ଭୁବନେଶ୍ବର: ଜଗତସିଂହପୁର ଢିଙ୍କିଆରେ ପୋଲିସ ଓ ଗ୍ରାମବାସୀ ମୁହାଁମୁହିଁ ଘଟଣାକୁ ରାଜ୍ୟ ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଢିଙ୍କିଆ ଗ୍ରାମବାସୀଙ୍କ ଉପରେ ପୋଲିସ ଆକ୍ରମଣକୁ ନିନ୍ଦା କରିଛନ୍ତି ସାଧରଣ ସମ୍ପାଦକ ଲଲାଟେନ୍ଦୁ ମହାପାତ୍ର । ଜନଶୁଣାଣୀରେ ମଧ୍ୟ ବିରୋଧ କରିଛନ୍ତି ଗ୍ରାମବାସୀ । ଜିନ୍ଦଲ ହେଉଛି ଏକ ଠକ କମ୍ପାନୀ। ତାକୁ ଏଠି ଜମି ଦେବାକୁ ରାଜ୍ୟ ସରକାର ଜାଲ ଦସ୍ତାବିଜ ଦେଇଛନ୍ତି। ପାନ, ମୀନ ଓ ଧାନ ପାଇଁ ଗ୍ରାମବାସୀଙ୍କ ଲଢେଇ କହିଛି କଂଗ୍ରେସ ।
200 ବର୍ଷ ଧରି ରହି ଆସୁଥିଲେ ସେହି ଜମିକୁ ଜୋର ଜବରଦସ୍ତ ନେବାକୁ ପ୍ରୟାସ ଆରମ୍ଭ କରିଛନ୍ତି ସରକାର । ଆପତ୍ତି ଅଭିଯୋଗର ଶୁଣାଣି ନ କରି ପୋଲିସ ଲଗେଇକି ଆକ୍ରମଣ କରୁଛନ୍ତି ସରକାର। ସେଠାରେ ଶିଳ୍ପ ସ୍ଥାପନ କରିବା ପାଇଁ କାହିଁକି ରାଜ୍ୟ ସରକାର ଜିଦ ଧରିଛନ୍ତି । କାହିଁକି ପ୍ରଶାସନ ଆଲୋଚନା କରୁ ନାହାନ୍ତି କି ସମାଧାନ ପାଇଁ ଚେଷ୍ଟା କରୁ ନାହାନ୍ତି ? ତେବେ ଆଜି ପୋଲିସ କାର୍ଯ୍ୟାନୁଷ୍ଠାନ ପାଇଁ କିଏ ନିର୍ଦ୍ଦେଶ ଦେଲା ବୋଲି ପ୍ରଶ୍ନ କରିଛି କଂଗ୍ରେସ।
ଏହାସହ ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରି ଘଟଣାର ବିଚାର ଵିଭାଗୀୟ ତଦନ୍ତ କରନ୍ତୁ ବୋଲି ଦାବି କରିଛି କଂଗ୍ରେସ । ଏହାସହ ସେଠାରେ ଶିଳ୍ପ ବନ୍ଦ କରିବାକୁ ଦଳ ଚେତାବନୀ ଦେଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ,ଇଟିଭି ଭାରତ
