ହାଇଦ୍ରାବାଦ: ଖୁବ୍‌ ଶୀଘ୍ର ହାତକୁ ଦୁଇ ହାତ ହେବେ ରାଘବ ଚଢା ଏବଂ ପରିଣୀତି ଚୋପ୍ରା । ଦୁହେଁ 24 ସେପ୍ଟେମ୍ବରରେ ଉଦୟପୁରରେ ବିବାହ କରିବାକୁ ଯାଉଛନ୍ତି। ପରିଣୀତି ଏବଂ ରାଘବ ମଧ୍ୟ ବିବାହ ଉତ୍ସବ ପାଇଁ ପ୍ରସ୍ତୁତ ହେଉଛନ୍ତି, ଯାହା କି 17 ସେପ୍ଟେମ୍ବରରୁ ଆରମ୍ଭ ହୋଇସାରିଛି । ବିବାହ ସମାରୋହ ପାଇଁ ରାଘବ ପରିଣୀତି ଉଦୟପୁରର ତାଜ ଲୀଲା ପ୍ୟାଲେସକୁ ବାଛିଛନ୍ତି। ବିବାହ ସମାରୋହ 2 ଦିନ ପର୍ଯ୍ୟନ୍ତ ଚାଲିବ । ପରିଣୀତି ଏବଂ ରାଘବ ସେପ୍ଟେମ୍ବର 23 ରେ ୱେଲକମ୍‌ ଲଂଚ ସହିତ ବିବାହ ଉତ୍ସବ ଆରମ୍ଭ କରିବେ । ଆସନ୍ତୁ ଜାଣିବା ଉଭୟଙ୍କ ପାଖରେ କେତେ ସମ୍ପତ୍ତି ଅଛି ।

ଆମେ ଆପଣଙ୍କୁ କହିରଖୁଛୁ ଯେ ରାଘବ ଚଢା ଆମ୍ ଆଦମୀ ପାର୍ଟିର ଯୁବ ଚେହେରା ହୋଇଥିବାବେଳେ ପରିଣୀତି ଚୋପ୍ରା ବଲିଉଡର ଜଣେ ସଫଳ ଅଭିନେତ୍ରୀ ଅଟନ୍ତି। ଦୀର୍ଘ ଦିନର ଅପେକ୍ଷା କରିବା ପରେ 13 ମେ 2023 ରେ ଦୁହେଁ ଦିଲ୍ଲୀର କାପୁରଥାଲା ହାଉସରେ ଏକ ବ୍ୟକ୍ତିଗତ ସମାରୋହରେ ନିର୍ବନ୍ଧ କରିଥିଲେ । ଯେଉଁଥିରେ ତାଙ୍କ ପରିବାର ସଦସ୍ୟ ଏବଂ ରାଜନୈତିକ ଜଗତ ସହିତ ଜଡିତ କିଛି ଲୋକ ଅଂଶଗ୍ରହଣ କରିଥିଲେ । ବର୍ତ୍ତମାନ ଉଭୟ ପରିବାରରେ ବିବାହ ପ୍ରସ୍ତୁତି ଚାଲିଛି।

ରାଘବ ଚଢା ଜଣେ ଚାର୍ଟାର୍ଡ ​​ଆକାଉଣ୍ଟାଣ୍ଟ

ଉଲ୍ଲେଖନୀୟ ଯେ, ରାଘବ ଚଢା ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ। ରାଘବ ଚଢା ହେଉଛନ୍ତି ଆପର ସବୁଠାରୁ କମ୍ ବୟସ୍କ ସାଂସଦ । 2012 ମସିହାରେ, ସେ ଆମ୍ ଆଦମୀ ପାର୍ଟି (AAP) ରେ ଯୋଗ ଦେଇ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ । ଏହା ସହିତ ସେ ଜଣେ ଚାର୍ଟାର୍ଡ ​​ଆକାଉଣ୍ଟାଣ୍ଟ (CA) ମଧ୍ୟ ଅଟନ୍ତି । ତାଙ୍କ ପାଖରେ ୫୦ ଲକ୍ଷ ଟଙ୍କାର ନେଟ୍ କ୍ୟାସ୍ ଥିବା ରାଘବ ଚଢା ନିଜ ଦସ୍ତାବିଜରେ ଦର୍ଶାଇଛନ୍ତି । ଏହା ସହ ତାଙ୍କ ପାଖରେ ମାରୁତି ସ୍ୱିଫ୍ଟ ଡିଜାୟାର କାର ଓ ୩୭ ଲକ୍ଷ ଟଙ୍କାର ଏକ ଘର । ଏହାସହ ତାଙ୍କ ପାଖରେ ୫ଲକ୍ଷ ଟଙ୍କାର ସୁନା ଥିବାର ସେ ଔପଚାରିକ ଭାବେ ଦର୍ଶାଇଛନ୍ତି ।

କୋଟି କୋଟିର ମାଲିକାଣୀ ଅଟନ୍ତି ପରିଣୀତି

ରାଘବ ଏବଂ ପରିଣୀତି ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରେ ଅଧ୍ୟୟନ କରିଛନ୍ତି । ସମ୍ପତ୍ତି ମାମଲାରେ ପରିଣୀତି କିନ୍ତୁ ରାଘବଙ୍କ ଠାରୁ ଢେର ଆଗରେ । ତାଙ୍କର ମୁଖ୍ୟ ଆୟର ଉତ୍ସ ହେଉଛି ଫିଲ୍ମରୁ ମିଳିଥିବା ଫି ଏବଂ ବ୍ରାଣ୍ଡ ଏଣ୍ଡୋର୍ସମେଣ୍ଟ । ଏଥି ସହିତ ସିଆସେଟର ରିପୋର୍ଟ ଅନୁଯାୟୀ ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ମୋଟ ସମ୍ପତ୍ତି 60 କୋଟି ଟଙ୍କା ରହିଛି। ଏହି ଅଭିନେତ୍ରୀଙ୍କ ମୁମ୍ବାଇରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ ଏବଂ ଅଡି A6, ଜାଗୁଆର XJL, ଅଡି Q5 ଏବଂ ଜାଗୁଆର XJL ପରି ଅନେକ ବିଳାସପୂର୍ଣ୍ଣ କାର ଅଛି ।

ଏହା ମଧ୍ୟ ପଢନ୍ତୁ: 'R' ନାଁର କ୍ୟାପ ପିନ୍ଧି ବିମାନବନ୍ଦରରେ ନଜର ଆସିଲେ ପରିଣୀତି ଚୋପ୍ରା, ଫ୍ୟାନ୍ସ କହିଲେ ଏମିତି

ଏପରି ହୋଇଥିଲା ସାକ୍ଷାତ

ପ୍ରାୟ 15 ବର୍ଷ ପୂର୍ବେ ପରିଣୀତି ଚୋପ୍ରା ବ୍ରିଟେନର ମଞ୍ଚେଷ୍ଟର ବିଶ୍ୱବିଦ୍ୟାଳୟରେ ବ୍ୟବସାୟ, ଅର୍ଥନୀତି ଏବଂ ଅର୍ଥ ବିଭାଗରେ ଡିଗ୍ରୀ ପାଠ୍ୟକ୍ରମ ପଢୁଥିଲେ। କୁହାଯାଏ ଯେ ରାଘବ ଚଢା ମଧ୍ୟ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରେ ପଢୁଥିଲେ ଏବଂ ସେମାନଙ୍କର ପ୍ରାରମ୍ଭିକ ପରିଚୟ ସେହି ସମୟରେ ବ୍ରିଟେନରେ ହୋଇଥିଲା ଏବଂ ସେହି ଦିନଠାରୁ ଦୁହେଁ ପରସ୍ପରକୁ ଜାଣିବା ଆରମ୍ଭ କରିଥିଲେ। ସେମାନଙ୍କ ପ୍ରେମ କାହାଣୀ ବିଷୟରେ କହିବା ତ, ରାଘବ ଏବଂ ପରିଣୀତିଙ୍କ ପ୍ରେମ କାହାଣୀ ସେତେଟା ପୁରୁଣା ନୁହେଁ । ବିଶ୍ୱାସ କରାଯାଏ ଯେ ଏହି ପ୍ରେମ କାହାଣୀ ଗତ ବର୍ଷ ଆରମ୍ଭ ହୋଇଥିଲା ଯେତେବେଳେ ପରିଣୀତିଙ୍କ ଗୋଟିଏ ଫିଲ୍ମର ସୁଟିଂ ସମୟରେ ଦୁହେଁ ସାକ୍ଷାତ ହୋଇଥିଲେ। ପରିଣୀତି ପଞ୍ଜାବରେ 'ଚମକିଲା' ଚଳଚ୍ଚିତ୍ରର ସୁଟିଂ କରୁଥିଲେ।