Lava ଆଣିଲା 6000mAh ବ୍ୟାଟେରୀ ବାଲା ଦମଦାର୍ ଫୋନ୍ Virat V1 Pro 5G, ମୂଲ୍ୟ 15000 ଟଙ୍କାରୁ ବି କମ୍
ଏହି ଫୋନ୍ରେ ପ୍ରୋସେସର୍ ପାଇଁ କମ୍ପାନୀ Unisoc T8200 ଅକ୍ଟା-କୋର୍ ଚିପ୍ସେଟ୍ ଦେଇଛି, ଯାହା 2.6 ଗିଗାହର୍ଜ ପର୍ଯ୍ୟନ୍ତ ସ୍ପିଡ୍ ପ୍ରଦାନ କରିଥାଏ । , , ,
Published : August 24, 2026 at 2:37 PM IST
ହାଇଦ୍ରାବାଦ: ଭାରତର ସ୍ମାର୍ଟଫୋନ୍ କମ୍ପାନୀ ଲାଭା (Lava) ଭାରତୀୟ ବଜାରରେ ତାର ନୂଆ ସ୍ମାର୍ଟଫୋନ୍ Lava Virat V1 Pro 5G ଲଞ୍ଚ କରିଛି । ଲାଭା ଏହି ବିରାଟ ସିରିଜ୍ରେ ପୂର୍ବରୁ ଦୁଇଟି ଫୋନ୍ ଲଞ୍ଚ କରିଥିଲା, ଯେଉଁଥିରେ Lava Virat V1 5G ଏବଂ Virat V1 4G ସାମିଲ ଥିଲେ । ବର୍ତ୍ତମାନ ଏହାର ତୃତୀୟ ମଡେଲ ଭାରତୀୟ ମାର୍କେଟରେ ଲଞ୍ଚ ହୋଇସାରିଛି । କମ୍ପାନୀ ଏହି ଫୋନ୍କୁ ଗୋଟିଏ ସିଙ୍ଗଲ୍ ଭେରିଏଣ୍ଟରେ ଲଞ୍ଚ କରିଛି ଏବଂ ଏହାର ମୂଲ୍ୟ 15000 ଟଙ୍କାରୁ ବି କମ୍ ରହିଛି ।
ଆଜିକାଲି ସ୍ମାର୍ଟଫୋନ୍ କମ୍ପାନୀଗୁଡ଼ିକର ନୂଆ ଲଞ୍ଚ ହେଉଥିବା ଫୋନ୍ଗୁଡ଼ିକର ପ୍ରାରମ୍ଭିକ ମୂଲ୍ୟ ପ୍ରାୟ 20000 ଟଙ୍କାରୁ ଅଧିକ ହେଉଛି । ଏଭଳି ପରିସ୍ଥିତିରେ ଲାଭା ଭାରତୀୟ ୟୁଜର୍ସମାନଙ୍କୁ କମ୍ ମୂଲ୍ୟରେ ଏକ ବଜେଟ୍ ଫୋନ୍ର ବିକଳ୍ପ ଦେଉଛି । ଏହି ଫୋନ୍ର ପଛ ଭାଗରେ ଦୁଇଟି କ୍ୟାମେରାର ସେଟଅପ୍, ଏକ ବଡ଼ ବ୍ୟାଟେରୀ ଏବଂ ହାଇ ରିଫ୍ରେଶ୍ ରେଟ୍ ଥିବା ସ୍କ୍ରିନ୍ ମଧ୍ୟ ମିଳୁଛି ।
Lava Virat V1 Pro 5Gର ସ୍ପେସିଫିକେସନ୍:
ଲାଭାର ଏହି ଫୋନ୍ ଡୁଆଲ୍ ସିମ୍ ସପୋର୍ଟ ସହିତ ଆସିଥାଏ । ଏହି ଫୋନ୍ରେ 6.75 ଇଞ୍ଚର HD+ ଡିସ୍ପ୍ଲେ ଦିଆଯାଇଛି, ଯାହାର ରିଫ୍ରେଶ୍ ରେଟ୍ 120Hz ରହିଛି । ହାଇ ରିଫ୍ରେଶ୍ ରେଟ୍ ଯୋଗୁଁ ସ୍କ୍ରୋଲିଂ ଏବଂ ଗେମିଂ ବହୁତ ସ୍ମୁଥ୍ ଲାଗିଥାଏ । ଏହାର ପିକ୍ସେଲ ଡେନସିଟି 260 ppi ଅଟେ । ଏହି ଫୋନ୍ରେ ପ୍ରୋସେସର୍ ପାଇଁ କମ୍ପାନୀ Unisoc T8200 ଅକ୍ଟା-କୋର୍ ଚିପ୍ସେଟ୍ ଦେଇଛି, ଯାହା 2.6 ଗିଗାହର୍ଜ ପର୍ଯ୍ୟନ୍ତ ସ୍ପିଡ୍ ପ୍ରଦାନ କରିଥାଏ । ଏହି ଫୋନ୍ ଆଣ୍ଡ୍ରଏଡ୍ 16 ଉପରେ ଆଧାରିତ ଅପରେଟିଂ ସିଷ୍ଟମ୍ ଉପରେ ଚାଲିଥାଏ ।
ଫୋନ୍ର ପଛ ଭାଗରେ ଡୁଆଲ୍ କ୍ୟାମେରା ସେଟଅପ୍ ଦିଆଯାଇଛି । ଏହାର ମେନ୍ କ୍ୟାମେରା 50MPର ଅଟେ, କିନ୍ତୁ ଦ୍ୱିତୀୟ କ୍ୟାମେରା ବିଷୟରେ କମ୍ପାନୀ କୌଣସି ସ୍ପେସିଫିକେସନ୍ ସୂଚନା ଦେଇନାହିଁ । ଏଥିରେ ସେଲ୍ଫି ଏବଂ ଭିଡିଓ କଲିଂ ପାଇଁ କମ୍ପାନୀ 8MPର ଫ୍ରଣ୍ଟ କ୍ୟାମେରା ଦେଇଛି । ଏହି ଫୋନ୍ IP64 ରେଟିଂ ସହିତ ମଧ୍ୟ ଆସିଥାଏ, ଯାହାଦ୍ୱାରା ଫୋନ୍ ଧୂଳି ଏବଂ ପାଣିଠୁ ସୁରକ୍ଷିତ ରହିଥାଏ ।
The all-new VIRAT V1 PRO 5G with all the reasons to make it your next phone.
— Lava Mobiles (@LavaMobile) August 24, 2026
Built on 17 years of trust. 🤝
Special Launch Price: ₹13,999*
Sale Starts on 31st Aug, 12 PM. Exclusively on Flipkart.
To know more, visit https://t.co/hq78CeaOny
*Incl. of all offers#Flipkart… pic.twitter.com/auurH2XhAU
ଏହି ଫୋନ୍ରେ 6,000mAhର ବ୍ୟାଟେରୀ ଦିଆଯାଇଛି । କମ୍ପାନୀ ଏହାର ଫାଷ୍ଟ ଚାର୍ଜିଂ ସପୋର୍ଟ ବିଷୟରେ କୌଣସି ସୂଚନା ଦେଇନାହିଁ । ଏହି ଫୋନ୍ କନେକ୍ଟିଭିଟି ପାଇଁ 5G, 4G LTE, Wi-Fi 5, Bluetooth 5.4, USB Type-C ଏବଂ GPS ସହିତ ଅନେକ ସେନ୍ସର୍ ସପୋର୍ଟ ସହ ଆସିଥାଏ । କମ୍ପାନୀ ଏହି ଫୋନ୍କୁ ଦୁଇଟି ରଙ୍ଗ - ସିକିମ୍ ମିଡନାଇଟ୍ ଏବଂ ସ୍ପିତି ଫ୍ରଷ୍ଟରେ ଲଞ୍ଚ କରିଛି ।
ମୂଲ୍ୟ ଏବଂ ସେଲ୍ ଡେଟ୍
ଏହି ଫୋନ୍କୁ ମାତ୍ର ଏକମାତ୍ର ଭେରିଏଣ୍ଟରେ ଲଞ୍ଚ କରାଯାଇଛି, ଯାହା 6GB ର୍ୟାମ୍ ଏବଂ 128GB ଷ୍ଟୋରେଜ୍ ସହିତ ଆସିଥାଏ । ଏହାର ଷ୍ଟୋରେଜ୍କୁ ବାହ୍ୟ ମାଇକ୍ରୋ ଏସଡି କାର୍ଡ ସାହାଯ୍ୟରେ ବଢ଼ାଇ ମଧ୍ୟ ହେବ । ଭାରତରେ ଏହି ଫୋନ୍ର ପ୍ରକୃତ ମୂଲ୍ୟ 15,999 ଟଙ୍କା ରଖାଯାଇଛି । କିନ୍ତୁ ସ୍ପେଶାଲ୍ ଲଞ୍ଚ ଅଫର୍ ଅଧୀନରେ ମିଳୁଥିବା ବ୍ୟାଙ୍କ ଡିସକାଉଣ୍ଟ ସହିତ କମ୍ପାନୀ ଏହି ଫୋନ୍କୁ ମାତ୍ର 13,999 ଟଙ୍କାରେ କିଣିବାର ସୁଯୋଗ ଦେଉଛି । ଏହି ଫୋନ୍ର ସେଲ୍ ଆସନ୍ତା 31 ଅଗଷ୍ଟ ଦିନ ମଧ୍ୟାହ୍ନ 12 ଟାରୁ ସିଧାସଳଖ ଫ୍ଲିପକାର୍ଟ (Flipkart) ମାଧ୍ୟମରେ ଆରମ୍ଭ କରାଯିବ ।
