ବଢିଲା ପେଟ୍ରୋଲ-ଡିଜେଲ ଦର: କେଉଁ ସହରର କେତେ ଟଙ୍କାରେ ମିଳୁଛି, ଦେଖନ୍ତୁ ଲିଷ୍ଟ

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଯୁଦ୍ଧ ସଙ୍କଟ ମଧ୍ୟରେ ଖାଉଟିଙ୍କୁ ବଡ଼ ଝଟ୍‌କା । ବଢିଲା ପେଟ୍ରୋଲ-ଡିଜେଲ ଦର । ଲିଟର ପିଛା 3 ଟଙ୍କା ବଢିଲା ଦର । ସେହିପରି ସିଏନଜି ଦର କେଜି ପ୍ରତି 2ଟଙ୍କା ବୃଦ୍ଧି ପାଇଛି । ସିଏନଜି ଦର 2ଟଙ୍କା ବୃଦ୍ଧି ପାଇ ନୂଆଦିଲ୍ଲୀରେ ଦର ହୋଇଛି 79 ଟଙ୍କା 09 ପଇସା । ଆଜିଠୁ ଲାଗୁ ହେଲା ବର୍ଦ୍ଧିତ ଦର ।

ବଢିଲା ଦର:

ଆଜି(ମେ’ 15) ପେଟ୍ରୋଲ-ଡିଜେଲ ଦର ବୃଦ୍ଧି ସହ ନୂଆ ଦର ଜାରି କରାଯାଇଛି । ଅନ୍ତରାଷ୍ଟ୍ରୀୟ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଉଥିବା ବେଳେ ଏହାକୁ ଦୃଷ୍ଟିରେ ରଖି ପେଟ୍ରୋଲ-ଡିଜେଲ ଦର ବୃଦ୍ଧି କରିଛନ୍ତି ତୈଳ କମ୍ପାନୀ । ଫଳରେ ସାଧାରଣ ଜନତାଙ୍କ ଉପରେ ବୋଝ ଉପରେ ନଳିତା ବିଡା ସଦୃଶ୍ୟ ହୋଇଛି । ପେଟ୍ରୋଲ-ଡିଜେଲ ଲିଟର ପିଛା 3 ଟଙ୍କା ବଢାଇଛନ୍ତି କମ୍ପାନୀ ।

ଦର ବଢିବା ପରେ କେଉଁ ସହରରେ କେତେ ହେଲା ପେଟ୍ରୋଲ ଦର । ନିମ୍ନରେ ଦିଆଗଲା...

• ନୂଆଦିଲ୍ଲୀରେ ପେଟ୍ରୋଲ ଦାମ 3 ଟଙ୍କା ବୃଦ୍ଧି ପାଇଛି । ବର୍ତ୍ତମାନ ଏଠାରେ ଉପଭୋକ୍ତାଙ୍କୁ ଲିଟର ପିଛା 97 ଟଙ୍କା 77 ପଇସା ଦେବାକୁ ପଡିବ ।
• କୋଲକାତାରେ ଅଧିକ ବଢିଛି ପେଟ୍ରୋଲ ଦର । ଲିଟର ପିଛା ଏଠାରେ 3 ଟଙ୍କା 29 ପଇସା ବଢିଛି, ବର୍ଦ୍ଧିତ ଦର ସହ ଉପଭୋକ୍ତାଙ୍କୁ ବର୍ତ୍ତମାନ ଦେବାକୁ ପଡିବ 108 ଟଙ୍କା 74 ପଇସା ।
• ଭୁବନେଶ୍ବରରେ 3 ଟଙ୍କା 60 ପଇସା ବୃଦ୍ଧି ପାଇଛି । ବର୍ଦ୍ଧିତ ଦର ସହ ଭୁବନେଶ୍ବରରେ ଉପଭୋକ୍ତାଙ୍କୁ ଲିଟର ପିଛା 104 ଟଙ୍କା 57 ପଇସା ଦେବାକୁ ପଡିବ ।
• ମୁମ୍ବାଇରେ ପେଟ୍ରୋଲ 3ଟଙ୍କା 10 ପଇସା ବୃଦ୍ଧି ପାଇଛି । ଲିଟର ପିଛା ଦର ପହଞ୍ଚିଛି 106 ଟଙ୍କା 64 ପଇସା ।
• ଚେନ୍ନାଇରେ 3 ଟଙ୍କା 10 ଟଙ୍କା ବୃଦ୍ଧି ପାଇଛି । ନୂଆ ଦର 103 ଟଙ୍କା 90 ପଇସା ହେଲା ଲିଟର ।
• ବେଙ୍ଗାଲୁରୁରେ ଲିଟର ପିଛା 3 ଟଙ୍କା 21 ପଇସା ବୃଦ୍ଧି ଘଟିଛି । ନୂଆ ଦର 106 ଟଙ୍କା 17 ପଇସାରେ ପହଞ୍ଚିଛି
• ନୋଏଡାରେ ପେଟ୍ରୋଲ ଦର 3ଟଙ୍କା 30 ପଇସା ବୃଦ୍ଧି ଘଟିଛି, ନୂଆ ଦର 98 ଟଙ୍କା 4 ପଇସାରେ ପହଞ୍ଚିଛି ।

ଗତକାଲିଠୁ ରାଜ୍ୟର ଏକାଧିକ ସ୍ଥାନରେ ତୈଳ ସଙ୍କଟ ସାମ୍ନାକୁ ଆସିଥିଲା । ରାଜଧାନୀଠୁ ନେଇ ଅନେକ ଅଞ୍ଚଳରେ ପେଟ୍ରୋଲ ପମ୍ପ ଗୁଡିକରେ ଲୋକଙ୍କ ଲମ୍ବା ଲାଇନ ଦେଖିବାକୁ ମିଳିଛି । କିଛି କିଛି ପେଟ୍ରୋଲ ପମ୍ପରେ ଷ୍ଟକ ନଥିବା ବୋର୍ଡ ଲାଗିଥିବା ଦେଖିବାକୁ ମିଳିଥିଲା । ଏହାରି ଭିତରେ ପେଟ୍ରୋଲ-ଡିଜେଲ ଦରଦାମ ବୃଦ୍ଧି ଖାଉଟିଙ୍କୁ ବଡ଼ ଝଟ୍‌କା ଦେଇଛି ।