ନୂଆ ରଙ୍ଗ ଏବଂ ଆଧୁନିକ ଫିଚର୍ସ ସହିତ ଲଞ୍ଚ୍ ହେଲା 2026 TVS Ntorq 125, ଜାଣନ୍ତୁ କେତେ ରହିଛି ଦାମ୍

ହାଇଦ୍ରାବାଦ: ଭାରତର ପ୍ରମୁଖ ଦୁଇଚକିଆ ଯାନ ନିର୍ମାତା କମ୍ପାନୀ ଟିଭିଏସ୍ (TVS) ନିଜର ଜନପ୍ରିୟ ଏବଂ ପାୱାରଫୁଲ୍ ସ୍କୁଟର ଏନଟର୍କ 125ର ନୂଆ 2026 ଅପଡେଟେଡ୍ ସଂସ୍କରଣ ବଜାରକୁ ଆଣିଛି । କମ୍ପାନୀ ଏହି ସ୍ପୋର୍ଟି ସ୍କୁଟରକୁ ଆକର୍ଷଣୀୟ ଗ୍ରାଫିକ୍ସ, ସ୍ମାର୍ଟ ଲୁକ୍ ଏବଂ ଉନ୍ନତ ଡିଜିଟାଲ୍ ଫିଚର୍ସ ସହିତ ଉପସ୍ଥାପନ କରିଛି । ଏହି ସ୍କୁଟରଟିକୁ ମୋଟ 5ଟି ଭିନ୍ନ ଭିନ୍ନ ଟ୍ରିମ୍ସ ବା ଭେରିଏଣ୍ଟରେ ଲଞ୍ଚ୍ କରାଯାଇଛି, ଯେଉଁଥିରେ Disc, Super Squad, Race Edition, Race XP ଏବଂ XT ସାମିଲ ରହିଛି ।

ଭେରିଏଣ୍ଟ ଅନୁଯାୟୀ ମୂଲ୍ୟ ଏବଂ ଆକର୍ଷଣୀୟ କଲର୍‌:

ହି ସ୍କୁଟରର ବେସ୍ 'ଡିସ୍କ' ଭେରିଏଣ୍ଟର ପ୍ରାରମ୍ଭିକ ମୂଲ୍ୟ 82,500 ଟଙ୍କା (ଏକ୍ସ-ଶୋରୁମ୍) ରଖାଯାଇଛି । ଏହି ବେସ୍ ଭେରିଏଣ୍ଟରେ କମ୍ପାନୀ Midnight Black ଏବଂ Spitty White ଭଳି 2ଟି ନୂଆ ରଙ୍ଗ ସହିତ ଅପଡେଟେଡ୍ Nardo Grey ଗ୍ରାଫିକ୍ସ ପ୍ରଦାନ କରିଛି । ସେହିପରି ଏହାର ପ୍ରସିଦ୍ଧ Race Editionରେ ଗ୍ରାହକମାନଙ୍କୁ Rush Green, Drift Blue ଏବଂ Inferno Red ଭଳି 3ଟି ଭିନ୍ନ ସ୍ପୋର୍ଟି କଲର୍ ସ୍କିମ୍ ମିଳିବ । ଏହି ସମସ୍ତ ରଙ୍ଗ ସହିତ ମେଳ ଖାଉଥିବା ଆଲୟ ହୁଇଲ୍ସ ସ୍କୁଟରକୁ ଆହୁରି ମାସ୍କୁଲାର ଏବଂ ଷ୍ଟାଇଲିସ୍ ଲୁକ୍ ପ୍ରଦାନ କରୁଛି ।

ଫିଚର୍ସ ଏବଂ ସ୍ପେସିଫିକେସନ୍ସ:

ଟେକ୍ନିକାଲ୍ ଅପଗ୍ରେଡ୍ ଉପରେ ନଜର ପକାଇଲେ, ନୂଆ ଅପଡେଟେଡ୍ Disc ଏବଂ Race Edition ରେ ଏବେ ରିଭର୍ସ ଏଲଇଡି (LED) ଫୁଲି ଡିଜିଟାଲ୍ ଇନଷ୍ଟ୍ରୁମେଣ୍ଟ କ୍ଲଷ୍ଟରକୁ ଷ୍ଟାଣ୍ଡାର୍ଡ ଫିଚର୍ ଭାବେ ସାମିଲ କରାଯାଇଛି । ଏହି ଆଧୁନିକ ସ୍କ୍ରିନ୍‌ଟି ଟିଭିଏସ୍‌ର ପ୍ରସିଦ୍ଧ SmartXonnect ବ୍ଲୁଟୁଥ୍ କନେକ୍ଟିଭିଟିକୁ ସପୋର୍ଟ କରିଥାଏ । ଏହା ସାହାଯ୍ୟରେ ରାଇଡରମାନେ ଗାଡ଼ି ଚଲାଇବା ସମୟରେ କଲ୍‌, ଏସଏମଏସ (SMS) ଆଲର୍ଟ, ଟର୍ନ-ବାଇ-ଟର୍ନ ନେଭିଗେସନ୍ ଏବଂ ବାହନ ଡାଇଗ୍ନୋଷ୍ଟିକ୍ସ ସମ୍ବନ୍ଧୀୟ ସମସ୍ତ ଗୁରୁତ୍ୱପୂର୍ଣ୍ଣ ତଥ୍ୟ ସହଜରେ ପାଇପାରିବେ ।

ଏହା ବ୍ୟତୀତ ସ୍କୁଟରର ପୁରୁଣା ମୁଖ୍ୟ ଫିଚର୍ସ ଗୁଡ଼ିକୁ ପୂର୍ବଭଳି ସମାନ ରଖାଯାଇଛି, ଯେଉଁଥିରେ ଏଲଇଡି ହେଡ୍ ଲ୍ୟାମ୍ପ‌, ଏଲଇଡି ଡେ-ଟାଇମ୍ ରନିଂ ଲାଇଟ୍ସ (DRLs), 12 ଇଞ୍ଚର ମଜବୁତ ଆଲୟ ହୁଇଲ୍ସ, ବଡ଼ ଅଣ୍ଡର-ସିଟ୍ ଷ୍ଟୋରେଜ୍ ଏବଂ ଏଲଇଡି ଟେଲ୍‌ଲ୍ୟାମ୍ପ୍ ସାମିଲ ରହିଛି ।

ଇଞ୍ଜିନ୍ ପାୱାର ଏବଂ ପରଫର୍ମାନ୍ସ:

ଟିଭିଏସ୍ ଏହି ସ୍କୁଟରର ମେକାନିକାଲ୍ ବ୍ୟବସ୍ଥା କିମ୍ବା ଇଞ୍ଜିନ୍‌ରେ କୌଣସି ପରିବର୍ତ୍ତନ କରିନାହିଁ । ଏଥିରେ ପୂର୍ବଭଳି ଶକ୍ତିଶାଳୀ 124.8ccର ସିଙ୍ଗଲ୍-ସିଲିଣ୍ଡର, 3-Valve ଏୟାର ଏବଂ ଅଏଲ୍ କୁଲ୍ଡ ଇଞ୍ଜିନ୍ ବ୍ୟବହାର କରାଯାଇଛି । ଏହି ବିଶ୍ୱାସନୀୟ ଇଞ୍ଜିନ୍ 9.5 PSର ସର୍ବାଧିକ ପାୱାର ଏବଂ 10.6 Nmର ପିକ୍ ଟର୍କ ଉତ୍ପନ୍ନ କରିଥାଏ । ତେବେ ଏହାର ହାଇ-ଏଣ୍ଡ୍ Race XP ଭେରିଏଣ୍ଟରେ ୟୁଜର୍ସମାନଙ୍କୁ ଅଧିକ ପାୱାର ମିଳିବ, ଯାହା ପ୍ରାୟ 10.2 PSର ସର୍ବାଧିକ ଶକ୍ତି ଏବଂ 10.8 Nmର ଟର୍କ ପ୍ରଦାନ କରିଥାଏ ।

ଭାରତୀୟ ବଜାରରେ ଏହି ସ୍କୁଟରର ସିଧାସଳଖ ମୁକାବିଲା Hero Xoom 125, Honda Dio 125, Yamaha Ray ZR 125 ଏବଂ Suzuki Avenis ଭଳି ପ୍ରମୁଖ 125cc ସ୍କୁଟର ଗୁଡ଼ିକ ସହିତ ହେବ । ଆଧୁନିକ ଟେକ୍ନୋଲୋଜି ଏବଂ ଦମଦାର ପରଫର୍ମାନ୍ସ ଚାହୁଁଥିବା ଗ୍ରାହକଙ୍କ ପାଇଁ ଏହି ଗାଡ଼ି ଏକ ସର୍ବୋତ୍ତମ ବିକଳ୍ପ ସାବ୍ୟସ୍ତ ହେବ ।