ବାଲେଶ୍ବର: ପୁଣି ଥରେ ଓଡିଶା ସୀମାରେ ପଶ୍ଚିମବଙ୍ଗ ଦେଖାଇଛି ଦାଦାଗିରି। ବେଆଇନ ଭାବେ ନିର୍ମାଣ କରିଛି ଗାର୍ଡୱାଲ । ରାଜ୍ୟର ଅନ୍ୟତମ ମୋନରମ ବେଳାଭୂମି ଉଦୟପୁର ବେଳାଭୂମି ଉପରେ ଲୋଲୁପ ଦୃଷ୍ଟି ପକାଇଛି ପଡୋଶୀ ପଶ୍ଚିମବଙ୍ଗ ।
ଦ୍ଵିତୀୟ ଥର ପାଇଁ ବେଳଭୂମିରେ ବେଆଇନ ନିର୍ମାଣ କରୁଛି ପଶ୍ଚିମବଙ୍ଗ। ସ୍ଥାନୀୟ ଲୋକେ ପ୍ରଶାସନକୁ ଖବର ଦେବାପରେ ଭୋଗରାଇ ତହସିଲଦାର ଓ ପୋଲିସ ପ୍ରଶାସନ ସେଠାରେ ପହଞ୍ଚି ନିର୍ମାଣ କାର୍ଯ୍ୟକୁ ବନ୍ଦ କରିଛନ୍ତି।
ଗାର୍ଡ ୱାଲ ନିର୍ମାଣ ହେଉଥିବା ସ୍ଥାନରେ ପୂର୍ବରୁ 144 ଧାରା ବଳବତ୍ତର ଥିଲେ ମଧ୍ୟ ପଶ୍ଚିମବଙ୍ଗ ଆଜି ସକାଳୁ ନିର୍ମାଣ କାର୍ଯ୍ୟ ଆରମ୍ଭ କରିଥିଲା । ସ୍ଥାନୀୟ ଲୋକେ ପ୍ରଶାସନକୁ ଖବର ଦେବା ପରେ ପ୍ରଶାସନ ପହଞ୍ଚି ନିର୍ମାଣ କାମକୁ ବନ୍ଦ କରିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ