ହାଇଦ୍ରାବାଦ: ଚାଇନିଜ କମ୍ପାନୀ ଭାରତୀୟ ବଜାରରେ ଗୋଟିଏ ପରେ ଗୋଟିଏ ସ୍ମାର୍ଟଫୋନ ଲଞ୍ଚ କରୁଛି । ଆସନ୍ତା ସପ୍ତାହ ଅର୍ଥାତ ଏପ୍ରିଲ 22 ତାରିଖ ମଧ୍ୟାହ୍ନ 12ଟାରେ କମ୍ପାନୀ କ୍ବାଡ୍ କର୍ଭଡ ଡିସପ୍ଲେ ସହିତ ଆସିଥିବା Vivo T4 5G ସ୍ମାର୍ଟଫୋନକୁ ଲଞ୍ଚ କରିବ । ଏ ସମ୍ପର୍କରେ କମ୍ପାନୀ ଏକ୍ସ ହ୍ୟାଣ୍ଡେଲରେ ପୋଷ୍ଟ ହୋଇଥିବା ଟିଜର ଫଟୋ ଓ ପ୍ରମୋସନାଲ ପୋଷ୍ଟରରୁ ସ୍ପଷ୍ଟ ସୂଚନା ମିଳିଛି । ଲଞ୍ଚ ପୂର୍ବରୁ ସ୍ମାର୍ଟଫୋନର ଡିଜାଇନ, ଫିଚର ଓ କଲର ଭାରିଏଣ୍ଟର ଖୁଲାସା ହୋଇଛି ।
ଭିଭୋ T4 5G ଅଲଟ୍ରା-ସ୍ଲିମ୍ ବେଜେଲ୍ ସହିତ ଏକ କ୍ବାଡ୍ କର୍ଭଡ୍ AMOLED ଡିସପ୍ଲେ ଏବଂ ସାମ୍ନା କ୍ୟାମେରା ପାଇଁ ଏକ ସେଣ୍ଟ୍ରାଲ୍ ହୋଲ୍-ପଞ୍ଚ କଟ୍ଆଉଟ୍ ସହ ଆସିଛି । ଫୋନର ଡାହାଣ ପାର୍ଶ୍ବରେ ପାୱାର୍ ବଟନ୍ ଏବଂ ଭଲ୍ୟୁମ୍ ରକର୍ ଅଛି । ଏହାର ପଛ ଭାଗରେ ଏକ ବୃହତ ବୃତ୍ତାକାର କ୍ୟାମେରା ମଡ୍ୟୁଲ୍ ରହିଛି ଯେଉଁଥିରେ ଦୁଇଟି ସେନ୍ସର ଏବଂ ଏକ ଏଲଇଡି ରିଙ୍ଗ ଫ୍ଲାସ୍ ଅଛି । ଫୋନଟି ଅପ୍ଟିକାଲ୍ ଇମେଜ୍ ସ୍ଥିରତା ଏବଂ ପୋଟ୍ରେଟ୍ ଫଟୋଗ୍ରାଫି ସହିତ ଆସିଛି । ଡିଭାଇସ୍ଟି ଦୁଇଟି କଲର ଅପସନ ଏମେରାଲ୍ଡ ବ୍ଲେଜ୍ (ସବୁଜ) ଏବଂ ଫାଣ୍ଟମ୍ ଗ୍ରେ (ଧୂସର) ସହିତ ଆସିପାରେ ।
#GetSetTurbo and multitask in the blink of an eye with the new #vivoT4, coming in hot on 22nd April! #TurboLife is within your reach.
— vivo India (@Vivo_India) April 14, 2025
Know More - https://t.co/O732aX97oE#vivoT4 #GetSetTurbo #TurboLife #ComingSoon pic.twitter.com/pD5CV9CpnY
Vivo T4 5G: ସମ୍ଭବତଃ ସ୍ପେଶିଫିକେସନ
- ଡିସପ୍ଲେ: 6.67- ଇଞ୍ଚ FHD + AMOLED, କ୍ବାଡ୍-କର୍ଭଡ୍, 120Hz ରିଫ୍ରେସ୍ ରେଟ୍, 5000 ନିଟ୍ସ ପର୍ଯ୍ୟନ୍ତ ସର୍ବାଧିକ ବ୍ରାଇଟନେସ୍ ସହ ଆସିଛି ।
- ପ୍ରୋସେସର: କ୍ବାଲକମ୍ ସ୍ନାପଡ୍ରାଗନ୍ 7s ଜେନ 3 ଚିପସେଟ ଆଡ୍ରେନୋ ଜିପିୟୁ ସହ ଆସିଛି ।
- ପରିମାପ: 8.1ମିମି ମୋଟେଇ ଏବଂ ଓଜନ 195 ଗ୍ରାମ
- RAM ଓ ଷ୍ଟୋରେଜ: 8GB + 128GB, 8GB + 256GB ଏବଂ 12GB + 256GB
- ପଛ କ୍ୟାମେରା: OIS ସହିତ 50MP ସୋନି IMX882 ମୁଖ୍ୟ ସେନ୍ସର + 2MP ସେକେଣ୍ଡାରୀ ସେନ୍ସର ସହ ଆସିଛି ।
- ସାମ୍ନା କ୍ୟାମେରା: 32MP ସେଲଫି ସୁଟର
- ବ୍ୟାଟେରୀ: 90W ଦ୍ରୁତ ଚାର୍ଜିଂ ସମର୍ଥନ ସହିତ 7300mAh ବଡ଼ ବ୍ୟାଟେରୀ ।
- ସଫ୍ଟୱେର୍: ଆଣ୍ଡ୍ରଏଡ୍ 15-ଆଧାରିତ Funtouch OS 15
- ଅନ୍ୟାନ୍ୟ ଫିଚର: ଇନ୍-ଡିସପ୍ଲେ ଫିଙ୍ଗର ପ୍ରିଣ୍ଟ ସେନ୍ସର, ଆଇଆର ବ୍ଲାଷ୍ଟର, AI- ସମର୍ଥିତ ଫିଚର ମଧ୍ୟ ମିଳିପାରେ ।
ଦାମ କେତେ ରହିପାରେ ?
ଏହି ହ୍ୟାଣ୍ଡସେଟ୍ର ଦାମ ଭାରତୀୟ ବଜାରରେ ₹20,000 ଟଙ୍କାରୁ ₹25,000 ଟଙ୍କା ମଧ୍ୟରେ ରହିପାରେ ବୋଲି ଆଶା କରାଯାଉଛି । ତେବେ ଲଞ୍ଚ ଇଭେଣ୍ଟରେ କମ୍ପାନୀ ଏହାର ପ୍ରକୃତ ଦାମର ଖୁଲାସା କରିବ ।
