ପ୍ରତିଷ୍ଠା ଦିବସରେ ନବୀନଙ୍କ ପ୍ରତିଶ୍ରୁତି, '100 ବର୍ଷ ପର୍ଯ୍ୟନ୍ତ ଓଡି଼ଶାବାସୀଙ୍କ ସ୍ୱର ହୋଇ ରହିବ BJD'
ଶଙ୍ଖ ଭବନରେ ଆୟୋଜିତ ହୋଇଛି ବିଜେଡିର ୨୯ ତମ ପ୍ରତିଷ୍ଠା ଦିବସ । କାର୍ଯ୍ୟକ୍ରମରେ ସାମିଲ ହୋଇ ବିଜେପି ସରକାଙ୍କୁ ଟାର୍ଗେଟ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ଦଳର ସଭାପତି ନବୀନ ପଟ୍ଟନାୟକ ।
Published : December 26, 2025 at 7:31 PM IST
|Updated : December 26, 2025 at 8:43 PM IST
ଭୁବନେଶ୍ବର: "ବିଜୁ ଜନତା ଦଳ ଦେଶର ଏକ ସଫଳ ଆଞ୍ଚଳିକ ଦଳ । ବିଜେଡି ଓଡିଶା ବାସୀଙ୍କ ଦଳ । ବିଜେଡି ଏକ ଜନ ଆନ୍ଦୋଳନ । ଓଡିଶାବାସୀଙ୍କ ସ୍ୱାଭିମାନ ଓ ଆଶା, ଆକାଂକ୍ଷା ସହ ବିଜେଡି ଜଡିତ । ଆଗାମୀ ଶହେ ବର୍ଷ ପର୍ଯ୍ୟନ୍ତ ବିଜେଡି ଓଡି଼ଶାବାସୀଙ୍କ ସ୍ୱର ହୋଇ ରହିବ । ବର୍ତ୍ତମାନର ଆହ୍ୱାନକୁ ଭବିଷ୍ୟତ ପାଇଁ ସୁଯୋଗରେ ପରିଣତ କରିବାକୁ ପଡିବ ।" ଏହି ଆହ୍ୱାନ ଦେଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ । ସେହିପରି ବିଜେପିକୁ ଟାର୍ଗେଟ କରି ରାଜ୍ୟରେ ଏବେ ସରକାର ଥିବା ପରି ଅନୁଭବ ହେଉ ନାହିଁ ବୋଲି ନବୀନ କହିଛନ୍ତି ।
'ଆଗାମୀ ଶହେ ବର୍ଷ ପର୍ଯ୍ୟନ୍ତ ବିଜେଡି ଓଡି଼ଶା ବାସୀଙ୍କ ସ୍ୱର ହୋଇ ରହିବ'
ଶଙ୍ଖ ଭବନରେ ଆଜି ଆୟୋଜିତ ହୋଇଛି ବିଜୁ ଜନତା ଦଳ ୨୯ ତମ ପ୍ରତିଷ୍ଠା ଦିବସ । ରାଜ୍ୟସ୍ତରୀୟ କାର୍ଯ୍ୟକ୍ରମ ବିପୁଳ ଉତ୍ସାହ ସହ ପାଳିତ ହୋଇଛି । କାର୍ଯ୍ୟକ୍ରମରେ ସାମିଲ ହୋଇଥିଲେ ପୂର୍ବତନ ମୁଖ୍ୟମନ୍ତ୍ରୀ ତଥା ଦଳର ସଭାପତି ନବୀନ ପଟ୍ଟନାୟକ । ନବୀନ କହିଛନ୍ତି, "ଗଣତନ୍ତ୍ରରେ ହାରଜିତ ରହିଛି । କିନ୍ତୁ କିଛି ଲୋକ ଓ କିଛି ଦଳ ଏବେ ବିଜେଡିକୁ ନେଇ ଅପପ୍ରଚାର କରୁଛନ୍ତି । ବିଜେଡି ଭାଙ୍ଗି ଯିବ ଇତ୍ୟାଦି ନାନା ଗୁଜବ ମଧ୍ୟ ସୃଷ୍ଟି କରାଯାଉଛି । କିନ୍ତୁ ସେମାନେ ଜାଣି ରଖିବା ଉଚିତ ବିଜେଡି ଓଡ଼ିଶାବାସୀଙ୍କ ଦଳ । ସାଢେ ଚାରି କୋଟି ଓଡି଼ଶାବାସୀଙ୍କ ଆଶା ଆକାଂକ୍ଷା ଓ ସ୍ୱାଭିମାନ ସହ ବିଜେଡି ଜଡିତ । ବିଜେଡି ରହିଛି । ଆଗାମୀ ଶହେ ବର୍ଷ ପର୍ଯ୍ୟନ୍ତ ବିଜେଡି ଓଡି଼ଶାବାସୀଙ୍କ ସ୍ୱର ହୋଇ ରହିବ । ବିଜୁ ଜନତା ଦଳ ଏକ ସଫଳ ଆଞ୍ଚଳିକ ଦଳ ।
'ଓଡି଼ଶାକୁ ବିଜେଡି ସରକାର ନୂଆ ପରିଚୟ ଦେଇଛି'
ବିଜୁ ଜନତା ଦଳ ଏକ ଜନ ଆନ୍ଦୋଳନ- ଓଡ଼ିଆଙ୍କ ଆଶା ଓ ଗୌରବର। ବିଜେଡି ରହିଛି, ଓଡ଼ିଶାବାସୀଙ୍କ ସ୍ୱର ହୋଇ ରହିବ।
— Biju Janata Dal (@bjd_odisha) December 26, 2025
ବିଜେଡି ପାଳୁଛି ୨୯ତମ ପ୍ରତିଷ୍ଠା ଦିବସ।#BJD4Odisha#BJDWithOdisha pic.twitter.com/Xdyzb9rcmh
ବିଜେପିକୁ ନବୀନଙ୍କ ଟାର୍ଗେଟ:
ଚାଷୀଠାରୁ ଆରମ୍ଭ କରି ମହିଳା, ଯୁବ ସମସ୍ତେ ହତାଶ ଓ ନିରାଶ, ଆଇନଶୃଙ୍ଖଳା ବିପର୍ଯ୍ୟସ୍ତ।
— Biju Janata Dal (@bjd_odisha) December 26, 2025
ବିଜେଡି ପାଳୁଛି ୨୯ତମ ପ୍ରତିଷ୍ଠା ଦିବସ।#BJD4Odisha#BJDWithOdisha pic.twitter.com/dXpt7oNN8F
'ଦଳ ବିରୁଦ୍ଧରେ ଚାଲିଥିବା ଅପପ୍ରଚାରର ଫଳପ୍ରଦ ମୁକାବିଲା କରନ୍ତୁ'
ବିତର୍କ ପାଇଁ ନବୀନଙ୍କୁ ଆହ୍ବାନ କଲେ ସୁରେଶ ପୂଜାରୀ:
ଅନ୍ୟପଟେ ନବୀନଙ୍କ ଟାର୍ଗେଟର କଡା କାଉଣ୍ଟର କରିଛନ୍ତି ରାଜସ୍ବମନ୍ତ୍ରୀ ସୁରେଶ ପୂଜାରୀ । ବିତର୍କ ପାଇଁ ନବୀନଙ୍କୁ ଆହ୍ବାନ କରିଛନ୍ତି । " ନବୀନ ବାବୁ ଆଇନ ଶୃଙ୍ଖଳା ପରିସ୍ଥିତି କଥା ଯଦି କହୁଛନ୍ତି ତାହେଲେ ଗୃହରେ ମୂଲତବି ପ୍ରସ୍ତାବ ଆଣନ୍ତୁ । ସରକାର ଆଲୋଚନା ପାଇଁ ପୁରା ତୟାର, ବିଜେପି ଜନ ସେବାରେ ବ୍ୟସ୍ତ ଅଛି ବିଜେଡିକୁ ଭାଙ୍ଗିବାକୁ ଚେଷ୍ଟା କରିନି । ବିଜେଡି କିନ୍ତୁ ମେଣ୍ଟ ଭାଙ୍ଗିବା ବେଳେ ବିଜେପିକୁ ଭାଙ୍ଗିବାକୁ ବହୁତ ଚେଷ୍ଟା କରିଥିଲା । କ୍ଷମତା ଯିବା ପରେ ତାଙ୍କର ଅନେକ ନେତା ବିଜେପି ଯୋଗାଯୋଗରେ ଅଛନ୍ତି । ସେଥିରେ ବିଜେପିର ଭୁଲ କଣ ? ତୁମେ ତୁମ ନେତାଙ୍କୁ ରଖି ପାରୁନ ।
ବିଜେଡି ଚାଷୀଙ୍କୁ 100 ଟଙ୍କା ଦେଇ ପାରିଲେନି ଆମେ 800 ଦେଲୁ । ମହିଳାକୁ ବର୍ଷକୁ 10 ହଜାର ଦେଲୁ । ନବୀନ ଯଦି କହୁଛନ୍ତି ବିଜେଡି ଲୋକଙ୍କ ହୃଦୟରେ ଅଛି, ତାହେଲେ ଛବିରାଣୀ ଏବଂ ବେବିନା ହୃଦୟରେ ରହି ପାରିବେ କି ବୋଲି ପ୍ରଶ୍ନ କରିଛନ୍ତି ସୁରେଶ ପୂଜାରୀ । ବିଜେପି କେବେ ବିଜେଡିକୁ ଭାଙ୍ଗିବାକୁ ଚେଷ୍ଟା କରିନି । ସେମାନଙ୍କ ନେତା ଆମ ଯୋଗାଯୋଗରେ ଅଛନ୍ତି । ତାହେଲେ ଆମେ କଣ କରିବୁ । କ୍ଷମତା ହେଉଛି ଫେବିକଲ, ଯାହା ଚାଲିଗଲେ ସବୁ ଭାଙ୍ଗିଯାଏଁ, ସେମାନେ ତାଙ୍କ ନେତା କର୍ମୀଙ୍କୁ ବିଶ୍ଵାସ ଦିଅନ୍ତୁ , ନବୀନ ସବୁବେଳେ ନେତାଙ୍କୁ ମାରିଛନ୍ତି, କେବେ କାହାକୁ ତିଆରି କରି ନାହାନ୍ତି ।"
ଏହା ମଧ୍ୟ ପଢନ୍ତୁ-ଭଦ୍ରକ ବିଜେଡିରେ ହଇଚଇ; ପଦ୍ମ ଧରିପାରନ୍ତି ମଣ୍ଡଳ ଦମ୍ପତି, ଚର୍ଚ୍ଚାକୁ ଖଣ୍ଡନ କଲେ ମୁକ୍ତିକାନ୍ତ
ଏହା ମଧ୍ୟ ପଢନ୍ତୁ-ବିଜେଡି 29ତମ ପ୍ରତିଷ୍ଠା ଦିବସ; ବିଜେପି ସରକାର ବିଫଳତାକୁ ଲୋକଙ୍କ ପାଖକୁ ନେବ ଟିମ୍ ନବୀନ
ଇଟିଭି ଭାରତ, ଭୁବନେଶ୍ବର
