ମୁମ୍ବାଇ: 2ୟ ବିବାହକୁ ନେଇ ଚର୍ଚ୍ଚାରେ ବଲିଉଡ ଅଭିନେତା ଆଶିଷ ବିଦ୍ୟାର୍ଥୀ । 60 ବର୍ଷ ବୟସରେ ବଲିଉଡର ଲୋକପ୍ରିୟ ଭିଲେନ୍ ଆଶିଷ ବିଦ୍ୟାର୍ଥୀ ଆସାମର ରୂପାଲି ବରୁଆଙ୍କୁ ବିବାହ କରିଛନ୍ତି । ଉଭୟଙ୍କ ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଉଭୟଙ୍କୁ ଫ୍ୟାନ୍ସ ପସନ୍ଦ କରିବା ସହ ପ୍ରତିକ୍ରିୟାରେ ଶୁଭେଚ୍ଛା ଜଣାଉଛନ୍ତି। ଏହାରି ମଧ୍ୟରେ ବର୍ତ୍ତମାନ ଆଶୀଷଙ୍କ ପ୍ରଥମ ପତ୍ନୀ ରାଜୋଶି ଓରଫ ପିଲୁ ବିଦ୍ୟାର୍ଥୀ ତାଙ୍କ ବିବାହକୁ ନେଇ ପ୍ରତିକ୍ରିୟା ଦେଇଛନ୍ତି । ସୋସିଆଲ ମିଡିଆରେ ଏକ କ୍ରିପ୍ଟିକ୍ ପୋଷ୍ଟ ସେୟାର କରି ଶିରୋନାମାରେ ରହିଛନ୍ତି ।

ନିଜ ଇନଷ୍ଟାଗ୍ରାମ ଷ୍ଟୋରୀରେ ରାଜୋଶୀ ଏକ ପୋଷ୍ଟ ସେୟାର କରି ଲେଖିଛନ୍ତି, 'ଅଧିକ ଚିନ୍ତା, ଏବଂ ସନ୍ଦେହ ବର୍ତ୍ତମାନ ଆପଣଙ୍କ ମନରୁ ବାହାରି ଯାଇପାରେ । ସ୍ୱଚ୍ଛତା ଦ୍ୱନ୍ଦ୍ୱକୁ ବଦଳାଇପାରେ । ଶାନ୍ତିରେ ତୁମ ଜୀବନ ବିତିଯାଉ । ତୁମେ ବହୁତ ଶକ୍ତିଶାଳୀ ହୋଇଛ, ତୁମର ଆଶୀର୍ବାଦ ଗ୍ରହଣ କରିବାର ସମୟ ଆସିଛି । ତୁମେ ଏହାର ଯୋଗ୍ୟ ଅଟ ।'

ଆଶିଷ ବିଦ୍ୟାର୍ଥୀଙ୍କ ଦ୍ୱିତୀୟ ବିବାହରେ ପ୍ରତିକ୍ରିୟା ରଖିଲେ ପ୍ରଥମ ପତ୍ନୀ

ଅନ୍ୟ ଏକ ନୋଟରେ ସେ କହିଛନ୍ତି, 'ସଠିକ୍ ବ୍ୟକ୍ତି ଆପଣଙ୍କୁ ପଚାରିବେ ନାହିଁ ଯେ ଆପଣ ସେମାନଙ୍କ ପାଇଁ କ’ଣ ଗୁରୁତ୍ବ ରଖନ୍ତି । ସେମାନେ ଏଭଳି କିଛି କରିବେ ନାହିଁ ଯେଉଁଥିରେ ଆପଣଙ୍କୁ କଷ୍ଟ ହେଉଥିବ । ରାଜୋଶି ନିଜ ଫଟୋ ସହ ଅନ୍ୟ ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ କ୍ୟାପସନ୍ ଦିଆଯାଇଛି, 'ଜୀବନର ରହସ୍ୟରେ ଫଶ ନାହିଁ ।'

ସୂଚନା ଥାଉ କି, ରାଜୋଶି ଭେଟେରାନ୍ ବଙ୍ଗୀୟ ଅଭିନେତ୍ରୀ ଶକୁନ୍ତଲା ବରୁଆଙ୍କ ଝିଅ ଅଟନ୍ତି । ସେ ଆଶିଷ ବିଦ୍ୟାର୍ଥୀ ଏବଂ ଆସୋସିଏଟ୍ସର ସହ-ପ୍ରତିଷ୍ଠାତା ମଧ୍ୟ ଅଟନ୍ତି । ଆଶିଷ ଏବଂ ତାଙ୍କର ପ୍ରଥମ ପତ୍ନୀ ରାଜୋଶୀଙ୍କର ଅର୍ଥ ବିଦ୍ୟାର୍ଥୀ ଏକ 23 ବର୍ଷୀୟ ପୁଅ ଅଛି । ସେପଟେ ପରିବାର ସଦସ୍ୟ ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ଗୁରୁବାର ଆଶିଷ ବିଦ୍ୟାର୍ଥୀ ରୂପାଲିଙ୍କୁ କୋର୍ଟରେ ବିବାହ କରିଛନ୍ତି । ରୂପାଲି ବର୍ତ୍ତମାନ କୋଲକାତାରେ ଏକ ପ୍ରତିଷ୍ଠିତ ଫ୍ୟାଶନ ହାଉସ ସହ କାମ କରୁଛନ୍ତି । ବିବାହରେ କେରଳ ଏବଂ ଆସାମର ପରମ୍ପରାକୁ ଅନୁସରଣ କରି ଉଭୟ ପରସ୍ପରକୁ ସ୍ୱାମୀ-ସ୍ତ୍ରୀ ଭାବରେ ଗ୍ରହଣ କରିଛନ୍ତି ।

ବଲିଉଡ ଚଳଚ୍ଚିତ୍ରରେ ଖଳନାୟକ ଭୂମିକାରେ ଅଭିନୟ କରି ବେଶ ପ୍ରତିଷ୍ଠା ଲାଭ କରିଛନ୍ତି ଆଶିଷ । ଖାଲି ବଲିଉଡ ନୁହେଁ ତେଲୁଗୁ, ତାମିଲ, କନ୍ନଡ ମାଲାୟାଲାମ, ମରାଠୀ ଏବଂ ବଙ୍ଗଳା ଭଳି ବହୁ ଭାଷାଭାଷୀ ପ୍ରାୟ 30ରୁ ଅଧିକ ଫିଲ୍ମରେ ଅଭିନୟ କରି ଜାତୀୟ ପୁରସ୍କାରରେ ସମ୍ମାନିତ ହୋଇଛନ୍ତି । ନିକଟରେ ଆଶିଷ ଅର୍ଜନ କପୁର ଓ ତବୁଙ୍କ ଫିଲ୍ମ 'କୁତେ'ରେ ନଜର ଆସିଥିଲେ ଆଶିଷ ।