1. ଆଜି BJP ମେୟରଙ୍କ ବୈଠକକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ

ଆଜି ଗୁଜୁରାଟର ଗାନ୍ଧୀ ନଗରରେ ସକାଳ ୧୦ଟା ୩୦ ମିନିଟ ସମୟରେ ବିଜେପି ମେୟରଙ୍କ ବୈଠକକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

2. ଅକ୍ଟୋବର 11ରେ ମହାକାଳେଶ୍ବର ମନ୍ଦିର ପ୍ରକଳ୍ପର ଉଦ୍‌ଘାଟନ କରିବେ ମୋଦି

ଉଜୈନରେ ଅବସ୍ଥିତ ବିଶ୍ୱ ପ୍ରସିଦ୍ଧ ମହାକାଳେଶ୍ବର ମନ୍ଦିରର ପରିକ୍ରମା ପ୍ରକଳ୍ପର ପ୍ରଥମ ପର୍ଯ୍ୟାୟର ଉଦଘାଟନ କରିବେ ମୋଦି । ଆସନ୍ତା ଅକ୍ଟୋବର 11 ତାରିଖରେ ମୋଦି ପ୍ରକଳ୍ପର ଉଦଘାଟନ କରିବା ନେଇ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ସୂଚନା ଦେଇଛନ୍ତି ।

3. ଝାରସୁଗୁଡ଼ା ବାଇପାସ୍‌ ରାସ୍ତା ପାଇଁ 587 କୋଟି ମଞ୍ଜୁର

ଖୁବଶୀଘ୍ର ନିର୍ମାଣ ହେବ ଝାରସୁଗୁଡ଼ାରେ ବାଇପାସ ରାସ୍ତା । ନିର୍ମାଣ ହେବାକୁ ଥିବା ରାସ୍ତା ପାଇଁ କେନ୍ଦ୍ର ସଡ଼କ ଓ ପରିବହନ ମନ୍ତ୍ରାଳୟ 587.10 କୋଟି ଟଙ୍କା ମଞ୍ଜୁର କରିଛି ।

4. ଅଧିକ ବିପର୍ଯ୍ୟୟ ସହନଶୀଳ ହେବ ଉପକୂଳବର୍ତ୍ତୀ ଅଞ୍ଚଳ

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଆରମ୍ଭ ହୋଇଥିବା ବିପର୍ଯ୍ୟୟ ନିରୋଧି ପ୍ରଚେଷ୍ଟାକୁ ଦୃଢ଼ିଭୁତ କରିବା ଦିଗରେ ଅନ୍ୟ ଏକ ପଦକ୍ଷେପ ଭାବେ ରାଜ୍ୟ ସରକାର ନୂତନ କାର୍ଯ୍ୟ ଯୋଜନା ଆରମ୍ଭ କରିଛନ୍ତି । ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ସମନ୍ୱିତ ବୈଠକ । ବୈଠକରେ ଉପକୂଳ ଅଞ୍ଚଳ ପରିଚାଳନା ସୋସାଇଟିର ଷ୍ଟିଅରିଂ କମିଟିରେ ୨୬୧.୫୦ କୋଟି ଟଙ୍କା ଆକଳନର ଏହି କାର୍ଯ୍ୟ ଯୋଜନାକୁ ଅନୁମୋଦନ ଦିଆଯାଇଛି ।

5. ଗଜଲକ୍ଷ୍ମୀ ପୂଜା ପାଇଁ ପ୍ରସ୍ତୁତି ବୈଠକ, ପୂଜା ଓ ଭସାଣିରେ ଅଶ୍ଳୀଳ ନାଚଗୀତ ବାରଣ

କେନ୍ଦ୍ରାପଡ଼ା ଜିଲ୍ଲାର ଗଣପର୍ବ ଗଜଲକ୍ଷ୍ମୀ ପୂଜା ପାଇଁ ଜିଲ୍ଲାପାଳଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଅସ୍ଥାୟୀ ବିସର୍ଜ୍ଜନ ଘାଟରେ ମୂର୍ତ୍ତି ବିସର୍ଜ୍ଜନ କରିବା ପାଇଁ ଉପଜିଲ୍ଲାପାଳଙ୍କ ଅନୁରୋଧ । ପୂଜା ଓ ଭସାଣି ସମୟରେ କୌଣସି ଅଶ୍ଳୀଳ ସଙ୍ଗୀତ ଓ ନୃତ୍ୟ ପରିବେଷଣ କରାଯିବ ନାହିଁ ବୋଲି ନିଷ୍ପତ୍ତି ।

6. ମାଣିକେଶ୍ବରୀଙ୍କ ପ୍ରସିଦ୍ଧ ଛତର ଯାତ୍ରା, ଜିଲ୍ଲା ପ୍ରଶାସନର ପ୍ରସ୍ତୁତି ବୈଠକ

ଅକ୍ଟୋବର ୩ ତାରିଖରେ ଅନୁଷ୍ଠିତ ହେବ କଳାହାଣ୍ଡିର ଅଧିଷ୍ଠାତ୍ରୀ ଦେବୀ ମାଆ ମାଣିକେଶ୍ବରୀଙ୍କ ପ୍ରସିଦ୍ଧ ଛତର ଯାତ୍ରା । ଏନେଇ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଜିଲ୍ଲା ପ୍ରଶାସନର ପ୍ରସ୍ତୁତି ବୈଠକ ଅନୁଷ୍ଠିତ । ପୂଜା ସମୟରେ ପଶୁ ବଳି ନଦେବା ପାଇଁ ଜିଲ୍ଲାପାଳଙ୍କ ଅନୁରୋଧ ।

7. ଚାଷଜମିରେ କାମ କରିବା ସମୟରେ ବଜ୍ରାଘାତ, ୪ ମହିଳା ଚାଷୀ ଗୁରୁତର

ଚାଷଜମିରେ କାମ କରିବା ସମୟରେ ବଜ୍ରାଘାତରେ ୪ ମହିଳା ଚାଷୀ ଗୁରୁତର । ନିକଟ ଚାଷଜମିରେ କାର୍ଯ୍ୟ କରୁଥିବା ଚାଷୀ ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ । ତେବେ ସେମାନଙ୍କୁ ବର୍ତ୍ତମାନ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

8. ବାପା ମାଆଙ୍କୁ ପୋଡି ମାରିବାକୁ ଉଦ୍ୟମ, ପୁଅ ଗିରଫ

ପିତାମାତା ଭଗବାନଙ୍କ ସ୍ବରୂପ ହୋଇଥାନ୍ତି । ପିତାମାତାଙ୍କୁ ଚଳନ୍ତି ପ୍ରତିମା କୁହାଯାଏ । ମାତ୍ର ଏଠାରେ ପୁଅ ନିଜ ପିତାମାତାଙ୍କୁ ପୋଡ଼ି ମାରିବାକୁ ଉଦ୍ୟମ କରିଛି । ବାଲେଶ୍ବର ଭୋଗରାଇ ବ୍ଲକରେ ଏହି ଘଟଣା ଘଟିଛି ।

9. ଅଯୋଧ୍ୟାରେ ତିଆରି ହେବ ଷ୍ଟାଚ୍ୟୁ ଅଫ୍‌ ୟୁନିଟି ଠାରୁ ଅଧିକ ଉଚ୍ଚ ଶ୍ରୀରାମଙ୍କ ପ୍ରତିମୂର୍ତ୍ତି

ଅଯୋଧ୍ୟାରେ ନିର୍ମାଣ ହେବ ପ୍ରଭୁ ଶ୍ରୀରାମଚନ୍ଦ୍ରଙ୍କ ବିଶାଳ ପ୍ରତିମୂର୍ତ୍ତି । ଯାହାକି ଷ୍ଟାଚ୍ୟୁ ଅଫ୍ ୟୁନିଟ ଠାରୁ ଅଧିକ ଉଚ୍ଚତା ସମ୍ପନ୍ନ ହେବ ।

10. ଇମ୍ରାନ ହାସମୀଙ୍କୁ ପଥର ମାଡ ଘଟଣା, ଜଣେ ଅଭିଯୁକ୍ତ ଗିରଫ

ଜମ୍ମୁକାଶ୍ମୀରର ପେହେଲଗାମ ମାର୍କେଟରେ ଇମ୍ରାନ ହାସମୀଙ୍କୁ ପଥର ମାଡ ଘଟଣାରେ ଜଣେ ଅଭିଯୁକ୍ତକୁ ଗିରଫ କଲା ଅନନ୍ତନାଗ ପୋଲିସ ।