ଜମ୍ମୁ-କଶ୍ମୀରରୁ ଧାରା 370 ଉଚ୍ଛେଦ ପ୍ରତିବାଦରେ ମେହବୁବା ମୁଫତିଙ୍କ ଧାରଣା, ଓଲଟା ଧରିଲେ ଜାତୀୟ ପତାକା, ସୁରକ୍ଷା କାରଣରୁ ସ୍ଥଗିତ ରହିଲା ଅମରନାଥ ଯାତ୍ରା

ARTICLE 370 ABROGATION ANNIVERSARY, ଜମ୍ମୁ : ଜମ୍ମୁ ବେସ କ୍ୟାମ୍ପରୁ ଅମରନାଥ ଯାତ୍ରାକୁ ସ୍ଥଗିତ ରଖାଯାଇଛି । ଧାରା 370 ହଟାଯିବାର 7 ବର୍ଷ ପୂର୍ତ୍ତି ଅବସରରେ ଜମ୍ମୁ ଓ କାଶ୍ମୀରରେ ସୁରକ୍ଷା ବ୍ୟବସ୍ଥା କଡାକଡି କରାଯିବା କାରଣରୁ ବୁଧବାର ଏହି ଯାତ୍ରାକୁ ସ୍ଥଗିତ ରଖାଯାଇଛି ।

ଗୋଟିଏ ଦିନ ପାଇଁ ଭଗବତୀ ବେସ କ୍ୟାମ୍ପରୁ ଏହି ଯାତ୍ରା ସ୍ଥଗିତ ରଖା ଯାଇଥିଲେ ହେଁ ପ୍ରଶାସନ ପକ୍ଷରୁ କୌଣସି ନିର୍ଦ୍ଦିଷ୍ଟ କାରଣ ଦର୍ଶାଯାଇ ନାହିଁ । ତେବେ ବର୍ତ୍ତମାନର ସ୍ଥିତିକୁ ନେଇ ସତର୍କତାମୂଳକ ପଦକ୍ଷେପ ସ୍ୱରୂପ ଏହି ନିଷ୍ପତ୍ତି ନିଆଯାଇଛି ବୋଲି ସରକାରୀ ସୂତ୍ରରୁ କୁହାଯାଇଛି । ଜମ୍ମୁ ବେସ କ୍ୟାମ୍ପରୁ ଅନନ୍ତନାଗର ପହଲାଗାମ ଏବଂ ଗାନ୍ଦରବଲ ଜିଲ୍ଲାର ବାଲତାଲସ୍ଥିତ ଯାଆଁଳା ବେସ କ୍ୟାମ୍ପ ଅଭିମୁଖେ କୌଣସି ନୂଆ ଶ୍ରଦ୍ଧାଳୁ ଦଳକୁ ଯିବାକୁ ପ୍ରଶାସନ ପକ୍ଷରୁ ଅନୁମତି ମିଳିନାହିଁ ।

କେନ୍ଦ୍ର ସରକାର 2019 ଅଗଷ୍ଟ 5 ତାରିଖରେ ଜମ୍ମୁ-କାଶ୍ମୀରରୁ ଧାରା 370 ଅଧୀନରେ ଥିବା ସ୍ୱତନ୍ତ୍ର ମାନ୍ୟତା ପ୍ରତ୍ୟାହାର କରିନେବା ସହ ଏହାକୁ ଦୁଇଟି କେନ୍ଦ୍ର ଶାସିତ ଅଞ୍ଚଳରେ ପୁନର୍ଗଠନ କରିଥିଲେ । ତେବେ ବିଜେପି ସରକାରଙ୍କର ଏହି ନିଷ୍ପତ୍ତିକୁ ଶାସକ ନେସନାଲ୍ କନଫରେନ୍ସ, କଂଗ୍ରେସ ଏବଂ ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ସମେତ ବିଭିନ୍ନ ରାଜନୈତିକ ଦଳ ବିରୋଧ କରିବା ସହ ଅଗଷ୍ଟ ୫ କୁ "କଳା ଦିବସ" ଭାବେ ପାଳନ କରୁଛନ୍ତି ।

ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିପୁଲ୍ସ ଡେମୋକ୍ରାଟିକ ପାର୍ଟି (ପିଡିପି) ମୁଖ୍ୟ ମେହବୁବା ମୁଫତି ଧାରା 370 ହଟାଇବାର ସପ୍ତମ ବାର୍ଷିକୀ ପାଳନର ଦିନକ ପୂର୍ବରୁ ଅର୍ଥାତ ମଙ୍ଗଳବାର ରାତିରେ ଶ୍ରୀନଗରରେ ବିରୋଧ ପ୍ରଦର୍ଶନ କରିଥିଲେ ।

ବିରୋଧ ପ୍ରଦର୍ଶନ ସମୟରେ ମେହବୁବା ମୁଫତି ଜାତୀୟ ପତାକାକୁ ଓଲଟା ଧରିିଥିଲେ । ଏହାକୁ ନେଇ ବିବାଦ ଦେଖା ଦେଇଥିଲା । କୁହାଯାଉଛି ଯେ, ବିବାଦ ଦେଖା ଦେବା ପରେ ମେହବୁବା ଜାତୀୟ ପତାକକୁ ଠିକ ଭାବେ ଧରିିଥିଲେ । ମେହବୁବା ମୁଫତିଙ୍କ ନେତୃତ୍ୱରେ ପିଡିପି କର୍ମୀ ଶ୍ରୀନଗର ପାର୍ଟି ମୁଖ୍ୟ କର୍ଯ୍ୟାଳୟ ସମ୍ମୁଖରେ ବିରୋଧ ପ୍ରଦର୍ଶନ କରିଥିଲେ । ମେହବୁବା ଦଳୀୟ କର୍ମୀଙ୍କ ଗହଣରେ ନିଜ ଅଫିସ ବାହାରେ ମହମବତୀ ଜଳାଇ ଧାରଣା ଦେଇଥିଲେ । ମେହବୁବା କହିଛନ୍ତି, 'ଭାରତ ସରକାର ଜମ୍ମୁ କାଶ୍ମୀର ଲୋକଙ୍କ ସହ ଆଲୋଚନା କରିବା ଦରକାର ଏବଂ ସେମାନଙ୍କ ଅଧିକାର ଏବଂ ସାମ୍ବିଧାନିକ ମାନ୍ୟତା ଫେରାଇ ଦେବା ଦରକାର ଯାହା 2019 ଅଗଷ୍ଟ 5 ତାରିଖରେ ସେମାନଙ୍କଠାରୁ ଛଡେଇ ନେଇଥିଲେ ।'

ଏହା ମଧ୍ୟ ପଢନ୍ତୁ କାଶ୍ମୀରରେ ଦୁଇ OGW ଗିରଫ, ବିପୁଳ ଅସ୍ତ୍ରଶସ୍ତ୍ର ଓ ଗୁଳିଗୋଳା ଜବତ

ଏହା ମଧ୍ୟ ପଢନ୍ତୁ ଅନନ୍ତନାଗ ଜିଲ୍ଲାରେ ପୁଣି ଆତଙ୍କୀ ଆକ୍ରମଣ, ଗୁଳି ମାଡ଼ରେ ପୋଲିସ କର୍ମୀ ସହୀଦ