ପୁଣି ରାଜଧାନୀରେ ଅଗ୍ନିକାଣ୍ଡ; ଲୋକାୟୁକ୍ତଙ୍କ କାର୍ଯ୍ୟାଳୟରେ ଲାଗିଲା ନିଆଁ, ପାଉଁଶ ହୋଇଗଲା ଜରୁରୀ ଦସ୍ତାବିଜ୍
ଲୋକାୟୁକ୍ତଙ୍କ କାର୍ଯ୍ୟାଳୟର ଥିବା ଅନେକ ଜରୁରୀ କାଗଜପତ୍ର ଜଳି ଯାଇଛି । ସର୍ଟ ସର୍କିଟରୁ ନିଆଁ ଲାଗିଥିବା ଅନୁମାନ କରାଯାଉଛି । ନିଆଁ ଆୟତ୍ତ କରିବାକୁ ଅଗ୍ନିଶମ ବାହିନୀର ପ୍ରୟାସ ।
Published : February 26, 2026 at 12:05 PM IST
|Updated : February 26, 2026 at 1:56 PM IST
FIRE ACCIDENT LOKAYUKTA OFFICE, ଭୁବନେଶ୍ବର: ରାଜଧାନୀ ଭୁବନେଶ୍ବରର ଧଉଳି ଥାନା ଅନ୍ତର୍ଗତ ନୂଆଗାଁ ଛକ ନିକଟ ମୁଖ୍ୟରାସ୍ତା ପାର୍ଶ୍ଵରେ ଥିବା ଏସପି ଗ୍ରୁପ୍ ସୁପର ମାର୍ଟରେ ଭୟଙ୍କର ଅଗ୍ନିକାଣ୍ଡ ଘଟଣା ମନରୁ ଲିଭିନି । ପୁଣି ରାଜଧାନୀରେ ଘଟିଛି ଆଉ ଏକ ଅଗ୍ନିକାଣ୍ଡ । ଭୁବନେଶ୍ୱର ତୋଷାଳୀ ଭବନସ୍ଥିତ ବି-୨ ତଳ ମହଲାରେ ଥିବା ଓଡ଼ିଶା ଲୋକୟୁକ୍ତଙ୍କ କାର୍ଯ୍ୟାଳୟରେ ଆଜି (ଗୁରୁବାର) ସକାଳ ପ୍ରାୟ ୧୦ଟା ସମୟରେ ନିଆଁ ଲାଗି ଯାଇଥିବା ଜଣାପଡ଼ିଛି।
ଜରୁରୀ କାଗଜପତ୍ର ଜଳିପୋଡି ପାଉଁଶ
ଅଗ୍ନିକାଣ୍ଡରେ ଲୋକୟୁକ୍ତଙ୍କ କାର୍ଯ୍ୟାଳୟର ରେକର୍ଡ ରୁମରେ ବ୍ୟାପକ କ୍ଷୟକ୍ଷତି ହୋଇଛି। କିଛି ସଲିଂ ଓ ରେକ୍ ପୋଡି ଯାଇଥିବା ବେଳେ ଏକ କମ୍ପ୍ୟୁଟର ଓ ଏସି ମଧ୍ୟ କ୍ଷତିଗ୍ରସ୍ତ ହୋଇଛି। ସବୁଠୁ ବଡ଼ କଥା ହେଉଛି, ନିଆଁରେ ଅନେକ ଜରୁରୀ କାଗଜପତ୍ର ଜଳିପୋଡି ପାଉଁଶ ହୋଇଯାଇଛି। ଆଉ କିଛି ଦସ୍ତାବିଜ୍ ଅଧାପୋଡା ଅବସ୍ଥାରେ ରୁମ ଭିତରେ ପଡି ରହିଛି। ପାଣି ମାଡ଼ରେ ସେଗୁଡିକ ଓଦା ହୋଇ ନଷ୍ଟ ହୋଇଯାଇଛି। ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ତୁରନ୍ତ ଆୟତ୍ତ କରିବାରେ ସଫଳ ହୋଇଛି। ଏହି ଅଘଟଣରେ ଲୋକୟୁକ୍ତଙ୍କ କାର୍ଯ୍ୟାଳୟର କୌଣସି କର୍ମଚାର କିମ୍ବା ଅଧିକାରୀ ଆହତ ହୋଇନାହାନ୍ତି। ତେବେ ସୌଭାଗ୍ୟବଶଃତ କମ ସମୟ ମଧ୍ୟରେ ନିଆଁ ଆୟତ୍ତ କରାଯାଇଥିବାରୁ ବଡ଼ କ୍ଷତିକୁ ଅଟକା ଯାଇପାରିଛି। ସୁରକ୍ଷାକୁ ନଜରରେ ରଖି ଖାରବେଳନଗର ଥାନାଧିକାରୀ ରଜନୀକାନ୍ତ ମିଶ୍ର ପୋଲିସ ଟିମ୍ ସହ ଘଟଣାସ୍ଥଳରେ ଜଗି ରହିଥିଲେ। ତେବେ ଦିନର ଡ୍ୟୁଟି ଆରମ୍ଭରୁ ଅଗ୍ନିକାଣ୍ଡ ଘଟିଥିବାରୁ ତୋଷାଳି ଭବନ ପରିସରରେ କର୍ମଚାରୀ ଓ ଅଫିସରଙ୍କ ଭିଡ଼ ଦେଖିବାକୁ ମିଳିଥିଲା।
କଣ କହିଲେ ଆସିଷ୍ଟାଣ୍ଟ ଫାୟାର ଅଫିସର....
ଇଟିଭି ଭାରତ, ଭୁବନେଶ୍ବର
ଏହା ମଧ୍ୟ ପଢନ୍ତୁ 21 ଘଣ୍ଟା ପରେ ଲିଭିଲା ଲିଙ୍ଗିପୁର ସୁପରମାର୍ଟ ନିଆଁ, ସ୍ଥିତି ନିୟନ୍ତ୍ରଣ ନେଇ ସୂଚନା ଦେଲେ ଅଗ୍ନିଶମ ଡିଜି
ଏହା ମଧ୍ୟ ପଢନ୍ତୁ ସୁପରମାର୍ଟ ଅଗ୍ନିକାଣ୍ଡ ଘଟଣା; ୪୦ ଘଣ୍ଟା ପରେ ବି କୁହୁଳୁଛି ଧୂଆଁ, ୪ କୋଟିରୁ ଊର୍ଦ୍ଧ୍ୱ ଟଙ୍କାର କ୍ଷତି
