ନୂଆବର୍ଷରେ ଜାଡ଼, ଘନ କୁହୁଡ଼ି ବଳୟରେ ରାଜଧାନୀ ଭୁବନେଶ୍ବର

Dense Fog In Bhubaneswar ଭୁବନେଶ୍ବର: ନୂଆବର୍ଷରେ ଶୀତ ଲହରୀରେ ଥରିଲା ସମଗ୍ର ରାଜ୍ୟ । ନବବର୍ଷରେ ଘନ କୁହୁଡ଼ିର ବଳୟରେ ରାଜଧାନୀ ଭୁବନେଶ୍ବର । ଯାତାୟତ ସମୟରେ ଦିଶୁନି ମୁହଁକୁ ମୁହଁ । ଆଗାମୀ 4 ଦିନ ପାଇଁ ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି ହେବାକୁ ନେଇ ପାଣିପାଗ ବିଭାଗ ୟେଲୋ ଏବଂ ଅରେଞ୍ଜ ୱାର୍ଣ୍ଣିଂ ଜାରି କରିଛି । 2025 ମସିହାର ଶେଷ ଦିନରେ ଜି. ଉଦୟଗିରିରେ ସର୍ବନିମ୍ନ ତାପମାତ୍ରା 4.3 ରେକର୍ଡ କରାଯାଇଥିଲା । ଆଗାମୀ 24 ଘଣ୍ଟାରେ 14ଟି ଜିଲ୍ଲାକୁ ଘନ କୁହୁଡ଼ି ପାଇଁ ୟେଲୋ ୱାର୍ଣ୍ଣିଂ ଦିଆଯାଇଥିବା ବେଳେ 3ଟି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ (ଆଇଏମଡି) ।

ବର୍ତ୍ତମାନ ରାଜ୍ୟ ଉପରେ କୌଣସି ପାଣିପାଗ ନିୟାମକ ସକ୍ରିୟ ନାହିଁ । ତେଣୁ ଆଗାମୀ ୭ ଦିନ ପର୍ଯ୍ୟନ୍ତ ଶୁଖିଲା ପାଗ ରହିବ । ୨ରୁ ୩ ଦିନ ପରେ ଦିନ ତାପମାତ୍ରା ୨ ରୁ ୩ ଡିଗ୍ରୀ ବୃଦ୍ଧି ହେବାର ସମ୍ଭାବନା ରହିଛି । ଏହା ପରେ ଶୀତ ସାମାନ୍ୟ କମ୍ ଅନୁଭବ ହେବ ବୋଲି ଆକଳନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ।

ୟେଲୋ ଓ ଅରେଞ୍ଜ ୱାର୍ଣ୍ଣିଂ ଜାରି:

ଆଗାମୀ 24 ଘଣ୍ଟା ପାଇଁ ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଭଦ୍ରକ, ବାଲେଶ୍ବର, ଅନୁଗୋଳ, ଢେଙ୍କାନାଳ, ଯାଜପୁର, କଟକ, ଖୋର୍ଦ୍ଧା, ନୟାଗଡ଼, କନ୍ଧମାଳ, ଗଞ୍ଜାମ, ଗଜପତି ଆଦି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଆଗାମୀ ଦିନରେ ରହିଥିବା ୱାର୍ଣ୍ଣିଂ ବିଷୟରେ ଦିଆଯାଇଛି ।

ଶୀତ ଲହରୀରେ ଥରିଲା ସମଗ୍ର ରାଜ୍ୟ (ETV Bharat Odisha)

ଘନ କୁହୁଡ଼ି (ETV Bharat Odisha)

2025 ମସିହାର ଶେଷ ଦିନରେ ଜି . ଉଦୟଗିରିରେ ସର୍ବନିମ୍ନ ତାପମାତ୍ରା 4.3 ରେକର୍ଡ କରାଯାଇଛି । ଏହା ସହିତ ଫୁଲବାଣୀରେ 6 ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଗତ 24 ଘଣ୍ଟାରେ ରାଜ୍ୟର କିଛି ସ୍ଥାନରେ ପାରଦ 10 ଡିଗ୍ରୀ ତଳେ ରହିଥିଲା । ଆଗାମୀ 24 ଘଣ୍ଟାରେ ସର୍ବନିମ୍ନ ତାପମାତ୍ରା ପାଇଁ ଏହି ଜିଲ୍ଲାଗୁଡିକୁ ୱାର୍ଣ୍ଣିଂ ଦେଇଛି ପାଣିପାଗ ବିଭାଗ ...

• ଫୁଲବାଣୀ- 6 ଡିଗ୍ରୀ
• ଝାରସୁଗୁଡା- 6 ଡିଗ୍ରୀ
• ରାଉରକେଲା- 7 ଡିଗ୍ରୀ
• ସୁନ୍ଦରଗଡ଼- 8 ଡିଗ୍ରୀ
• କୋରାପୁଟ- 8 ଡିଗ୍ରୀ
• ନବରଙ୍ଗପୁର- 8 ଡିଗ୍ରୀ
• ଭବାନୀପାଟଣା- 9 ଡିଗ୍ରୀ
• ସୋନପୁର- 9 ଡିଗ୍ରୀ
• ବୌଦ୍ଧ- 10 ଡିଗ୍ରୀ
• ଅନୁଗୋଳ- 10 ଡିଗ୍ରୀ
• କେନ୍ଦୁଝର- 10 ଡିଗ୍ରୀ
• ବାରିପଦା- 10 ଡିଗ୍ରୀ

ସାରା ରାଜ୍ୟରେ ଘନ କୁହୁଡ଼ି ଦୃଶ୍ୟମାନ ହେଉଛି । ଏନେଇ ଦୃଶ୍ୟମାନ କ୍ଷମତା କେତେକ ସ୍ଥାନରେ 200 ମିଟରରୁ କମ୍ ରହିଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି । ଘନ କୁହୁଡ଼ି ସମୟରେ ସତର୍କତାର ସହିତ ଯାତାୟତ କରିବା ଆବଶ୍ୟକ । ଏନେଇ ସତର୍କତା ଅବଲମ୍ବନ କରିବା ଜରୁରୀ ଅଟେ ।

ଇଟିଭି ଭାରତ, ଭୁବନେଶ୍ବର