ମଣିଷର ଦୈନନ୍ଦିନ ସହ ଜଡିତ ପରଫ୍ୟୁମ ବା ଡିଓ । ଝାଳର ଦୁର୍ଗନ୍ଧରୁ ବର୍ତ୍ତିବା ପାଇଁ ପରଫ୍ୟୁମ ବ୍ୟବହାର କରାଯାଇଥାଏ। କିଛି ବ୍ୟକ୍ତି ଶରୀରରେ ଭଲ ସୁଗନ୍ଧ ପାଇଁ ପରଫ୍ୟୁମର ବ୍ୟବହାର କରିଥାଆନ୍ତି । ଦିନ ତମାମ ଆପଣ ନିଜକୁ ଫ୍ରେସ ରଖିବା ପାଇଁ ଏହାକୁ ବ୍ୟବହାର କରିଥାନ୍ତି । ଆଜିକାଲି ଏହା ସମସ୍ତଙ୍କର ଆବଶ୍ୟକତା ହୋଇଯାଇଛି । କଲେଜ ହେଉ କିମ୍ବା ଅଫିସ, କିମ୍ବା କୌଣସି ପାର୍ଟି ଫଙ୍କସନ ସବୁ ଜାଗାରେ ଆବଶ୍ୟକ ହୋଇଥାଏ ପରଫ୍ୟୁମ ।
ଗରମ ଦିନରେ ଅତ୍ୟଧିକ ଝାଶ ବାହାରୁଥିବାରୁ ପରଫ୍ୟୁମ ଲଗାଇବା ଦ୍ବାରା ଦିନ ତମାମ ଫ୍ରେସ ଅନୁଭବ ହୋଇଥାଏ । ଏହାସହ ଦେହରୁ ଝାଳର ଦୁର୍ଗନ୍ଧ ମଧ୍ୟ ଆସିନଥାଏ । ପରଫ୍ୟୁମ ଯେ କେବଳ ସୁଗନ୍ଧ ଦେଇଥାଏ ତାହାନୁହେଁ, ଶରୀରରେ ଏହା ଏକ ପ୍ରକାର ଫୂର୍ତ୍ତି ମଧ୍ୟ ଆଣିଦେଇଥାଏ । ଏହାସହ ଆପଣଙ୍କ ବ୍ୟକ୍ତିତ୍ୱକୁ ମଧ୍ୟ ବଢାଇବାରେ ସହାୟକ ହୋଇଥାଏ । ତେବେ ବଜାରରେ ଅନେକ ପ୍ରକାରର ଭଳିକି ଭଳି ପରଫ୍ୟୁମର ଚାହିଦା ରହିଛି । ସବୁଠୁ ବଡ କଥା ହେଲା କେଉଁ ପ୍ରକାରର ପରଫ୍ୟୁମ ବେଶି ସମୟ ରହୁଛି ଆଉ ଏହାକୁ କିଣିବା ପୂର୍ବରୁ କେଉଁସବୁ ଦିଗ ପ୍ରତି ଧ୍ୟାନ ଦେବେ ଆସନ୍ତୁ ଜାଣିବା ।
ଶରୀରରେ ସେହି ସ୍ଥାନରେ ଏହାକୁ ଲଗାଇବା ଉଚିତ ଯେଉଁଠି ଅତ୍ୟଧିକ ମାତ୍ରାରେ ଝାଳ ବାହାରୁଛି ।
ପରଫ୍ୟୁମକୁ ହାତ ବନ୍ଧ, କହୁଣୀ, କାଖ, ବେକ ଓ କାନ ପଛରେ ଲଗାନ୍ତୁ । ପରଫ୍ୟୁମର ସୁଗନ୍ଧ ଯେପରି ଅତ୍ୟଧିକ ସମୟ ରହିବ ସେଥିପାଇଁ ଗାଧୋଇବା ପରେ ଦେହରେ ପେଟ୍ରୋଲିୟମ ଜେଲି କିମ୍ବା ମଶ୍ଚରାଇଜର ଲଗାଇଦିଅନ୍ତୁ । ତେବେ ଯେତିକି ଆବଶ୍ୟକ ସେତିକି ମାତ୍ରାରେ ଏହାର ବ୍ୟବହାର କରନ୍ତୁ ଅତ୍ୟଧିକ ବ୍ୟବହାର ଆପଣଙ୍କ ସ୍କିନ ପାଇଁ ହାନିକାରକ ହୋଇପାରେ ।
ଯଦି ଆପଣଙ୍କ ପାଖରେ ବହୁତ ଦିନ ଧରି ପରଫ୍ୟୁମ ରହିଛି ଆଉ ତାହାର ରଙ୍ଗ ଗାଢ ହୋଇଯାଉଛି ତେବେ ଭୟଭୀତ ହେବାର କୌଣସି ଆବଶ୍ୟକତା ନାହିଁ । କାରଣ ଏହା ପ୍ରାକୃତିକ ଜିନିଷରେ ତିଆରି ହୋଇଛି । ଆଉ ଏହା ଶରୀର ପାଇଁ ଅତି ଲାଭଦାୟକ ଅଟେ । ଯଦି କୌଣସି ପରଫ୍ୟୁମ ଆପଣଙ୍କ ସ୍କିନକୁ ସୁଟ କରୁନାହିଁ କିମ୍ବା ଆଲର୍ଜି ହେଉଛି ତେବେ ଏହାକୁ ବ୍ୟବହାର କରନ୍ତୁ ନାହିଁ ।
