ହାଇଦ୍ରାବାଦ: ଚାଟ୍ ଇତିହାସକୁ ଅଧିକ ସୁରକ୍ଷିତ କରିବାକୁ ଲକ୍ଷ୍ୟ ରଖି ଏକ ନୂତନ ଫିଚର ସହିତ ହ୍ବାଟ୍ସଆପ୍ ୟୁଜରଙ୍କ ଗୋପନୀୟତା ଏବଂ ସୁରକ୍ଷା ପ୍ରତି ପ୍ରତିବଦ୍ଧତାକୁ ବୃଦ୍ଧି କରୁଛି । ୟୁଜରଙ୍କ ତଥ୍ୟ ଓ ଗୋପନୀୟତା ସୁରକ୍ଷାକୁ ବଢାଇବା ପାଇଁ ଏହାର ନିରନ୍ତର ପ୍ରୟାସର ଏକ ଅଂଶ ଭାବରେ ପ୍ଲାଟଫର୍ମ ୟୁଜରଙ୍କୁ ସେମାନଙ୍କ ବାର୍ତ୍ତାଳାପ ଉପରେ ଅଧିକ ନିୟନ୍ତ୍ରଣ ଦେବା ପାଇଁ ଉନ୍ନତ ସେଟିଂ ବିକାଶ କରୁଛି । ଫଳରେ ୟୁଜରଙ୍କ ଇଚ୍ଛା ବିନା ରିସିଭର କୌଣସି ଫଟୋ ଓ ଭିଡିଓ ସେଭ୍ କରିପାରିବନେ ନାହିଁ ।
ବିନା ଅନୁମତିରେ ଗ୍ୟାଲେରୀରେ ସେଭ୍ ହେବନି ଫଟୋ ଓ ଭିଡିଓ
ଆଣ୍ଡ୍ରଏଡ୍ ପାଇଁ ହ୍ବାଟ୍ସଆପ୍ରେ ଲାଟେଷ୍ଟ ବିଟା ସଂସ୍କରଣରୁ ମିଳିଥିବା ତଥ୍ୟ ଅନୁଯାୟୀ, ଆପ୍ ଏକ ଗୋପନୀୟତା-କେନ୍ଦ୍ରିତ ସେଟିଂ ଉପରେ କାମ କରୁଛି ଯାହା ଆଗାମୀ ଅପଡେଟ୍ ସହ ଆସିପାରେ । ଏହି ନୂଆ ପ୍ରାଇଭେସି ଫିଚର ମିଡିଆ ଫାଇଲ ଉପରେ ଆଉ ଏକ ସୁରକ୍ଷିତ ସ୍ତର ନିଶ୍ଚିତ କରିବ ଯାହଦ୍ବାରା ଫଟୋ ଏବଂ ଭିଡିଓ ସ୍ବୟଂଚାଳିତ ଭାବରେ ରିସିଭରଙ୍କ ଗ୍ୟାଲେରୀରେ ସେଭ୍ ହେବ ନାହିଁ । ସମ୍ପ୍ରତି ଏହି ପ୍ରତିବନ୍ଧକ କେବଳ ଅଦୃଶ୍ୟ ବାର୍ତ୍ତା (Disappearing Message) ଆକ୍ଟିଭେଟ୍ ଥିବା ଚାଟ୍ ପାଇଁ ରହିଛି ।
ଚାଟ୍ ହିଷ୍ଟ୍ରି ସେୟାରରେ ପ୍ରତିବନ୍ଧକ
ମିଡିଆ ଡାଉନଲୋଡ୍ ଉପରେ ପ୍ରତିବନ୍ଧକ ଲଗାଇବା ବ୍ୟତୀତ, ଏହି ଉନ୍ନତ ଚାଟ୍ ଗୋପନୀୟତା ଫିଚର ସମଗ୍ର ଚାଟ୍ ଇତିହାସ (Chat History) ସେୟାରକୁ ମଧ୍ୟ ରୋକିବ । ଥରେ ଫିଚର ଉପଲବ୍ଧ ହେଲେ, ହ୍ବାଟ୍ସଆପ୍ ମେସେଜ ସେୟାରିଂ କରିବାର କ୍ଷମତାକୁ ଅବରୋଧ କରିବ ଯେଉଁଥିରେ ଏହି ସେଟିଂକୁ ସକ୍ରିୟ କରିଥିବା ଉପଭୋକ୍ତାଙ୍କ ବାର୍ତ୍ତା ଅନ୍ତର୍ଭୂକ୍ତ ହେବ । ବ୍ୟକ୍ତିଗତ ବିନିମୟକୁ ସୁରକ୍ଷିତ ରଖିବା ଏବଂ ଅନଧିକୃତ ତଥ୍ୟ ବାଣ୍ଟିବାର ବିପଦକୁ ହ୍ରାସ କରିବା ପାଇଁ ଏହି ଫିଚର ଆଣିଛି ହ୍ବାଟ୍ସଆପ୍ । ଯେତେବେଳେ ଆବଶ୍ୟକ ସେତେବେଳେ ୟୁଜର ବ୍ୟକ୍ତିଗତ ମେସେଜ ପଠାଇବାକୁ ସକ୍ଷମ ହେବେ । ବ୍ୟକ୍ତିଗତ ବାର୍ତ୍ତାଳାପକୁ ଅଧିକ ସୁରକ୍ଷିତ ଏବଂ ନିୟନ୍ତ୍ରିତ କରିବା ପାଇଁ ପ୍ଲାଟଫର୍ମ ଏହି ଫିଚର ଉପରେ କାମ କରୁଛି ।
କହି ରଖୁଛୁ କି, ଯେହେତୁ ଏହି ଫିଚର ଡେଭଲପ୍ ପର୍ଯ୍ୟାୟରେ ଅଛି, ହ୍ବାଟ୍ସଆପ୍ ଏହାର ଅଫିସିଆଲ୍ ଲଞ୍ଚ ପୂର୍ବରୁ ଅତିରିକ୍ତ କାର୍ଯ୍ୟକାରିତା ଆରମ୍ଭ କରିପାରେ । ଥରେ ରିଲିଜ୍ ହେବା ପରେ ଏହା ସମ୍ପୂର୍ଣ୍ଣ ଅପସନାଲ୍ ରହିବ ଅର୍ଥାତ୍ ୟୁଜରଙ୍କୁ ସେମାନଙ୍କ ପସନ୍ଦ ଉପରେ ଆଧାର କରି ଏହି ଅତ୍ୟାଧୁନିକ ସୁରକ୍ଷା ଫିଚରକୁ ସକ୍ଷମ କରିବାକୁ ଅପସନ ପ୍ରଦାନ କରିବ ।
