ମୁସ୍ତାଫିଜୁର ରହମାନଙ୍କୁ ରିଲିଜ କରିବ KKR, ନିର୍ଦ୍ଦେଶ ଦେଲା BCCI
ଆଇପିଏଲ 2026ରେ ସାମିଲ ହୋଇପାରିବେନି ବାଂଲାଦେଶର ପେସ ବୋଲର ମୁସ୍ତାଫିଜୁର ରହମାନ ।
Published : January 3, 2026 at 1:47 PM IST
|Updated : January 3, 2026 at 2:37 PM IST
ହାଇଦ୍ରାବାଦ: କୋଲକାତା ନାଇଟ ରାଇଡର୍ସ ଦଳରେ ବାଂଲାଦେଶର ଦ୍ରୁତ ବୋଲର ମୁସ୍ତାଫିଜୁର ରହମାନଙ୍କୁ ସାମିଲ କରିବା ନେଇ ଉପୁଜିଥିବା ବିବାଦ ମଧ୍ୟରେ ବିସିସିଆଇ ବଡ ନିଷ୍ପତ୍ତି ନେଇଛି । ଫ୍ରାଞ୍ଚାଇଜ ମାଲିକ ଶାହାରୁଖ ଖାନଙ୍କୁ ଆଗାମୀ ଆଇପିଏଲ ସିଜନ ପୂର୍ବରୁ ଏହି ବାଂଲାଦେଶ ଖେଳାଳିଙ୍କୁ ମୁକ୍ତ କରିବାକୁ ଅନୁରୋଧ କରିଛି ବିସିସିଆଇ । ଦେଶରେ ବାଂଲାଦେଶ ବିରୋଧୀ ଭାବନାକୁ ଦୃଷ୍ଟିରେ ରଖି ବିସିସିଆଇ ଏପରି ନିଷ୍ପତ୍ତି ନେଇଛି ।
#WATCH | Guwahati | BCCI secretary Devajit Saikia says, " due to the recent developments that are going on all across, bcci has instructed the franchise kkr to release one of their players, mustafizur rahman of bangladesh, from their squad and bcci has also said that if they ask… pic.twitter.com/53oxuRcmZp
— ANI (@ANI) January 3, 2026
ବିସିସିଆଇ ସଚିବ ଦେବଜିତ ସାଇକିଆ କହିଛନ୍ତି "ସାମ୍ପ୍ରତିକ ଘଟଣାକ୍ରମକୁ ନଜରରେ ରଖି ବିସିସିଆଇ ଆଇପିଏଲ ଫ୍ରାଞ୍ଚାଇଜ କେକେଆରକୁ ନିର୍ଦ୍ଦେଶ ଦେଇଛି ଯେ ମୁସ୍ତାଫିଜୁର ରହମାନ ଦଳରୁ ମୁକ୍ତ କରିବାକୁ । ତାଙ୍କୁ ରିଲିଜ କରାଯିବା ପରେ ଯଦି କେକେଆର ତରଫରୁ ଆଉ ଜଣେ ଖେଳାଳି ସାମିଲ କରିବାକୁ ଅନୁରୋଧ ଆସେ ତାହା ମଧ୍ୟ କରାଯିବ । "
ବିଶେଷସୁତ୍ର ଅନୁଯାୟୀ, ବିବାଦ ପରେ ମଧ୍ୟ କେକେଆର ବାଂଲାଦେଶୀ ଦ୍ରୁତ ବୋଲର ମୁସ୍ତାଫିଜୁର ରହମାନଙ୍କୁ ରିଲିଜ କରିବାକୁ ପ୍ରସ୍ତୁତ ନଥିଲା । ଯାହା ଫଳରେ ବିସିସିଆଇ ଏପରି ପଦକ୍ଷେପ ନେବାକୁ ବାଧ୍ୟହେଲା । ଯଦିଓ କେକେଆର ବର୍ତ୍ତମାନ ସୁଦ୍ଧା ବିସିସିଆଇର ନିଷ୍ପତ୍ତି ଉପରେ କୌଣସି ବିବୃତ୍ତି ରଖିନାହିଁ, ତଥାପି ମାର୍ଚ୍ଚ 26ରୁ ଆଇପିଏଲ ଆରମ୍ଭ ହେବା ପୂର୍ବରୁ ଫ୍ରାଞ୍ଚାଇଜ ରହମାନଙ୍କୁ ରିଲିଜ କରିବ ବୋଲି ଆଶା କରାଯାଉଛି ।
ଡିସେମ୍ବର 16 ତାରିଖରେ ଦୁବାଇରେ ଅନୁଷ୍ଠିତ ଆଇପିଏଲ ନିଲାମରେ ମୁସ୍ତାଫିଜୁର ରହମାନଙ୍କ ବେଶ ଫ୍ରାଇସ ରହିଥିଲା 2 କୋଟି ଟଙ୍କା । ରହମାନଙ୍କୁ ନେବାକୁ ଚେନ୍ନାଇ ସୁପର କିଙ୍ଗ୍ସ ଓ ଦିଲ୍ଲୀ କ୍ୟାପିଟାଲ୍ସକୁ କଡା ଟକ୍କର ଦେଇ 9.20 କୋଟି ଟଙ୍କାରେ କିଣିଥିଲା କୋଲକାତା ନାଇଟ ରାଇର୍ଡ୍ସ ।
ବାଂଲାଦେଶରେ ଜଣେ ହିନ୍ଦୁ ବ୍ୟକ୍ତିଙ୍କୁ ହତ୍ୟା ଘଟଣା ପରେ ଦୁଇ ଦେଶ ମଧ୍ୟରେ କୁଟନୈତିକ ବିବାଦ ଜାରି ରହିଛି । ଏହାରି ମଧ୍ୟରେ ବାଂଲାଦେଶ କ୍ରିକେଟର ମୁସ୍ତାଫିଜୁରଙ୍କ ଆଇପିଏଲରେ ଅଂଶଗ୍ରହଣକୁ ନେଇ ବିସିସିଆଇ ଉପରେ ଚାପ ବୃଦ୍ଧି ପାଉଥିଲା। ଫ୍ରାଞ୍ଚାଇକୁ ମଧ୍ୟ ସମାଲୋଚନାର ଶିକାର ହେବାକୁ ପଡିଥିଲା । ଶେଷରେ ଏଥିରେ ପୂର୍ଣ୍ଣଚ୍ଛେଦ ପଡିଛି ।
ମୁସ୍ତାଫିଜୁର ରହମାନ 2016ରେ ସନରାଇଜର୍ସ ହ୍ରାଇଦବାଦ ଟିମ୍ରେ ଆଇପିଏଲରେ ଡେବ୍ୟୁ କରିଥିଲେ । ପୁରା ସିଜିନରେ 16 ମ୍ୟାଚ ଖେଳି 17ଟି ଓ୍ବିକେଟ ନେଇଥିଲେ । ସେହିପରି 2018ରେ ମୁମ୍ବାଇ ଇଣ୍ଡିଆନ୍ସ, 2021ରେ ରାଜସ୍ଥାନ ରୟାଲ୍ସ, 2022-23ରେ ଦିଲ୍ଲୀ କ୍ୟାପିଟାଲ୍ସ, 2024ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିଥିଲେ । ଆଇପିଏଲ କ୍ୟାରିୟରେ ମୋଟ 60ଟି ମ୍ୟାଚ ଖେଳି 65 ଟି ଓ୍ବିକେଟ ନେଇଛନ୍ତି ମୁସ୍ତାଫିଜୁର ।
ଏହା ମଧ୍ୟ ପଢନ୍ତୁ-କାଶ୍ମୀରୀ କ୍ରିକେଟରଙ୍କ ହେଲମେଟରେ ପାଲେଷ୍ଟାଇନ ଫ୍ଲାଗ୍; ପୋଲିସର ଛାନଭିନ୍
