IMD ଆଲର୍ଟ: ଜୁଲାଇ ୩ ଯାଏଁ ଓଡ଼ିଶାରେ ବର୍ଷିବ, ବିଜୁଳି ଓ ଘଡ଼ଘଡ଼ି ସହ ପବନ ବହିବା ସମ୍ଭାବନା

IMD Odisha Weather Alert , ଭୁବନେଶ୍ବର/ ନୂଆଦିଲ୍ଲୀ: ଓଡ଼ିଶାରେ ସକ୍ରିୟ ରହିଛି ଦକ୍ଷିଣ-ପଶ୍ଚିମ ମୌସୁମୀ ବାୟୁ । ଜୁଲାଇ ୩ ତାରିଖ ଯାଏଁ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସହ ବିଜୁଳି, ଘଡ଼ଘଡ଼ି ଏବଂ ପବନର ଚେତାବନୀ ଦେଇଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର । ସେହିପରି ଭାରତୀୟ ପାଣିପାଗ ବିଭାଗ (IMD) ଆସନ୍ତା ସପ୍ତାହରେ ଦିଲ୍ଲୀ-NCR ସମେତ ଉତ୍ତର ଭାରତର ଅନେକ ସ୍ଥାନରେ ହାଲୁକାରୁ ମଧ୍ୟମ ବର୍ଷା ସହ ପାଗ ମୁଖ୍ୟତଃ ମେଘୁଆ ରହିବ ବୋଲି ପୂର୍ବାନୁମାନ କରିଛି । IMD ସୂଚନା ଅନୁସାରେ, ମୌସୁମୀ ଧିରେ ଧିରେ ଉତ୍ତର ପ୍ରଦେଶ, ଦିଲ୍ଲୀ, ପଞ୍ଜାବ, ହରିୟାଣା ଏବଂ ଚଣ୍ଡିଗଡ଼ ଆଡକୁ ଅଗ୍ରସର ହେଉଛି । ଯାହାଫଳରେ ଖୁବ୍ ଶୀଘ୍ର ଗରମରୁ ଆଶ୍ୱସ୍ତି ମିଳିବ । ଜୁନ ୨୭ରୁ ୨୯ ତାରିଖ ପର୍ଯ୍ୟନ୍ତ ଉତ୍ତର-ପୂର୍ବ ଭାରତ ଏବଂ ଉପ-ହିମାଳାୟ ପଶ୍ଚିମବଙ୍ଗ ଏବଂ ସିକିମରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।

ରାଜ୍ୟରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ସକ୍ରିୟ ଥିବା ବେଳେ ଆହୁରି ୭ ଦିନ ରାଜ୍ୟରେ ବର୍ଷା ଜାରି ରହିଛି । ୩ ତାରିଖ ଯାଏଁ ପ୍ରବଳ ବର୍ଷା ସମ୍ଭାବନା ଦେଇଛି ପାଣିପାଗ ବିଭାଗ । ଏହାସହ ଆହୁରି ୨୪ ଘଣ୍ଟା ଉପକୂଳରେ ଗୁଳୁଗୁଳି ଲାଗି ରହିବ । ଏନେଇ ଗଜପତି, ଗଞ୍ଜାମ, ନୟାଗଡ, ବାଲେଶ୍ୱର, ଭଦ୍ରକ, ଯାଜପୁର ,କଟକ, ପୁରୀ ,ଖୋର୍ଦ୍ଧା, ଜଗତସିଂହପୁର ଓ କେନ୍ଦ୍ରାପଡା ଏହି ୧୧ଟି ଜିଲ୍ଲାକୁ ଉଷ୍ମ ଓ ଆର୍ଦ୍ର ସ୍ଥିତିକୁ ନେଇ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

ସେହିପରି ଆସନ୍ତା ୨୪ ଘଣ୍ଟାରେ ସାରା ଓଡ଼ିଶାରେ ବର୍ଷା ଚେତନାନୀ ରହିଥିବା ଥିବା ବେଳ କେନ୍ଦୁଝର, ବୌଦ୍ଧ ଓ କୋରାପୁଟରେ ପ୍ରବଳ ବର୍ଷା ନେଇ ଅରେଞ୍ଜ ଆଲର୍ଟ ଜାରି ହୋଇଛି । ନୂଆପଡା ,ବଲାଙ୍ଗୀର, ସୋନପୁର, ସମ୍ବଲପୁର, ଦେଓଗଡ଼, ଝାରସୁଗୁଡା ଓ ବରଗଡ଼ ୭ଟି ଜିଲ୍ଲାକୁ ବିଜୁଳି, ଘଡଘଡି ଓ ବର୍ଷା ସହ ୪୦ରୁ ୫୦ ଝଟକା ପବନ ଥିବା ବେଳେ ୟେଲୋ ୱାର୍ଣ୍ଣିଂ ଜାରି କରିଛି ବିଭାଗ । ଅବଶିଷ୍ଟ ୨୩ଟି ଜିଲ୍ଲାରେ ବଜ୍ରପାତ ସହ ବର୍ଷା ୫୦ରୁ ୬୦ କିମି ବର୍ଷା ସହ ଅରେଞ୍ଜ ଜାରି କରିଛି ପାଣିପାଗ ବିଭାଗ ।

ଆସନ୍ତାକାଲି ରାୟଗଡା, କୋରାପୁଟ ଓ କନ୍ଧମାଳ ଏହି ୩ଟି ଜିଲ୍ଲାରେ ପ୍ରବଳ ବର୍ଷା ସହ ରାୟଗଡା, କଳାହାଣ୍ଡି, ଗଞ୍ଜାମ, ଗଜପତି, କନ୍ଧମାଳ, ମାଲକାନଗିରି, ନବରଙ୍ଗପୁର, ବାଲେଶ୍ୱର, କଟକ, ଯାଜପୁର, ଜଗତସିଂହପୁର, ଭଦ୍ରକ, ମୟୂରଭଞ୍ଜ, କେନ୍ଦୁଝର ଏହି ୧୬ଟି ଜିଲ୍ଲରେ ବିଜୁଳି, ଘଡଘଡି ସହ ୫୦ରୁ ୬୦ କିମି ଝଟକା ପବନକୁ ନେଇ ଅରେଞ୍ଜ ଆଲର୍ଟ ଜାରି କରିଛି ବିଭାଗ । ଅବଶିଷ୍ଟ ୧୪ଟି ଜିଲ୍ଲାରେ ବିଜୁଳି, ଘଡଘଡି ବର୍ଷା ସହ ୪୦ରୁ ୫୦ ଝଟକା ପବନ ଥିବା ବେଳେ ୟେଲୋ ୱାର୍ଣ୍ଣିଂ ଜାରି କରିଛି ବିଭାଗ ।

ଉତ୍ତର-ପୂର୍ବ ଅଞ୍ଚଳ ପାଇଁ ସତର୍କତା ଜାରି:

ଆଜି ଅର୍ଥାତ ଜୁନ ୨୭ ତାରିଖରେ ଅରୁଣାଚଳ ପ୍ରଦେଶ, ମଣିପୁର, ଆସାମ ଏବଂ ମେଘାଳୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବା ପୂର୍ବାନୁମାନ କରିଛି ପାଣିପାଗ ବିଭାଗ । ଯାହା ଜୁଲାଇ ୧ ପର୍ଯ୍ୟନ୍ତ ଜାରି ରହିବ । କୃଷି ଏବଂ ଜଳଭଣ୍ଡାର ପୁନଃପୂରଣ ପାଇଁ ମୌସୁମୀ ଅତ୍ୟାବଶ୍ୟକ ହୋଇଥିଲେ ମଧ୍ୟ, ଆସାମ, ମେଘାଳୟ ଏବଂ ଅରୁଣାଚଳ ପ୍ରଦେଶରେ ପ୍ରବଳ ବର୍ଷାର ପୂର୍ବାନୁମାନ ବନ୍ୟା ଏବଂ ଭୂସ୍ଖଳନର ଆଶଙ୍କା ବଢ଼ାଇଥାଏ ।

ପଶ୍ଚିମ ଭାରତରେ ଝଡ଼ବର୍ଷା ହେବାର ସମ୍ଭାବନା ରହିଛି:

ଆଇଏମଡି ପୂର୍ବାନୁମାନ ଅନୁଯାୟୀ, ଜୁନ ୨୭ ତାରିଖରେ କୋଙ୍କଣ, ଗୋଆ ଏବଂ ମଧ୍ୟ ମହାରାଷ୍ଟ୍ରର କିଛି ସ୍ଥାନରେ ଝଡ଼ବର୍ଷା, ବିଜୁଳି ଏବଂ ଘଣ୍ଟାପ୍ରତି ୬୦ କି.ମି ବେଗରେ ପ୍ରବଳ ପବନ ବହିବ । ଏହି ପରିସ୍ଥିତି ବନ୍ୟା, ବିଦ୍ୟୁତ ବିଭ୍ରାଟ, ପରିବହନ ବାଧା ଏବଂ ସାଧାରଣ ଭିତ୍ତିଭୂମିକୁ କ୍ଷତି ପହଞ୍ଚାଇପାରେ ।

ସେହିପରି ଉତ୍ତର ବଙ୍ଗରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ ସତର୍କତା ଜାରି କରିଛି ପାଣିପାଗ ବିଭାଗ । ଯାହା ଏହି ଅଞ୍ଚଳରେ ମୌସୁମୀ ସମ୍ବନ୍ଧୀୟ ବିପର୍ଯ୍ୟୟର ଆଶଙ୍କା ବୃଦ୍ଧି କରିପାରେ । ଦାର୍ଜିଲିଂ ଏବଂ କାଲିମ୍ପଙ୍ଗର ପାହାଡିଆ ଜିଲ୍ଲାଗୁଡ଼ିକରେ ଭୂସ୍ଖଳନ ଏବଂ ଜଲପାଇଗୁଡ଼ି, କୁଚବିହାର ଏବଂ ଆଲିପୁରଦୁଆର ସମତଳ ଅଞ୍ଚଳରେ ବନ୍ୟା ସମ୍ଭାବନା ରହିଛି ।

ଆଜିଠାରୁ ତାମିଲନାଡୁ, ପୁଡୁଚେରୀ ଏବଂ କରିକାଲରେ ଏବଂ ଜୁନ୍ ୩୦ରୁ ଜୁଲାଇ ୧ ପର୍ଯ୍ୟନ୍ତ ଉତ୍ତର କର୍ଣ୍ଣାଟକରେ ବର୍ଷା ହେବାର ସମ୍ଭାବନା ରହିଥିବା ଆକଳନ କରିଛି ପାଣିପାଗ ବିଭାଗ । ଏହାସହ ବିଜୁଳି, ଘଡ଼ଘଡ଼ି ସହ ଝଟକା ପବନର ମଧ୍ୟ ପୂର୍ବାନୁମାନ କରିଛି ପାଣିପାଗ ବିଭାଗ । ଏହି ଅଞ୍ଚଳଗୁଡ଼ିକରେ ପବନର ବେଗ ଘଣ୍ଟାପ୍ରତି ୪୦-୫୦ କିଲୋମିଟରରୁ ୬୦ କିଲୋମିଟର ପର୍ଯ୍ୟନ୍ତ ବୃଦ୍ଧି ପାଇପାରେ । କେରଳ ଏବଂ ମାହେ ପାଇଁ ପ୍ରବଳ ବର୍ଷା ସତର୍କତା ଜାରି କରିଛି ଆଇଏମଡି ।

ଦିଲ୍ଲୀବାସୀଙ୍କୁ ପ୍ରବଳ ଗରମରୁ ମିଳିବ ଆଶ୍ୱସ୍ତି:

ଦିଲ୍ଲୀ ଏବଂ ଏନସିଆରରେ ଲୋକମାନେ ଖୁବ୍ ଶୀଘ୍ର ପ୍ରବଳ ଗରମରୁ କିଛି ଆଶ୍ୱସ୍ତି ପାଇବେ ବୋଲି ଆଶା କରାଯାଉଛି । ତଥାପି, ଆଇଏମଡି ଅନୁଯାୟୀ, ଦକ୍ଷିଣ-ପଶ୍ଚିମ ମୌସୁମୀ ବାୟୁର ଆଗମନ ବିଳମ୍ବ ହୋଇଛି । ଜୁନ୍ ୨୭ ତାରିଖରେ ପୂର୍ବରୁ ଆଶା କରାଯିବା ପରେ ଜୁଲାଇ ପ୍ରଥମ ସପ୍ତାହରେ ମୌସୁମୀ ଦିଲ୍ଲୀରେ ପହଞ୍ଚିବ ବୋଲି ଆଶା କରାଯାଉଛି । ସେପର୍ଯ୍ୟନ୍ତ, ସହରରେ ହାଲୁକା ଝଡ଼ ଏବଂ ପ୍ରବଳ ପବନ ସହିତ ପ୍ରାକ୍ ମୌସୁମୀ ପାଗ ଅନୁଭୂତ ହେବ । ଏହି ପରିସ୍ଥିତି ତାପମାତ୍ରା ହ୍ରାସ କରିବ ଏବଂ ଗରମରୁ କିଛି ଆଶ୍ୱସ୍ତି ଆଣିବ ବୋଲି ଆଶା କରାଯାଉଛି । ବର୍ଷାର ଅପଡେଟ୍ ପାଇଁ, ଆଇଏମଡି ଶନିବାର ସନ୍ଧ୍ୟାରେ ଆଂଶିକ ମେଘୁଆ ଆକାଶ ଏବଂ ବହୁତ ହାଲୁକା ବର୍ଷା ହେବାର ପୂର୍ବାନୁମାନ କରିଛି ।

ପାଣିପାଗ ବିଶେଷଜ୍ଞ ରାଜେଶ ପାଉଲ୍ କହିଛନ୍ତି ଯେ, ଦିଲ୍ଲୀରେ ଯେପର୍ଯ୍ୟନ୍ତ ମୌସୁମୀ ଆରମ୍ଭ ନ ହୋଇଛି, ସେପର୍ଯ୍ୟନ୍ତ ଲୋକମାନେ ଗରମ ଅନୁଭବ କରିବେ । ଦିଲ୍ଲୀରେ ଖୁବ୍ ଶୀଘ୍ର ମୌସୁମୀ ପହଞ୍ଚିବ । ଜୁନ୍ ଶେଷ ସୁଦ୍ଧା କିମ୍ବା ଯଦି ବିଳମ୍ବ ଜାରି ରହେ, ତେବେ ଜୁଲାଇର ପ୍ରଥମ ସପ୍ତାହ ସୁଦ୍ଧା ମୌସୁମୀ ଛୁଇଁପାରେ ।

ପାଣିପାଗ ବିଭାଗ ଅନୁଯାୟୀ, ପଶ୍ଚିମ ଉତ୍ତର ପ୍ରଦେଶ ଏବଂ ଓଡ଼ିଶାରେ ଆଜି ଗ୍ରୀଷ୍ମ ପ୍ରବାହ ହୋଇପାରେ । କୋମୋରିନ୍ ଅଞ୍ଚଳ ନିକଟବର୍ତ୍ତୀ ମନ୍ନାର ଉପସାଗର, ଦକ୍ଷିଣ ଶ୍ରୀଲଙ୍କା ନିକଟବର୍ତ୍ତୀ ଦକ୍ଷିଣ-ପଶ୍ଚିମ ବଙ୍ଗୋପସାଗରର କିଛି ଅଂଶ ଏବଂ ଲକ୍ଷଦ୍ୱୀପ ଆଖପାଖ ଅଞ୍ଚଳକୁ ନଯିବା ପାଇଁ ଆଇଏମଡି ମତ୍ସ୍ୟଜୀବୀମାନଙ୍କୁ ସତର୍କ କରାଇଛି ।