110 ବଲିୟନ୍ ଫଣ୍ଡିଙ୍ଗ ସହ Open AI କମ୍ପାନୀ 730 Billion ଡଲାରରେ ପହଞ୍ଚିଲା

OPEN AI ହାଇଦ୍ରାବାଦ: ସାରା ବିଶ୍ୱରେ ଚାଲିଥିବା କୃତ୍ରିମ ବୁଦ୍ଧିମତା-ଏଆଇ ପ୍ରତିଯୋଗିତାରେ Open AI କମ୍ପାନୀ ଏକ ବଡ ରେକର୍ଡର ଅନ୍ତର୍ଭୁକ୍ତ ହୋଇଛି । 110 ବିଲିୟନ୍ ଡଲାର ଅର୍ଥର ଫଣ୍ଡି ଯୋଗାଡ କରିଛି ଓପନ ଏଆଇ କମ୍ପାନୀ । 110 ବଲିୟନ୍ ଫଣ୍ଡିଙ୍ଗ ସହ କମ୍ପାନୀର ଭାଲ୍ୟୁସନ୍ 730 ବିଲିୟନ୍ ଡଲାରରେ ପହଞ୍ଚିଛି । ଏହି ଫଣ୍ଡିଙ୍ଗ ଏପରି ଏକ ସମୟରେ ଆସିଛି ଯେତେବେଳେ ଏଆଇ ମଡେଲଗୁଡ଼ିକ ନିଜକୁ ବିକଶିତ କରିବା ତଥା ସେଗୁଡ଼ିକୁ ବ୍ୟାପକ ସ୍ତରରେ ନିୟୋଜିତ କରିବା ପାଇଁ ପ୍ରତିଯୋଗିତା ଜୋରଦାର କରୁଛନ୍ତି । ତେବେ ଏହି ସବୁ ଫଣ୍ଡିଙ୍ଗ କମ୍ପାନୀ କେଉଁଠୁ କେଉଁଠୁ ଯୋଗାଡ କରିଛି ଆସନ୍ତୁ ଜାଣିବା ?

କେଉଁ ବଡ଼ କମ୍ପାନୀ ନିବେଶ କରିଛନ୍ତି ?
ଏହି ବଡ଼ ଫଣ୍ଡିଙ୍ଗ ରାଉଣ୍ଡରେ ବିଶ୍ୱର ନାମୀ ଦାମୀ କମ୍ପାନୀ ନିବେଶ କରିଛନ୍ତି । ସେସବୁ କମ୍ପାନୀ ମଧ୍ୟରେ ଅଛନ୍ତି :-

• ଆମାଜନ- 50 ବିଲିୟନ୍ ଡଲାର
• ସଫ୍ଟବ୍ୟାଙ୍କ-30 ବିଲିୟନ୍ ଡଲାର
• ଏନଭିଡିଆ- 30 ବିଲିୟନ୍ ଡଲାର

ପୂର୍ବରୁ 13 ବିଲିୟନ୍ ଡଲାର ନିବେଶ କରିଥିବା ମାଇକ୍ରୋସଫ୍ଟ କମ୍ପାନୀ 27% ପାଟର୍ନର ଭାବେ ଓପନ ଏଆଇର ଅଶଂ ହୋଇ ରହିଛି । କମ୍ପାନୀ ପକ୍ଷରୁ ଏକ ବିବୃତ୍ତିରେ କୁହାଯାଇଛି ଯେ, ଏହି ନିବେଶକୁ ବିଶ୍ୱ ସ୍ତରରେ ମଜଭୁତ କରିବା ସହିତ ଏହାର ଭିତ୍ତିଭୂମିକୁ ସୁଦୃଢ଼ କରିବ । ଯାହା ଫଳରେ ସେ "ଫ୍ରଣ୍ଟୟିର ଏଆଇ" ଭାବେ ସାରା ଦୁନିଆରେ ବ୍ୟବସାୟ ତଥା ଲୋକମାନଙ୍କ ପାଖରେ ପହଛି ପାରିବ ।

ଚାର୍ଟ ଜିପିଟି ଦ୍ରୁତ ଗତିରେ ଅଭିବୃଦ୍ଧି :

ଓପନ ଏଆଇ ନିଜର ପ୍ରମୁଖ ପଡକ୍ଟ ଚାର୍ଟ ଜିପିଟି ତଥା ଅନ୍ୟ ଟୁଲ୍ସ ଗୁଡିକରେ ଦ୍ରୁତ ଅଭିବୃଦ୍ଧି କରିଛି । ଚାର୍ଟ ଜିପିଟିରେ 90 କୋଟିରୁ ଅଧିକ ସକ୍ରିୟ ସବସ୍କ୍ରାଇବର୍ ଏବଂ 50 କୋଟିରୁ ଅଧିକ ପେଡ୍ ସବସ୍କ୍ରାଇବର୍ ଅଛନ୍ତି । 90 ଲକ୍ଷରୁ ଅଧିକ ପେଡ୍ ବିଜନେସ୍ ସବସ୍କ୍ରାଇବର୍ ଅଫିସରେ ଏହାକୁ ବ୍ୟବହାର କରୁଛନ୍ତି ।

କମ୍ପାନୀ କହିବା ଅନୁଯାୟୀ ଜାନୁଆରୀ ଓ ଫେବୃଆରୀ, ଏହି ଦୁଇ ମାସରେ ସବୁଠୁ ଅଧିକ ସବସ୍କ୍ରାଇବର୍ ଯୋ଼ଡି ହୋଇଛନ୍ତି । ଏହା ବ୍ୟତୀତ, କୋଡେକ୍ସ ଭଳି ଟୁଲ୍ସ୍ ଗୁଡ଼ିକର ବ୍ୟବହାର ମଧ୍ୟ ଦ୍ରୁତ ଗତିରେ ବୃଦ୍ଧି ପାଇଛି । କମ୍ପାନୀ କହିଛି ଯେ, କୋଡେକ୍ସର ସାପ୍ତାହିକ ଉପଭୋକ୍ତାଙ୍କ ସଂଖ୍ୟା 16 ଲକ୍ଷରେ ପହଞ୍ଚିଛି, ଯାହା ବର୍ଷ ଆରମ୍ଭରେ ତିନିଗୁଣରୁ ଅଧିକ ବୃଦ୍ଧି ହୋଇଛି ।

ବିଶେଷଜ୍ଞମାନେ ବିଶ୍ୱାସ କରୁଛନ୍ତି ଯେ, ଏଆଇ ଷ୍ଟାର୍ଟଅପ୍ ଏବଂ ଚିପ୍ ନିର୍ମାତା କିମ୍ବା କ୍ଲାଉଡ୍ କମ୍ପାନୀଗୁଡ଼ିକ ମଧ୍ୟରେ ଏପରି ସହଭାଗୀତା ଇନିଫ୍ରାସ୍ଟକ୍ଚର ଆବଶ୍ୟକତା ପୂରଣ କରିବାରେ ସାହାଯ୍ୟ କରିବ । ବର୍ତ୍ତମାନ, ଓପନ ଏଆଇ ଅନୁଯାୟୀ, ଏଆଇ ଆଉ କେବଳ ଗବେଷଣାର ବିଷୟ ନୁହେଁ, ବରଂ ଦୈନନ୍ଦିନ ବ୍ୟବହାର ଏବଂ ବିଶ୍ୱ ପ୍ରସାର ପାଇଁ ଏକ ନୂତନ ଦୌଡ଼ରେ ପ୍ରବେଶ କରିଛି ।