ଅଚାନକ ଡାଉନ ହେଲା UPI, ଅନଲାଇନ ପେମେଣ୍ଟରେ ସମସ୍ୟା ଭୋଗୁଛନ୍ତି ୟୁଜର୍ସ

ଦେଶର ଅନେକ ସ୍ଥାନରେ ଅଚାନକ ୟୁପିଆଇ ଡାଉନ ହୋଇଛି । ଫଳରେ ୟୁଜର୍ସ ଅନଲାଇନ ପେମେଣ୍ଟ କରିବାରେ ସମସ୍ୟା ଭୋଗୁଥିବା ଜଣାପଡ଼ିଛି । ଅଧିକ ପଢନ୍ତୁ

ହାଇଦ୍ରାବାଦ: ସାରା ଭାରତରେ ଅଚାନକ ୟୁନିଫାଏଡ ପେମେଣ୍ଟ ଇଣ୍ଟରଫେସ୍‌ (UPI) ସର୍ଭର ଅଚଳ ହୋଇପଡ଼ିଛି । ଫଳରେ ଅନେକ ୟୁପିଆଇ ୟୁଜର ଟଙ୍କା ନେଣଦେଣରେ ସମସ୍ୟା ଭୋଗୁଛନ୍ତି । ଡାଉନଡିଟେକ୍ସରର ରିପୋର୍ଟ ଦେଖିଲେ ମଧ୍ୟାହ୍ନ 12ଟା ସୁଦ୍ଧା ପ୍ରାୟ 1168ଜଣ ୟୁପିଆଇ ୟୁଜର ସମସ୍ୟା ଭୋଗୁଥିବା ଅଭିଯୋଗ କରିଛନ୍ତି । ପ୍ରମୁଖ ଡିଜିଟାଲ ପେମେଣ୍ଟ ପ୍ଲାଟଫର୍ମ ଯେପରିକି ଗୁଗଲ୍‌ ପେ, ପେଟିଏମ ଓ ଫୋନ ପେ' ଆପ୍‌ରେ ସମସ୍ୟା ହେଉଥିବା ଦେଖିବାକୁ ମିଳିଛି ।

ଇଟିଭି ଭାରତ ସମଗ୍ର ରାଜ୍ୟରେ ଲୋକଙ୍କ ସହ କଥାବାର୍ତ୍ତା କରି ଏହି ସମସ୍ୟା ଉପୁଜିଥିବା ନିଶ୍ଚିତ କରିଛି । QR କୋଡ୍ ସ୍କାନିଂ କିମ୍ବା UPI-ଲିଙ୍କ୍ ହୋଇଥିବା ଫୋନ୍ ନମ୍ବର କିମ୍ବା UPI IDକୁ ସିଧାସଳଖ ପଠାଇବା ପାଇଁ ଉପଭୋକ୍ତାମାନେ ଏକ ତ୍ରୁଟି ଦେଖୁଛନ୍ତି । ଏହି ତ୍ରୁଟି UPI ଆପ୍ ଏବଂ ବ୍ୟାଙ୍କ ଆକାଉଣ୍ଟରେ ଦେଖିବାକୁ ମିଳୁଥିବାରୁ UPI ସର୍ଭରରେ ସମସ୍ୟା ଥିବା ଅନୁମାନ କରାଯାଉଛି ।

DownDetector Report (Image Credit: ETV Bharat Via DownDetector)

ଡାଉନଡେଟେକ୍ଟର ଅନୁଯାୟୀ, UPI ସର୍ଭରଗୁଡ଼ିକରେ ସମସ୍ୟା ପ୍ରାୟ 11:30ରୁ ଆରମ୍ଭ ହୋଇଥିଲା । ପ୍ଲାଟଫର୍ମ ଅନୁଯାୟୀ ଏହି ସମସ୍ୟା ସାରା ଦେଶରେ ଥିବା ୟୁପିଆଇ ବ୍ୟବହାରକାରୀଙ୍କ ନିକଟରେ ଦେଖିବାକୁ ମିଳିଛି । 76% ୟୁଜର ପେମେଣ୍ଟରେ ସମସ୍ୟା ଭୋଗୁଥିବାବେଳେ 23% ଟଙ୍କା ନେଣଦେଣରେ ତ୍ରୁଟି ଦେଖୁଛନ୍ତି । ଧିରେ ଧିରେ ୟୁଜରଙ୍କ ଅଭିଯୋଗ ବୃଦ୍ଧି ପାଇବାରେ ଲାଗିଛି ।

Ugh, not again! 🤦‍♀️ UPI is down, and I'm stuck here like 🧍‍♀️. Trying to pay for my 🍕, but the app is just spinning. This is so frustrating! 😤 Guess I'll be paying with cash, old-school style. #phonepe #googlepay #mobiquick#UPIDown

— Pushpendra Singh Raj (@Pushpensr) April 12, 2025

Xରେ ଅଭିଯୋଗ କରୁଛନ୍ତି ୟୁଜର

#upi Guys don't try UPI payment. I have been stuck in a tea shop. #upidown

— abdul munavir (@abdulmunavir) April 12, 2025

ଅନ୍ୟପଟେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ମଧ୍ୟ ୟୁଜରମାନେ ଅଭିଯୋଗ କରିବା ଆରମ୍ଭ କରିଥିବା ଦେଖିବାକୁ ମିଳିଛି । ପୁଷ୍ପେନ୍ଦ୍ର ରାଜ ନାଁରେ ଜଣେ ୟୁଜର ଏକ୍ସ ସାଇଟ୍‌ରେ ଲେଖିଛନ୍ତି, "ୟୁପିଆଇ ଡାଉନ ହୋଇଛି । ଏଠାରେ ପିଜା ସପ୍‌ରେ ମୁଁ ଫସିରହିଛି । ମୋତେ ପୁରୁଣା ପଦ୍ଧତି ପରି ନଗଦ ଟଙ୍କା ପୈଠ କରିବାକୁ ପଡ଼ିବ ।" ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, "ୟୁପିଆଇ ପୁଣି ଥରେ ଡାଉନ ହୋଇଛି । ଚା' ଦୋକାନରେ ମୁଁ ଟଙ୍କା ଦେଇପାରୁନଥିବାରୁ ଫସି ରହିଛି ।"

NPCI is currently facing intermittent technical issues, leading to partial UPI transaction declines. We are working to resolve the issue, and will keep you updated.

We regret the inconvenience caused.

— NPCI (@NPCI_NPCI) April 12, 2025

ସର୍ଭର ଡାଉନ ନେଇ ସ୍ପଷ୍ଟ କଲା NPCI

ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଏକ୍ସ ସାଇଟ୍‌ରେ ସାରା ଦେଶରେ UPI ସର୍ଭର ଡାଉନ ଯୋଗୁଁ ସେବା ପ୍ରଭାବିତ ହୋଇଥିବା ନେଇ ସ୍ପଷ୍ଟ କରିଛି । ଏହି ସମସ୍ୟାର ସମାଧାନ ଲାଗି ଏନପିସିଆଇ କାମ କରୁଛି ବୋଲି ମଧ୍ୟ କହିଛି ।

ଅନଲାଇନ ପେମେଣ୍ଟରେ ହେଉଛି ସମସ୍ୟା (ETV Bharat)

ଗତମାସରେ ବି ଅଚଳ ହୋଇଥିଲା UPI

କହି ରଖୁଛୁ କି ଗତମାସରେ ମଧ୍ୟ ୟୁପିଆଇ ସେବା ଅଚଳ ହୋଇପଡ଼ିଥିଲା । ଅନେକ ୟୁଜର ସୋସିଆଲ ମିଡିଆ ପ୍ଲାଟଫର୍ମରେ ଏ ନେଇ ଅଭିଯୋଗ କରିବା ପରେ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ ଏକ୍ସ ସାଇଟ୍‌ରେ ଏନେଇ ସ୍ପଷ୍ଟ କରିଥିଲା । ଏହାପରେ କିଛି ଘଣ୍ଟା ମଧ୍ୟରେ ଏହି ସମସ୍ୟାର ସମାଧାନ ହୋଇଥିଲା ।

UPI କଣ ?

କହି ରଖୁଛୁ କି, UPI ହେଉଛି ଭାରତର ଏକ ଲୋକପ୍ରିୟ ରିଅଲ୍ ଟାଇମ୍ ପେମେଣ୍ଟ ସିଷ୍ଟମ୍ ଯାହା ଉପଭୋକ୍ତାମାନଙ୍କୁ ଦ୍ରୁତ ଗତିରେ ବ୍ୟାଙ୍କ ଆକାଉଣ୍ଟ ମଧ୍ୟରେ ଟଙ୍କା ଟ୍ରାନ୍ସଫର କରିବାକୁ ଅନୁମତି ଦେଇଥାଏ । ନିରବଚ୍ଛିନ୍ନ ଟଙ୍କା ସ୍ଥାନାନ୍ତରଣକୁ ସକ୍ଷମ କରିବା ସହିତ ବିଲ୍ ପୈଠ କରିବା ଏବଂ ବ୍ୟବସାୟୀଙ୍କ ସହିତ ବ୍ୟାଙ୍କ ଆକାଉଣ୍ଟ୍ ବିବରଣୀ ଅଂଶୀଦାର ନ କରି ଅନଲାଇନ୍ କ୍ରୟ କରିବାକୁ ୟୁପିଆଇ ସେବା ଉପଭୋକ୍ତାମାନଙ୍କୁ ଅନୁମତି ଦେଇଥାଏ ।

ଏହା ବି ପଢନ୍ତୁ