ମାଦୁରୋଙ୍କ ବହିଷ୍କାର ପରେ ଭେନେଜୁଏଲାର ମଧ୍ୟବର୍ତ୍ତୀକାଳୀନ ରାଷ୍ଟ୍ରପତି ଭାବେ ଶପଥ ନେଲେ ଡେଲସି ରୋଡ୍ରିଗୁଏଜ

କାରାକସ: ଭେନଜୁଆଲା ରାଷ୍ଟ୍ରପତି ନିକୋଲାସ ମାଦୁରୋଙ୍କୁ ଆମେରିକାୟ ସେନା ଉଠାଇ ନେବା ପରେ ତାଙ୍କୁ ନ୍ୟୁୟର୍କ କୋର୍ଟରେ ହାଜର କରାଇଛି । ଏହି ଘଟଣାର ଦୁଇଦିନ ପରେ ସୋମବାର ଭେନଜୁଏଲା ସଂସଦ ଡେଲସି ରୋଡ୍ରିଗୁଏଜଙ୍କୁ ମଧ୍ୟବର୍ତ୍ତୀକାଳୀନ ରାଷ୍ଟ୍ରପତି ଭାବେ ଶପଥ ପାଠ କରାଇଛି ।

'ଯାହା କରିବି ଭେନଜୁଆଲାବାସୀଙ୍କ ପାଇଁ କରିବି'

ଭେନଜୁଏଲା ନାଶନାଲ ଆସେମ୍ବ୍ଲିରେ ଆୟୋଜିତ ଏକ ସମାରୋହରେ ଶପଥ ଗ୍ରହଣ କରି ରୋଡ୍ରିଗୁଏଜ ୱାସିଂଟନକୁ ସହଯୋଗ କରିବାର ସୂଟନା ଦେଇ ସାଂସଦ ମାନଙ୍କୁ କହିଛନ୍ତି, ସେ ଯାହା କରିବେ ଭେନଜୁଆଲାବାସୀଙ୍କ ପାଇଁ କରିବେ । ସେ କହିଛନ୍ତି, ଆମର ହିରୋ ଯାହାଙ୍କୁ ଅପହରଣ କରାଯାଇଛି ସେମାନଙ୍କ ପାଇଁ ମୁଁ ଖୁବ ଦୁଃଖିତ । ତାଙ୍କୁ ଆମେରିକାରେ ବନ୍ଧକ ରଖାଯାଇଛି । ଭେନଜୁଏଲାର କେତେକ ଅଧିକାରୀଙ୍କ ସମେତ ମଦୁରାଓ ଏବଂ ତାଙ୍କ ପତ୍ନୀ ସିଲିଆ ଫ୍ଲୋରେସଙ୍କ ବିରୋଧରେ ନ୍ୟୁୟର୍କ ଡ୍ରଗ୍ସ କାରବାର ଅଭିଯୋଗ ଆଣିଛି ।

ଭେନଜୁଏଲା ସଂସଦ ବାମପନ୍ଥୀ ନେତା ମାଦୁରୋଙ୍କ ଗିରଫଦାରୀକୁ ଦୃଢ ନିନ୍ଦା କରିବା ସହ ରୋଡ୍ରିଗୁଏଜଙ୍କୁ ସମର୍ଥନ କରିବାର ପ୍ରତିଶ୍ରୁତି ଦେଇଛି । ଏହି ସମୟରେ ହଜାର ହଜାର ନାଗରିକ ସଂସଦ ବାହାରେ ଏକାଠି ହୋଇ ତାଙ୍କର ନେତା ମାଦୁରୋଙ୍କ ମୁକ୍ତି ଦାବି କରିଥିଲେ ।

ନ୍ୟୁୟର୍କ କୋର୍ଟରେ ମାଦୁରୋ ଓ ପତ୍ନୀ ସିଲିଆ ଫ୍ଲୋରେସ

ଅନ୍ୟପକ୍ଷେ ନ୍ୟୁୟର୍କ କୋର୍ଟରେ ମାଦୁରୋ ଓ ତାଙ୍କ ପତ୍ନୀ ସିଲିଆ ଫ୍ଲୋରେସଙ୍କୁ ହାଜର କରାଯାଇଥିଲା । ସିଏନଏନ ତଥ୍ୟ ଅନୁସାରେ, କୋର୍ଟରେ ଉଭୟେ ନିଜକୁ ନିର୍ଦ୍ଦୋଷ ବୋଲି କହିଥିଲେ । ତାଙ୍କ ବିରୋଧରେ ଆସିଥିବା ଡ୍ରଗ୍ସ କାରବାର ତଥା ଅସ୍ତ୍ରଶସ୍ତ୍ର କାରବାର ଅଭିଯୋଗ ସଂପୂର୍ଣ୍ଣ ମିଥ୍ୟା ବୋଲି ସେମାନେ କହିଛନ୍ତି । ସେତିକି ନୁହେଁ, ଆମେରିକା ସରକାର ସେମାନଙ୍କୁ ତାଙ୍କ ଦେଶରୁ ଅପହରଣ କରି ନେଇ ଆସିଛନ୍ତି ବୋଲି ମଧ୍ୟ ଉଭୟେ କୋର୍ଟରେ କହିଛନ୍ତି ।

ଜଜଙ୍କୁ ମାଦୁରୋ କହିଲେ 'ମୁଁ ଏବେ ବି ମୋ ଦେଶର ରାଷ୍ଟ୍ରପତି '

ସେ କୋର୍ଟରେ କହିଥିଲେ, 'ତାଙ୍କୁ ଭେନଜୁଏଲାର କାରାକସ ସ୍ଥିତ ତାଙ୍କ ଘରେ ଧରି ନେଇଥିଲେ' । ଯେତେବେଳେ ଜଜ ଏଲବିନ ହେଲରଷ୍ଟିନ ତାଙ୍କୁ ମଝିରେ ବାଧା ଦେବାକୁ ଚେଷ୍ଟା କଲେ ସେ କହିଥିଲେ, 'ମୁଁ ଏବେ ବି ମୋ ଦେଶର ରାଷ୍ଟ୍ରପତି ।' ପରେ ତାଙ୍କ ବିରୋଧରେ ଆସିଥିବା ଅଭିଯୋଗର ଜବାବ ଦେଇ କହିଥିଲେ, 'ମୁଁ ନିର୍ଦ୍ଦୋଷ ଅଟେ । ଏଠାରେ ଯାହା ବି କିଛି କୁହାଯାଇଛି ସେ ନେଇ ମୁଁ କାହାକୁ ବି ଦୋଷ ଦେଉନାହିଁ । ମୁଁ ଜଣେ ଭଲ ମଣିଷ ।'

ସିଏନଏନ ପକ୍ଷରୁ କୁହାଯାଇଛି, ଜଜ ହେଲରଷ୍ଟିନ କହିଛନ୍ତି, ମାଦୁରୋଙ୍କୁ ପରେ ତାଙ୍କର ଗିରଫଦାରୀ ଏବଂ ତାଙ୍କ ବିରୋଧରେ ଲାଗିଥିବା ସଜା ଉପରେ ବିସ୍ତୃତ ଭାବେ କରିବାପ ସୁଯୋଗ ଦଆଯିବ । ମାଦୁରୋଙ୍କ ଓକିଲ ସ୍ପଷ୍ଟ କରିଛନ୍ତି ଯେ, 'ଚାରୋଟି ଅଭିଯୋଗରେ ତାଙ୍କୁ ନିର୍ଦ୍ଦୋଷ ବୋଲି କହିଛନ୍ତି । ମାଦୁରୋଙ୍କ ପତ୍ନୀ ସିଲିଆ ଫ୍ଲୋରେସ ମଧ୍ୟ ନିର୍ଦ୍ଦୋଷ ବୋଲି ଦାବି କରିଥିଲେ । ଜଜ ସ୍ପେନିଶରେ କହିଥିଲେ ‘ନିର୍ଦ୍ଦୋଷ ନୁହେଁ ସଂପୂର୍ଣ୍ଣ ଭାବେ ନିର୍ଦ୍ଦୋଷ’ ।'

ଇତି ମଧ୍ୟରେ ଟ୍ରମ୍ପ ପ୍ରଶାସନ ସଙ୍କେତ ଦେଇଛି, ମଧ୍ୟବର୍ତ୍ତିକାଳୀନ ସରକାର ନେତୃତ୍ୱରେ ଭେନଜୁଏଲାରେ ଚାଲିଥିବା ସମସ୍ତ ଗତିବିଧି ଉପରେ ସେମାନେ ନଜର ରଖିଛନ୍ତି ।

ଏହା ମଧ୍ୟ ପଢନ୍ତୁ ଫଟୋରେ ଖବର: ଭେନେଜୁଏଲା ଉପରେ ଆମେରିକାର ଆକ୍ରମଣ, ନିକୋଲାସ ମଦୁରୋଙ୍କୁ ଗିରଫ କରିବାର ଦୃଶ୍ୟ

ଏହା ମଧ୍ୟ ପଢନ୍ତୁ ଭେନେଜୁଏଲାରେ ଆମେରିକା ଆକ୍ରମଣ ଗଭୀର ଚିନ୍ତାର ବିଷୟ: MEA