ହାଇଦ୍ରାବାଦ: Vivo ଭାରତୀୟ ସ୍ମାର୍ଟଫୋନ ବଜାରରେ ଏକ ନୂତନ ଫୋନ୍ ଲଞ୍ଚ କରିବାକୁ ଯାଉଛି । ଏହି ଫୋନର ନାମ ହେଉଛି Vivo T4 Ultra । ଭିଭୋ ଇଣ୍ଡିଆର ଅଫିସିଆଲ୍ ଏକ୍ସ ହ୍ୟାଣ୍ଡଲ୍ ମାଧ୍ୟମରେ Vivo T4 Ultraର ଏକ ଟିଜର ସେୟାର କରାଯାଇଛି । ଏହି ଟିଜରରେ ଇଂରାଜୀରେ Coming Soon ଲେଖାଯାଇଛି, ଯାହାର ଅର୍ଥ ହେଉଛି ଫୋନଟି 'ଶୀଘ୍ର ଆସୁଛି ।'
ଭିଭୋ ଏହି ଆଗାମୀ ଫୋନ୍ର ଟିଜର ରିଲିଜ୍ କରିଛି, କିନ୍ତୁ ଏପର୍ଯ୍ୟନ୍ତ ପ୍ରକୃତ ଲଞ୍ଚ ତାରିଖ ଘୋଷଣା କରିନାହିଁ । ତଥାପି କମ୍ପାନୀ ନିଶ୍ଚିତ କରିଛି ଯେ ଏହି ଫୋନଟି ପ୍ରମୁଖ ଇ-କମର୍ସ ପ୍ଲାଟଫର୍ମ Flipkartରେ ବିକ୍ରି ଲାଗି ଉପଲବ୍ଧ ହେବ । ଏହି ଫୋନର ଟିଜରରେ ଏହା ମଧ୍ୟ ନିଶ୍ଚିତ କରାଯାଇଛି ଯେ ଏହାର ପଛପଟେ ଏକ ଟ୍ରିପଲ୍ କ୍ୟାମେରା ସେଟଅପ୍ ରହିବ।
Vivoର ନୂତନ ଫୋନର ଟିଜର
ଭିଡିଓ ଟିଜରର ମାତ୍ର 6 ସେକେଣ୍ଡରେ, ଫୋନଟି କଳା ରଙ୍ଗରେ ଦେଖାଯାଉଛି । ଫେନର ପଛରେ ଏକ ଅଣ୍ଡାକାର ଆକାରର କ୍ୟାମେରା ମଡ୍ୟୁଲ୍ ଏବଂ ଏହାର ତଳ ଭାଗରେ ଏକ Aura Ring ଫ୍ଲାସଲାଇଟ୍ ଅଛି । ଏହି ଫୋନର ପଛପଟେ ଥିବା ଟ୍ରିପଲ୍ କ୍ୟାମେରା ୟୁନିଟ୍ର କ୍ଲୋଜଅପ୍ ଭିଡିଓରେ ଏହା ଦେଖିବାକୁ ମିଳିଛି ଯେ ଏଥିରେ ଏକ ପେରିସ୍କୋପ୍ ଟେଲିଫଟୋ ଲେନ୍ସ ଅଛି । ଏହା ବ୍ୟତୀତ କ୍ୟାମେରା ମଡ୍ୟୁଲ୍ରେ ଲେଖାଯାଇଥିବା ଲେଖା ମଧ୍ୟ ନିଶ୍ଚିତ କରିଛି ଯେ ଫୋନଟି 100x ଡିଜିଟାଲ୍ ଜୁମ୍ ସମର୍ଥନ ସହିତ ଆସିବ ।
Get in the zone with an Ultra-powerful zoom! You down to get those clear clicks?#T4Ultra #GetSetTurbo #TurboLife #ComingSoon pic.twitter.com/GR2QhBfCNp
— vivo India (@Vivo_India) May 30, 2025
ଏହି ଭିଡିଓ ଟିଜର୍ ଏହା ମଧ୍ୟ ନିଶ୍ଚିତ କରିଛି ଯେ ଏହି ଭିଭୋ ଫୋନଟି ଭାରତରେ ଫ୍ଲିପକାର୍ଟରେ ବିକ୍ରି ହେବ । ଫ୍ଲିପକାର୍ଟରେ ଏହି ଫୋନ୍ ପାଇଁ ଏକ ଉତ୍ସର୍ଗୀକୃତ ଲ୍ୟାଣ୍ଡିଂ ପେଜ୍ ମଧ୍ୟ ସୃଷ୍ଟି କରାଯାଇଛି, ଯାହା ନୂତନ ଫୋନ ବିଷୟରେ ଖୁବଶୀଘ୍ର ସୂଚନା ପ୍ରଦାନ କରିବ । ଫ୍ଲିପକାର୍ଟ ତାଲିକାରୁ ଜଣାପଡ଼ିଛି ଯେ ଏହି ଆଗାମୀ ଭିଭୋ ଫୋନରେ ଅନେକ AI ଫିଚର ମଧ୍ୟ ପ୍ରଦାନ କରାଯିବ।
Vivo T4 Ultra: ସମ୍ଭାବ୍ୟ ସ୍ପେଶିଫିକେସନ
- ଡିସପ୍ଲେ: ଏହି ଫୋନରେ 6.67-ଇଞ୍ଚ ସ୍କ୍ରିନ୍ ରହିପାରେ, ଯାହାର ରିଫ୍ରେସ୍ ରେଟ୍ 120Hz ରହିବ ।
- ପ୍ରୋସେସର: ଏହି ଫୋନରେ ପ୍ରୋସେସର ପାଇଁ Dimensity 9300 ସିରିଜ୍ ଚିପସେଟ୍ ଦିଆଯାଇପାରେ ।
- କ୍ୟାମେରା: ଏହି ଫୋନର ପଛପଟେ 50MP Sony IMX921 କ୍ୟାମେରା ସେନ୍ସର୍ ଦିଆଯାଇପାରେ । ଏହା ବ୍ୟତୀତ ଫୋନର ପଛପଟେ 50MP ପେରିସ୍କୋପ୍ ଟେଲିଫୋଟୋ ଲେନ୍ସ ମଧ୍ୟ ଦିଆଯାଇପାରେ।
- ସଫ୍ଟୱେର: Vivo T4 Ultra ଫୋନଟି Android 15 ଉପରେ ଆଧାରିତ Funtouch OS 15ରେ ଚାଲିପାରିବ ।
- ବ୍ୟାଟେରୀ ଓ ଚାର୍ଜିଂ: ଫୋନଟି 90W ଫାଷ୍ଟ ଚାର୍ଜିଂ ସପୋର୍ଟ ସହିତ ଫୋନରେ ଏକ ବଡ଼ ବ୍ୟାଟେରୀ ଦିଆଯାଇପାରେ ।
କୁହାଯାଉଛି ଯେ ଏହି ଫୋନଟି ଜୁନ୍ ମାସରେ ଲଞ୍ଚ ହୋଇପାରେ । ଅନ୍ୟପଟେ ଗତ ବର୍ଷ ସେପ୍ଟେମ୍ବର ମାସରେ ଲଞ୍ଚ ହୋଇଥିବା ଏହାର ପୂର୍ବ ମଡେଲ Vivo T3 Ultra ସ୍ମାର୍ଟଫୋନ ବିଷୟରେ କହିବା, ତେବେ ଏହି ଫୋନରେ MediaTek Dimensity 9200+ ଚିପସେଟ୍ ଏବଂ 80W ଫାଷ୍ଟ ଚାର୍ଜିଂ ସପୋର୍ଟ ସହିତ 5500mAh ବ୍ୟାଟେରୀ ଅଛି । ଏହି ଫୋନର ମୂଲ୍ୟ 31,999 ଟଙ୍କା ଥିଲା, ଯେଉଁଥିରେ ୟୁଜରଙ୍କ ପାଖରେ 8GB RAM ଏବଂ 128GB ଷ୍ଟୋରେଜ୍ ଥିଲା । ଆଗାମୀ Vivo T4 Ultra ସ୍ମାର୍ଟଫୋନର ଦାମ ସମ୍ପର୍କରେ କୌଣସି ତଥ୍ୟ ମିଳିନାହିଁ ।
