ମୁମ୍ବାଇ: ପୁଣି ଥରେ ବଲିଉଡରୁ ଏକ ଖୁସି ଖବର ଆସିଛି । ମା' ହେବାକୁ ଯାଉଛନ୍ତି ଫିଲ୍ମ 'ଦୃଶ୍ୟମ'ରେ ଅଜୟ ଦେବଗନଙ୍କ ଝିଅ ଭୂମିକାରେ ନଜର ଆସିଥିବା ଅଭିନେତ୍ରୀ ଇଶିତା ଦତ୍ତା । ବିବାହର 6 ବର୍ଷ ପରେ ମା' ହେବାକୁ ଯାଉଛନ୍ତି ଇଶିତା । ଇଶିତା ନିଜେ ସୋସିଆଲ ମିଡିଆରେ ନିଜ ପ୍ରଶଂସକଙ୍କୁ ଏହି ଖୁସି ଖବର ଦେଇ ନାହାନ୍ତି, କିନ୍ତୁ ନିକଟରେ ଅଭିନେତ୍ରୀ ବେବି ବମ୍ପ ଦେଖିବା ପରେ ଏହି ଚର୍ଚ୍ଚା ବଢି ଯାଇଛି ।

ନିକଟରେ ଅଭିନେତ୍ରୀ ଇଶିତା ଦତ୍ତାଙ୍କୁ ବିମାନବନ୍ଦରରେ ଦେଖିବାକୁ ମିଳିଥିଲା । ସେଠାରେ ଇଶିତା ଦତ୍ତାଙ୍କ ବେବି ବମ୍ପ ଦେଖିବାକୁ ମିଳିଥିଲା । ଅଭିନେତ୍ରୀ ବ୍ରାଉନ ରଙ୍ଗର ଆଉଟଫିଟରେ ନଜର ଆସିଥିଲେ । ଏବଂ ପାପାରାଜିଙ୍କ ସମ୍ମୁଖରେ ନିଜ ବେବି ବମ୍ପ ଫ୍ରଣ୍ଟ କରିଥିଲେ । ଏହି ଖବର ପ୍ରସାର ପରେ ତାଙ୍କ ଫ୍ୟାନ୍ସ ତାଙ୍କୁ ଶୁଭେଚ୍ଛା ଜଣାଇଛନ୍ତି ।

ସୂଚନା ଥାଉ କି, ଇଶିତାଙ୍କ ସ୍ବାମୀ ହେଉଛନ୍ତି ଅଭିନେତା ଭାଟସାଲ ସେଠ୍, ଯିଏ ଅଜୟ ଦେବଗନଙ୍କ ଫିଲ୍ମ 'ତାର୍ଜନ-ଦି ୱାଣ୍ଡର'ରେ ତାଙ୍କ ପୁଅ ଭୂମିକାରେ ଅଭିନୟ କରିଥିଲେ । ବର୍ତ୍ତମାନ ଅଜୟ ଦେବଗାନଙ୍କ ଅନସ୍କ୍ରିନ ପୁଅ ଏବଂ ଝିଅ ପିତାମାତା ହେବାକୁ ଯାଉଛନ୍ତି । ନଭେମ୍ବର 2022ରେ ରିଲିଜ କରିଥିବା ଅଜୟ ଦେବଗନ୍ ଏବଂ ଶ୍ରୀୟା ସାରନଙ୍କ ଅଭିନୀତ ଚଳଚ୍ଚିତ୍ର 'ଦୃଶ୍ୟମ୍ 2'ରେ ମଧ୍ୟ ଇଶିତାଙ୍କୁ ଦେଖିବାକୁ ମିଳିଥିଲା ।

ତେବେ ଇଶିତା ଏବଂ ଭାଟସାଲ 2017ରେ ବିବାହ କରିଥିଲେ । ସୋସିଆଲ ମିଡିଆରେ ଏହି ଦମ୍ପତି ବହୁତ ଆକ୍ଟିଭ ରୁହନ୍ତି । ଏବଂ ଉଭୟ ନିଜ ପ୍ରଶଂସକଙ୍କ ସହ ନିଜ ଜୀବନର ପ୍ରତ୍ୟେକ ମୁହୂର୍ତ୍ତ ସେୟାର କରିଥାନ୍ତି । ଉଭୟ ଏହି ଗୁଡ ନ୍ୟୁଜକୁ ସେୟାର କରିନଥିବା ବେଳେ ଇଶିତାଙ୍କ ଲୁକର ଏହି ଭିଡିଓ ଭାଇରାଲ ହୋଇଛି । ଯାହାକୁ ଦେଖି ପ୍ରଶଂସକମାନେ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।

ସୂଚନା ଥାଉ କି, ଅଭିନେତ୍ରୀ ଇଶିତା ଦତ୍ତା 2015 ରାଜା ରାଜେନ୍ଦ୍ରରୁ ନିଜ ବଲିଉଡ କ୍ୟାରିୟର ଆରମ୍ଭ କରିଥିଲେ। ପରେ ଦୃଶ୍ୟମରୁ ସେ ବେଶ ଲୋକପ୍ରିୟ ହୋଇପାରିଥିଲେ । 2017ରେ ଫିରଙ୍ଗି, 2019ରେ ସେଟର୍ସ,ବ୍ଲାଙ୍କ, 2022ରେ ଦୃଶ୍ୟମ-2ରେ ଅଭିନୟ କରିଥିଲେ । ଇଶିତା ଫିଲ୍ମ ବ୍ୟତୀତ ଟିଭି ସିରିଏଲରେ ମଧ୍ୟ କାମ କରିଥିଲେ। 2013ରେ ଏକ ଘର ବନାଉଙ୍ଗା, ନଚ ବଲିଏ-6 ରେ ନଜର ଆସିଥିଲେ । ସେହିପରି 2018ରେ କୋନ ହେ, ବେପନାହ, 2019ରେ ବେପନାହ ପ୍ୟାର, ବିଗ ବସ-13, 2021ରେ ଥୋଡା ସା ବାଦଲ ଥୋଡା ସା ପାନି, ର୍ସିଫ ତୁମ ଭଳି ସିରିଏଲରେ ନଜର ଆସିଥିଲେ । ଏଥିସହ 2020ରେ ସେ ଏକ ମ୍ୟୁଜିକ ଭିଡିଓରେ ମଧ୍ୟ ଅଭିନୟ କରିଥିଲେ ।