କପୁରଙ୍କ ବିପକ୍ଷରେ ନଜର ଆସିବେ । ଏହି ଚଳଚ୍ଚିତ୍ରରେ ରଶ୍ମିକାଙ୍କ ଚରିତ୍ରର ନାମ ହେଉଛି ଗୀତାଞ୍ଜଳି । ରଣବୀର କପୁର, ଅନୀଲ କପୁର ଏବଂ ରଶ୍ମିକା ମନ୍ଦାନାଙ୍କ ବ୍ୟତୀତ ବବି ଦେଓଲ, ତୃପ୍ତି ଡିମ୍ରି, ଶକ୍ତି କପୁର ମଧ୍ୟ ଏହି ଫିଲ୍ମରେ ଏକ ପ୍ରମୁଖ ଭୂମିକା ଗ୍ରହଣ କରିବେ । 'ଆନିମଲ୍‌' ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭଙ୍ଗା । ଏହି ଚଳଚ୍ଚିତ୍ର ପ୍ରେକ୍ଷାଳୟରେ 1 ଡିସେମ୍ବର 2023ରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ର ହିନ୍ଦୀ, ତାମିଲ, ତେଲୁଗୁ, କନ୍ନଡ଼ ଏବଂ ମାଲାୟାଲମ୍ ଭାଷାରେ ମୁକ୍ତିଲାଭ କରିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ