ମୁମ୍ବାଇ: ବଲିଉଡ ଅଭିନେତ୍ରୀ ତଥା କଣ୍ଟେଣ୍ଟ କ୍ରିଏଟର ପୁନମ ପାଣ୍ଡେଙ୍କ ଘରେ ଅଗ୍ନିକାଣ୍ଡ । ପୁନମ ମୁମ୍ବାଇରେ ରହୁଥିବା ବେଳେ ତାଙ୍କ ବିଲ୍ଡିଂରେ ନିଆଁ ଲାଗିଯାଇଥିବା ସଚନା ମିଳିଛି । ଗତକାଲି(ଶୁକ୍ରବାର) ବିଳମ୍ବିତ ରାତିରେ ନିଆଁ ଲାଗିଯାଇଥିବା ବେଳେ ଏହାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ନିଆଁ ଲାଗିବା ସମୟରେ ତାଙ୍କର ପୋଷା କୁକୁର ସିଜର ରହିଥିବା ନେଇ ଅଭିନେତ୍ରୀଙ୍କ ସୋସିଆଲ ମିଡିଆ ଜରିଆରେ ସୂଚନା ଦେଇଛନ୍ତି ।

ଖବର ଅନୁସାରେ, ଶୁକ୍ରବାର ରାତିରେ କୌଣସି କାରଣବଶତଃ ଘରେ ନିଆଁ ଲାଗିଯାଇଥିଲା । କିନ୍ତୁ ଅଭିନେତ୍ରୀ ଜଣକ ଘରେ ଉପସ୍ଥିତ ନଥିଲେ ହେଁ ତାଙ୍କର ପ୍ରିୟ ପୋଷା କୁକୁର ସିଜର ରହିଥିଲା । ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତି ଯାଇଥିଲା ସିଜର । ଘରେ ରହିଥିବା କର୍ମଚାରୀମାନେ ସିଜରକୁ ବଞ୍ଚାଇଥିଲେ । ତେବେ ପୁନମଙ୍କ ଘରେ ଅଗ୍ନିକାଣ୍ଡ ସମୟର ଭିଡିଓ ମଧ୍ୟ ସାମ୍ନାକୁ ଆସିଛି ।

ଅଗ୍ନିକାଣ୍ଡର କାରଣ ଅସ୍ପଷ୍ଟ: ତେବେ ଭାଇରାଲ ହେଉଥିବା ଭିଡିଓରେ ସ୍ପଷ୍ଟ ଦେଖାଯାଉଛି ଅଗ୍ନିକାଣ୍ଡ । ନିଆଁ ଲାଗି ଘରର ଅନେକ କ୍ଷତି ହୋଇଥିବା ନେଇ ଭିଡିଓରୁ ସ୍ପଷ୍ଟ ଜଣାପଡୁଛି । ତେବେ ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ । ଅଗ୍ନିକାଣ୍ଡ ପରେ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡିଛି । ତେବେ ଅଭିନେତ୍ରୀ ଏବଂ ତାଙ୍କର ପ୍ରିୟ ପୋଷା କୁକୁର ସିରିଜ ସୁରକ୍ଷିତ ରହିଥିବା ଜଣାପଡିଛି ।

ଏହା ମଧ୍ୟ ପଢନ୍ତୁ: Poonam @31: ସାଧାରଣ ପରିବାରରୁ ଆଡଲ୍ଟ ଷ୍ଟାର, ଜାଣନ୍ତୁ ପୁନମଙ୍କ ବିଷୟରେ କିଛି ଅଜଣା କଥା

ତେବେ ଅଘଟଣ ପରେ ଇନଷ୍ଟାଗ୍ରାମରେ ଏକ ଷ୍ଟୋରି ସେୟାର କରିଛନ୍ତି ପୁନମ । ଏହା ସହ ପୋଡିଯାଇଥିବା ବେଡରୁମର ମଧ୍ୟ ଭିଡିଓ ସେୟାର କରିଛନ୍ତି । ତାଙ୍କ କହିବା ଅନୁସାରେ, "ମୋ ଘରେ ନିଆଁ ଲାଗିଯାଇଥିଲା । ମୋର ଏକ ବେଡରୁମ ପୋଡି ନଷ୍ଟ ହୋଇଯାଇଛି। କିନ୍ତୁ ଭଗବାନଙ୍କ କୃପାରୁ ସିଜର ବର୍ତ୍ତି ଯାଇଛି । ଅଘଟଣ ପରେ ମୋତେ ଅନେକ ଫୋନ କରିଥିବାକୁ ସମସ୍ତଙ୍କୁ ମୁଁ ହୃଦୟରୁ ଧନ୍ୟବାଦ ଦେଉଛି । ଭଗବାନଙ୍କ କୃପା ଏବଂ ଆପଣ ମାନଙ୍କ ଭଲ ପାଇବା ଯୋଗୁଁ ଆମେ ଭଲରେ ଅଛୁ ।"

ପ୍ରକାଶଥାଉକି, ପୁନମ ପାଣ୍ଡେ ବଲିଉଡର ଜଣେ ଜଣାଶୁଣା ଅଭିନେତ୍ରୀ । ଏହା ସହ ସେ ଜଣେ ମଡେଲ ଭାବେ ମଧ୍ୟ ପରିଚିତ । 2013 ମସିହାରେ ବଲିଉଡ ସିନେ ଜଗତରେ ପାଦ ଥାପିଥିଲେ ପୁନମ । ନଶା ଫିଲ୍ମ ଦ୍ବାରା ସେ ବଲିଉଡରେ ଏଣ୍ଟ୍ରି କରିଥିଲେ । ତେବେ ପୁନମ ବଲିଉଡ ସହିତ ସାଉଥ ଏହଂ ଭୋଜପୁରୀ ଫିଲ୍ମରେ ମଧ୍ୟ ଅଭିନୟ କରିଛନ୍ତି । ଦ ଜର୍ନି ଅଫ କର୍ମ, ମାଲିନି ଆଣ୍ଡ କମ୍ପାନୀ, ଆଗେୟା ହିରୋ, ଲଭ ଇଜ ପୟଜନ ଭଳି ଫିଲ୍ମରେ ସେ କାମ କରିଛନ୍ତି । 2011 ମସିହାରେ ଖତରେ କି ଖିଲାଡି ସିଜନ 4ରେ ମଧ୍ୟ ନଜର ଆସିଥିଲେ ପୁନମ ।

ବ୍ୟୁରୋ ରିପୋର୍ଟ, ଇଟିଭି ଭାରତ